ئەر-خوتۇنلار ئارىسىدا دائىم يۈز بېرىدىغان جېدەللەرنىڭ سەۋەبلىرى

1. پۇل ئۈچۈن جېدەللىشىش ئەڭ كۆپ كۆرۈلىدىغان ئائىلە زىدىيىتى.

ئائىلكە تۇرمۇشى ماددىي ئېھتىياجدىن ئايرىلالمايدۇ، بالىنڭ مەكتەپتە ئوقۇشى، داۋالىنىش، چوڭلارنىڭ ھالدىن خەۋەر ئېلىش قاتارلىقلار ئۈچۈن پۇل كېرەك... پۇلنىڭ مانا مۇشۇنداق زۆرۈر ئىشلىتىلىدىغان جايلىرى ئىنتايىن كۆپ، لېكىن ئۆزىمىزنىڭ تاپالايدىغان پۇلى چەكلىك، شۇڭلاشقا پۇل يېتىشمەسلىك سەۋەبىدىن جېدەللىشىش ئەر-خوتۇنلار ئارىسىدا دائىم كۆرۈلىدىغان مەسىلە.

2. بالا تەربىيەلەش قارىشنىڭ ئوخشىماسلىقى.

 بالا تەربىيەلەش ئېڭىنىڭ ئوخشىماسلىقى ياكى تەربىيەلەش ئۇسۇلىنىڭ بىردەك بولماسلىقى، بالىنى باشقۇرۇش ۋە تەربىيەلەشتىكى جىددىيلىشىش، بالنى زىيادە ئەتىۋارلاش قاتارلىق سەۋەبلەر تۈپەيلىدىن، ئەر-خوتۇنلار دائىم تىل ئۇرۇشى قىلىشىدۇ.

3. قايتا-قايتا تەربىيەدىمۇ ئۆزگەرمەيدىغان ناچار ئادەت زىددىيەتنى كەلتۈرۈپ چىقىرىدۇ.

ئېرىنىڭ تاماكا چېكىشىنى قوللايدىغان ئاياللار دائىم يوق دېيەرلىك، ئائىلىدە ئاياللار دائىم ئېرىنى تاماكا تاشلاشقا ئۈندەيدۇ، لېكىن ئېرى يەنىلا ئۆزى بىلگەن سەنەمگە دەسسەۋېرىدۇ، خوتۇنى كۆپ نەسىھەت قىلغانسېرى ئۇنىڭدىن بىزار بولىدۇ، ئاخىردا ئەرنىڭ ناھار كەيپىياتى سەۋەبلىك جېدەل كېلىپ چىقىدۇ.

4. ھاراقنى زىيادە كۆپ ئىچىش ئەر-خوتۇنلارنىڭ ئىناقلىقىغا تەسىر يەتكۈزىدۇ.

مەسىلە شۇ يەردىكى، نەسىھەت قىلىش ئۇسۇلىنىڭ توغرا بولماسلىقى ياكى خوتۇننىڭ قاتتىق ۋاستە بىلەن ئېرىنى بويسۇندۇرۇشقا ئۇرۇنۇشى سەۋەبلىك قاتتىق جېدەل-ماجىرا كېلىپ چىقىدۇ.

5. تاپتىن چىقىش.

ئەر-ئاياللار ئارىسىدا ساداقەتمەنلىك، ئىشىنىش كەم بولسا، تەرەپلەر ئاسانلا تاپتىن چىقىدۇ. بۇنىڭدىن كېلىو چىقىدىغان جېدەل ئۈزۈلمەيدۇ.

6. قېيىنئانا-كېلىن مۇناسىۋىتىنىڭ ياخشى بولماسلىقى.

ھازىرقى قېيىنئانىلار كۆپنى كۆرگەن، بولۇپمۇ شەھەرلىك قېيىنئانىلار بىلىملىك، خىزمىتىمۇ بار، كېلىنىنىڭ ئوغلىنى ئۇزاق ۋاقىت كونترول قىلىشى ئۇلارنىڭ روھىنى چۈشۈرىدۇ، شۇڭلاشقا ھەممە ئىشقا ئارىلىشىدىغان قېيىنئانا كېلىنىنىڭ نارازىلىقىنى قوزغايدۇ، بۇ ھەتتا ئەر-خوتۇنلارنىڭ جېدىلىنى قوزغايدىغان ئوت پىلتىسىغا ئايلىنىدۇ.

7. ئۆي زىننەتلەشتە پىكىرنىڭ بىردەك بولماسلىقى.

كىشىلەرنىڭ تۇرالغۇ شارائىتىنىڭ بارغانسېرى ياخشىلىنىشىغا ئەگىشىپ، يېڭى ئۆيلەردە ئولتۇرىغانلارنىڭ سانى تېخىمۇ كۆپىيىۋاتىدۇ، شۇنداقلا ئۆي زىننەتلەش مەسىلىسىدە ئەر-خوتۇنلار ئارىسىدا چوڭ-كىچىك جېدەل-ماجىرالار كۆپلەپ يۈز بېرىۋاتىدۇ، شۇ سەۋەبلىك خۇشاللىق ئىشلار كۆڭۈل غەشلىكىگە ئايلىنىپ قېلىۋاتىدۇ.

8. چوڭلارنىڭ ھالىدىن خەۋەر ئېلىش مەسىلىسى.

 كۆپىنچە كىشى چوڭلارنىڭ ھالىدىن خەۋەر ئېلىشنى بىر-بىرىگە ئىتتىرىشمەيدۇ، بىراق بىر قىسم ئائىلىلەردە كېسەلچان ئاتا-ئانىسىغا ھەمراھ بولۇش، ئۇلاردىن خەۋەر ئېلىش مەسىلىسى سەۋەبلىك زىددىيەت كېىلىپ چىقىدۇ، ئائىلىدە چوڭلارنىڭ ھالىدىن خەۋەر ئېلىش يۈكى تەڭ تەقسىملەنمىسە، ھامان نازازىلىق ۋە زىددىيەت كېلىپ چىقىدۇ.