تۈزىتىش كىرگۈزۈلگەندىن كېيىنكى قانۇن چىقىرىش قانۇنىنىڭ تولۇق تېكىستىنى ئېلان قىلىندى

تەڭرىتاغ ئۇيغۇرچە تورى خەۋىرى،

شىخۇا ئاگېنتلىقى، بېيجىڭ، 18 – مارت تېلېگراممىسى. شىنخۇا ئاگېنتلىقى 18 – مارت بېرىلگەن ھوقۇققا بىنائەن تۈزىتىش كىرگۈزۈلگەندىن كېيىنكى ‹‹جۇڭخۇا خەلق جۇمھۇرىيىتىنىڭ قانۇن چىقىرىش قانۇنى››نىڭ تولۇق تېكىستىنى ئېلان قىلدى.

12 – نۆۋەتلىك مەملىكەتلىك خەلق قۇرۇلتىيى 3 – يىغىنىدا 15 – مارت ئاۋازغا قويۇش ئارقىلىق، قانۇن چىقىرىش قانۇنىغا تۈزىتىش كىرگۈزۈش قارارى ماقۇللىنىپ، دۆلەت رەئىسى شى جىنپىڭ 20 – نومۇرلۇق رەئىس پەرمانىغا ئىمزا قويغاندىن كېيىن ئېلان قىلىندى. قانۇن چىقىرىش قانۇنىغا تۈزىتىش كىرگۈزۈش قارارى ئېلان قىلىنغان كۈندىن باشلاپ ئىجرا قىلىنىدۇ، قانۇن چىقىرىش قانۇنىغا بۇ قارارغا ئاساسەن تۈزىتىش كىرگۈزۈلدى ۋە قايتا ئېلان قىلىندى.

2000 – يىلى 15 – مارت 9 – نۆۋەتلىك مەملىكەتلىك خەلق قۇرۇلتىيى 3 – يىغىنىدا قانۇن چىقىرىش قانۇنى ماقۇللانغان. بۇ قېتىمقى قانۇن چىقىرىش قانۇنىغا تۈزىتىش كىرگۈزۈش يېڭى ۋەزىيەتتە قانۇن چىقىرىش خىزمىتىنى كۈچەيتىش ۋە ياخشىلاش، ئاساسىي قانۇننى يادرو قىلغان جۇڭگوچە سوتسىيالىستىك قانۇن تۈزۈلمىسىنى مۇكەممەللەشتۈرۈپ، قانۇن چىقىرىشنىڭ يېتەكچىلىك ۋە ئىلگىرى سۈرۈش رولىنى يەنىمۇ جارى قىلدۇرۇپ، سوتسىيالىستىك قانۇن ئىدارە قىلىدىغان دۆلەت قۇرۇشتا مۇھىم ئەھمىيەتكە ئىگە.

بۇ قېتىمقى تۈزىتىش كىرگۈزۈلگەن ئاساسلىق مەزمۇنلار تۆۋەندىكىچە: قانۇن چىقىرىش تۈزۈلمىسىنى مۇكەممەللەشتۈرۈپ، خەلق قۇرۇلتىيىنىڭ قانۇن چىقىرىش خىزمىتىدىكى باشلامچىلىق رولىنى جارى قىلدۇرۇش، قانۇننى ئىلمىي ئاساستا چىقىرىش ۋە دېموكراتىك ئاساستا قانۇن چىقىرىشنى چوڭقۇر ئىلگىرى سۈرۈپ، مەمۇرىي نىزام تۈزۈش تەرتىپىنى مۇكەممەللەشتۈرۈش، ئەنگە ئېلىپ تەكشۈرۈشنى كۈچەيتىش، ئەدلىيە جەھەتتىن چۈشەندۈرۈشنى قېلىپلاشتۇرۇش ۋە نازارەت قىلىش قاتارلىقلار. بۇنىڭ ئىچىدە قانۇن چىقىرىش تۈزۈلمىسى توغرىسىدىكى بەلگىلىمىگە تۆۋەندىكىدەك تۈزىتىش كىرگۈزۈلدى: قانۇن چىقىرىش ۋە ئىسلاھات تەدبىرلىرىنى جىپسىلاشتۇرۇپ، رايون تەسىس قىلغان شەھەرلەرنىڭ خەلق قۇرۇلتىيىغا يەرلىك نىزام چىقىرىش ھوقۇقى بېرىش، باج ئېلىشنى قانۇندا بەلگىلەش پىرىنسىپىنى ئەمەلىيلەشتۈرۈپ، تارماقلارنىڭ قائىدە – تۈزۈملىرى ۋە يەرلىك ھۆكۈمەتلەرنىڭ قائىدە – تۈزۈملەرنى تۈزۈش ھوقۇق چېكىنى بېكىتىش كېرەك.

تۈزىتىش كىرگۈزۈلگەندىن كېيىنكى قانۇن چىقىرىش قانۇنى ئومۇمىي پىرىنسىپ، قانۇن، مەمۇرىي نىزام، يەرلىك قانۇن، ئاپتونومىيە نىزامى ۋە ئايرىم نىزام، تەتبىقلاش ۋە ئەنگە ئېلىپ تەكشۈرۈش، قوشۇمچە پىرىنسىپ قاتارلىق ئالتە باب، جەمئىي 105 ماددىغا بۆلۈنگەن.

ئەسلى مەنبە: تەڭرىتاغ ئۇيغۇرچە تورى

http://uy.ts.cn/homepage/content/2015-03/23/content_408796.htm