ئەيدىز كىسىلىنى داۋالاش توغرىسىدا يېڭى تەتقىقات نەتىجىسى بارلىققا كەلدى

 فىرانسىيە ئەيدىز كىسىلى تەتقىقات خادىمىنىڭ بايان قىلىشىچە ، ئۇلارنىڭ تەتقىقات نەتىجىسىدە كۆرسىتىلىشىچە ، ئەگەر ئەيدىز بىمارلىرى دەسلەپكى باسقۇچتا داۋالاشنى قۇبۇل قىلسا ، كىيىنكى داۋالاشقا ياردىمى بولۇپ ، ساقىيىپ كېتىش ئىھتىماللىقىنى كۆپ بولىدىكەن ، ھەمدە ساقىيىپ كېتىش نىسپىتى % 15 بولىدىغانلىقى ئىسپاتلانغان .

تەتقىقات خادىملىرىنىڭ تۇنۇشتۇرۇشىچە ، ئالدىنىقى 10 يىل جەريانىدا ، ئۇلار 10 نەپەر فىرانسىيىلىك ئەيدىز بىمارىنى ئىز قوغلاپ داۋالاش ئېلىپ بارغان . بۇ بىمارلار ئەيدىز ۋىروسى بىلەن يۇقۇملىنىپ 10 ھەپتە ئىچىدە داۋالاشنى قۇبۇل قىلغان . ئەڭ ئالدى بىلەن بىمار بىر داۋالاش باسقۇچى 3 يىللىق ۋىروسقا قارشى تۇرۇش باسقۇچىنى قۇبۇل قىلغان ئاندىن دورا ئىچىشنى توختاتقان .

بۇ دورىلار پەقەت ئەيدىز ۋىروسى ئېلىپ يۈرگۈچىنىڭ بەدىنىدىكى ۋىروسنى كونتىرول قىلىش رولى بار بولسىمۇ ، بىراق بەدەندىكى ۋىروسنىڭ تەكتۈكۈس يوقىتالىشى مۇمكىن ئەمەس . بىراق بۇ خىل داۋالاشقا قاتناشقان بىمار دورا يىيىشنى توختىتىپ 7.5 يىلغىچە قايتا ئەيدىز ۋىروسى كۆپەيمىگەن .

پارىژ باسىد تەتقىقات مەركىزىدىكى ئاشىر . سەيىز دوكتۇر تۇنۇشتۇرۇپ مۇنداق دىدى :" بىمارنىڭ بەدىنىدە ئەيدىز ۋىروسى مەۋجۇت ھالەتتە تۇرسىمۇ ، لېكىن ۋىروسنىڭ تېز سۈرئەتتە كېيىشنى توسۇپ قالغىلى بولىدۇ . "

تەتقىقات خادىمنىڭ بايان قىلىشىچە ، كۆپ قىسىم ئەيدىز بىمارلىرى ئەيدىز كىسىلىنىڭ ئاخىرقى باسقۇچىغا بارغاندا ئاندىن كىسەلنى بايقايدۇ ، بۇ چاغدا ۋىروس پۈتۈن بەدەنگە تارقىلىپ كەتكەن بولغاچقا ، داۋالاپ ساقايتىش مۇمكىن بولمايدۇ . ئەگەر ئەيدىز ۋىروسى بىلەن يۇقۇملانغۇچى بالدۇر بايقىسا بۇ خىل داۋالاش ئۇسۇلى ئارقىلىق بەدەندىكى ۋىروسنىڭ تارقىلىشىنى توسقىلى بولىدۇ .

　　　ئەنگلىيەCardiff ئونۋىرسىنىتىتى يۇقۇملۇق كىسەللىكلەر دوكتۇرى ئانتونىيو مۇنداق دىدى :" بۈ خىل تەتقىقات نەتىجىسىنىڭ ئەھمىيىتى ئىنتايىن زور ، ئەگەر ئەيدىز كىسىلى بىلەن يۇقۇملانغانلىق ئەھۋالىنى بالدۇر بايقىغاندا ، بۇ خىل داۋالاش ئارقىلىق بىمارنىڭ بەدىنىدىكى ئەيدىز ۋىروسىنى تېخىمۇ ئۇزۇن مەزگىل تارقىلىشىنى توسۇپ قالغىلى بولىدۇ .

بۇ خىل تەتقىقات نەتىجىسى " PLoS " ژورنىلىدا ئېلان قىلىندى .