ئەسسالامۇ ئەلەيكۇم قىرىنداشلار،ئۇزۇندىن بىرى ئازراق جىددىي ئىشلار بىلەن تورغا چىقىش ئىمكانىيىتىم بولماي قالدى،بۈگۈن مەن سىلەرگە بارماق دىسكىدىن پايدىلىنىپ كومپىيۇتېرغا سىستىما قاچىلاش مەشخۇلاتىنى تەپسىلىي چۈشەندۈرۈپ ئۆتەي،ئەسلى باشقا بىكەتلەردىن كۆچۈرۈپ كىلەي دىگەن،لىكىن بەزىبىر يەرلىرىنى يەنە قايتا يوللاشقا توغرا كىلىدىكەن،شۇڭا ئۆزۈم بىر قوللۇق يوللاي دىدىم.ئەمىسە باشلايلى:
1.كىتەرلىك لازىمەتلىكلەر:1Gئەتراپىدىكى بارماق دىسكا(u盘)،بارماق دىسكا قوزغاتقۇچ ياساش يۇمىتالى ھەمدە بىردانە سىستىما پىلاستىنكىسى(تورچۈشۈرۋالسىڭىزمۇ بولىدۇ).
2.بارماق دىسكا قوزغاتقۇچ ياساش يۇمىتالىنى چۈشۈرۈش ئادىرىسى:http://down.diannaodian.com:90/diannaodian_v5.0.exe
xp سىستىما چۈشۈرۈش ئادىرىسى:http://www.xitongzhijia.net/xp/sd/(بۇ ئادىرىس سېستىما ئائىلىسى توربىتىنىڭ ئادىرىسى،سىز بۇيەردىكى سىتىمىلارنى چۈشۈر سىڭىزمۇ ياكى ئۆزىڭىزدە بار بولغان سىستىما پىلاستىنكىسىدىن پايدىلانسىڭىزمۇ ۋە ياكى بەيدۇ ئىزدەش ماتورىدىن چۈشۈرۈپ ئىشلەتسىڭىزمۇ بولىدۇ).
3.ئەسكەرتىش:سىز بارماق دىسكىنى فورماتلاشقا دۇچ كىلىسىز،شۇڭا ئالدى بىلەن بارماق دىسكا ئىچىدىكى موھىم ماتىرىياللىرىڭىزنى چوقۇم كۆچۈرىۋىلىڭ،بولمىسا سىزگە ئاۋارىچىلىق بولىدۇ،ئۇندىن سىرىت دىسكا پۈتكەندىن كىيىن ئەمەلىي سىغىمدىن 300mb ئالدى - كەينىدىكى ئورۇن يوشۇرۇن ھالەتتە ساقلىنىدۇ،سەۋەبى:ۋىروسنىڭ ھۇجۇمىدىن مۇداپىئەلىنىش،سىزنىڭ ئىھتىياتسىزلىقتىن مەلۇم ھۆججەتنى يۇيىۋىتىپ ھەممە مەشخۇلاتنى باشتىن ئىشلىشىڭىزنىڭ ئالدىنى ئىلىش ئۈچۈن.يوشۇرۇن ھالەتتە تۇرۇشى نورمال ئەھۋال.

ئەمىسە ئىشىمىزنى باشلايلى:
1.ئالدى بىلەن بارماق دىسكىدىن قوزغىتىش يۇمىتالىنى قاچىلاڭ،قاچىلاپ بولسىڭىز تۆۋەندىكىدەك كۆرۈنمە يۈز چىقىدۇ:

رەسىمدە كۆرۈنگەن ئۈچ چۈشەندۈرۈش تەۋسىيىسى بىلەن مەشخۇلات ئىلىپ بارسىڭىز بولىدۇ،ئىسىڭىزدە بولسۇن بۇباسقۇچ پەقەت قوزغاتقۇچ دىسكا ياساش باسقۇچى،ھەمدە ئەڭ دىققەت قىلىدىغىنىڭىز بارماق دىسكىنى توغرا تاللاش،ئەڭ ئاددىي ئۇسۇلى سىز تاللىغان دىسكىنىڭ كۆرۈنگەن سىغىمى بىلەن سىز تەييار قىلغان دىسكىنىڭ سىغىمى ماس كەلگەن بولسا توغرا تاللىغان بولىسىز،ئۇندىن كىيىن كۆرۈنمە يۈز لاھىيلەشكە كىرىپ خالىغانچە لاھىيلىۋالسىڭىز بولىدۇ(تەۋسىيە يىڭى ئۈگەنگۈچىلەر بۇ باسقۇچىنى كىيىنچىرەك قىلسىڭىزمۇ كىچىكمەيسىز).ئۇندىن كىيىن قوزغاتقۇچ دىسكا ياساش بۇيرۇقىنى چىكىسىز،شۇچاغدا دىسكىنى فورماتلامسىز دىگەن ئۇچۇر چىقىدۇ،سىز دىسكىڭىزدىكى موھىم ھۆججەتلىرىڭىزنى ساقلىۋالغان بولسىڭىز ھەئە كونۇپكىسىنى باسسىڭىزبولىدۇ،دىسكىنى فورماتلاپ بولغاندىن كىيىن يۇمىتال ئۆزى قوزغاتقۇچ دىسكىنى ياساشقا باشلايدۇ....
    قىسقىغىنە ۋاقىتلىق مەشخۇلاتتىن كىيىن سىز مۇۋاپپىقىيەتلىك ھالدا قوزغاتقۇچ دىسكىنى ياسىۋالغان بولىسىز.
2.ئەمدى سىسىتمىنى تارتىپ ئەكىرەيلى،سىز ئۆزىڭىز ياسىغان قوزغاتقۇچ دىسكىنى ئاچسىڭىز سىزگە مىنىڭ يۇمىتاللىرىم(我的软件)،ۋە Ghostدىن ئىبارەت بىرقانچە ھۆججەت قسىقۇچ كۆرىنىدۇ،يۇمىتاللرىم ئىچىگە سىز خالىغانچە ئۆزىڭىزگە كىرەكلىك بولغان دائىملىق يۇمىتاللارنى كۆچىرىۋالسىڭىز بولىدۇ،ئەمدىكى ئەڭ موھىم ئىش سىستىمىنى نەگە،قانداق شەكىلدە كۆچۈرۈش،بۇمۇ ئىنتايىن ئاددى،سىز چۈشۈرگەن ياكى ئالدىن تەييارلىۋالغان سىسىتمىنى پەقەت  Ghost دىن ئىبارەت مۇشۇ ھۆججەت قىسقۇچنىڭ ئىچىگە كۆچۈرۈپ قويسىڭىزلا بولىدۇ،دىققەت قىلىدىغان مەسىلە شۇكى،سىز توردىن چۈشۈرگەن سىستىمىلار پىرىسلانغان ھالەتتە چۈشىدۇ،سىز ئۇنى پىرىستىن يىشىپ شۇ ھۆججەت قىسقۇچنىڭ ئىچىدىكى ماتىرىياللارنى تولۇق كۆچۈرۈپ بايىقى Ghostھۆججەت قىسقۇچىنىڭ ئىچىگە چاپلاپ قويسىڭزلا بولدى.
مانا،سىزمۇ ئەمدى بارماق دىسكىدىن سىستىما قاچىلاشنىڭ باسقۇچلىرىنىڭ يىرىمىدىن كۆپىنى پۈتتۈرۈپ بولدىڭىز،ئەمدى سىز كومپىيۇتىرىڭىزنى قانداق قىلىپ بارماق دىسكىدىن قوزغىتىش مەسىلىسىنى ھەل قىلسىڭىزلا بولىدۇ،ھازىر يىڭىدىن قۇراشتۇرۇلغان ۋە يىقىنقى بىر،ئىككى يىل ئىچىدە قۇراشتۇرۇلغان كو،پىيۇتېرلارنىڭ ئۆزىدە بىر كونۇپكا بىلەنلا ئوپتىك دىسكا ،قاتتىق دىسكا ۋەياكى بارماق دىسكىدىن قوزغۇتۇش ئىقتىدارى سەپلەنگەن،مەسىلەن مىنىڭ كومپىيۇتېرىمنىڭ قوزغىتىشقا يىتەكلەش كونۇپكىسى F12،بەلكىم بۇنى قاچان بىسىپ قوزغىتىمەن دەپ سۇئال سورىشىڭىز مومكىن،سىز كومپىيۇتىرىڭىزغا قايتا قوزغىتىش بۇيرىقىنى بەرگەندىن كىيىن كومپىيۇتىرىڭىز ئاپتۇماتىك ھالدا قايتا قوزغىلىدۇ ۋە سىزنىڭ ئاساسىي توك يول تاختىسىنىڭ ماركىسىنى چىقىرىش بىرگە ئىكراننىڭ ئاستى قىسمىدا بىرنەچچە قوزغىتىش كونۇپكىسىنىڭ بەلگىسى چىقىدۇ،سىز تەپسىلىي قاراپ چىقسىڭىز چوقۇم تاپالايسىز،سىز مۇۋاپپىقىيەتلىك كىرگەندىن كىيىن سىزگە بىرقاتار ئىنگىلىسچە ئۇچۇرلار چىقىدۇ،سىز ئۇنىڭ ئىچىدىن usb-zipدىگەن تۈرنى تاللاپ كىرسىڭىز كومپيۇتېرىڭىزنى مۇۋاپپىقىيەتلىك ھالدا بارماق دىسكىدىن قوزغىتىش مەشخۇلاتىنى تاماملىغان بولىسىز،ئۇندىن كىيىن سىز چىققان تىزىملىكتىن تاللاپ قويسىڭىزلا بولىدۇ،بۇنىڭ ئۇسۇلىمۇ بىر نەچچە خىل،بىۋاستە تاللاپ قاچىلىسىڭىزمۇياكى كومپىيۇتېرىڭىزنى ئۇخلاش ھالىتىدە قوزغىتىپ تۇنجى چىققان كۆزنەكتىن مۇقىملاشتۇرۇش ئارقىلىق قاچىلىسىڭىزمۇ بولىدۇ.