يېقىندىن بۇيان جەمئىيەتتە ئېغىر ئاقىۋەت كەلتۈرۈپ چىقارغان تور پىتنە-پاساتلىرىدىن ئون مىسال:
ئالاقە تورىنىڭ تېز تەرەققىياتىغا ئەگىشىپ، يېقىندىن بۇيان تور پىتنە-پاساتلىرىمۇ ھەدەپ يامرىماقتا، بۇنىڭ ئىچىدە شەخسكە ئارتىلغان تۆھمەتلەرمۇ، ئاممىۋى ئىشلارغا قارىتىلغان پىتنە-پاساتلارمۇ بار. تور پىتنە-پاساتلىرى شەخسنىڭ ئىززەت-ئابرۇيىنى تۆكۈپ، زىيانكەشلىككە ئۇچرىغۇچىنى مەنىۋى ئازابقا دۇچار قىلدى، دۆلەتنىڭ ئوبرازىغا، جەمئىيەتنىڭ مۇقىملىقىغا زىيان سالدى. نۆۋەتتە دۆلىتىمىز ئومۇميۈزلۈك ھاللىق جەمئىيەت بەرپا قىلىشنىڭ ھالقىلىق پەيتىدە تۇرۇۋاتقان مەزگىلدە، تور پىتنە-پاساتلىرىنىڭ زىيىنىغا سەل قارىماسلىق، چوقۇم قانۇن بويىچە جازالاش كېرەك. كۆپچىلىكنىڭ پىتنە-پاساتنىڭ زىيىنىنى ئېنىق تونۇپ، پىتنە-پاساتنىڭ تارقىلىشىنى ئاڭلىق توسۇشى ئۈچۈن، بۈگۈن يېقىندىن بۇيان جەمئىيەتتە ئېغىر ئاقىۋەت كەلتۈرۈپ چىقارغان ئون پىتنە-پاساتنى ئېلان قىلدۇق.
1. «ئاپېلسىندىن قۇرۇت چىقىش ۋەقەسى» ھەققىدىكى پىتنە-پاسات مەملىكىتىمىزدىكى ئاپېلسىننىڭ ئېغىر دەرىجىدە بېسىلىپ قېلىشىنى كەلتۈرۈپ چىقاردى.
2. يەر تەۋرەش توغرىسىدىكى پىتنە-پاسات تارقالغاندىن كېيىن، سەنشى ئۆلكىسىدە نەچچە مىليون ئادەم «كوچىغا چىقىپ پاناھلىنىش»قا مەجبۇر بولدى.
3. شياڭشۈي ناھىيەسىدە «پارتلاش يۈز بېرىدۇ» دېگەن پىتنە-پاسات تارقالغاندىن كېيىن كېلىپ چىققان چوڭ قاچ-قاچتا تۆت ئادەم ئۆلدى.
4. «خرۇم سۈت پاراشوگى» ھەققىدىكى پىتنە-پاسات دۆلىتىمىزدە ئىشلەنگەن سۈت مەھسۇلاتلىرىغا ئېغىر زىيان سالدى.
5. QQ توپىدا تارقالغان بىر پىتنە-پاسات بىلەن مەملىكىتىمىزدە «ئاش تۇزنى بۇلاپ سېتىۋېلىش دولقۇنى» قوزغالدى.
6. «47-نومۇرلۇق ئاخبارات»نى ئويدۇرۇپ چىقارغان ۋە تارقاتقانلارغا 15 كۈنلۈك تۇتۇپ تۇرۇش جازاسى بېرىلدى.
7. ئالىي مەكتەپنىڭ بىر ئوقۇغۇچىسى «يىڭنە سانچىش» توغرىسىدا پىتنە-پاسات تارقاتقانلىقى ئۈچۈن توختىتىپ قويۇلدى.
8. «يېمەكلىككە قان تېمىتىپ ۋىرۇس يۇقتۇرۇش» توغرىسىدىكى پىتنە-پاسات چوڭ ساراسىمە پەيدا قىلدى.
9. سارس كېسىلى ھەققىدە پىتنە-پاسات تارقاتقانلارغا ئىككى يىللىق ئەمگەك بىلەن ئۆزگەرتىش جازاسى بېرىلدى.
10. «ھەربىي ئاپتوموبىل بېيجىڭغا كىردى» دېگەن پىتنە-پاساتنى ئويدۇرۇپ چىقارغان 6 ئادەم قولغا ئېلىندى، 16 تور بېكەت تاقىۋېتىلدى.