سائادەت
ئادەم بولساڭ بولغىن شەمشەر قېلىچتەك،بولما ھەرگىز ئىچى كاۋاك قۇمۇشتەك!
شۈمشەيگەن يىلانغا ئەيلىمە شەپقەت،
قايغۇغا ھامىلدار بىر دەملىك غەپلەت.
-
ساڭا ئاتاپ شېئىر يازدىم كېچىدە - [شېئىرلىرىم]
2011-02-10
版权声明:转载时请以超链接形式标明文章原始出处和作者信息及本声明
logs/104140610.html
تۈن نىسپىدە كەتتى بارچە ئۇيقۇغا،
كەلدى مىنىڭ يىنىك تىنىش پۇرسىتىم.
قوزغالدى ھەم بۇرۇنقىغا ئوخشاشلا،
سېنى كۈيلەپ شېئىر يىزىش ئىستىكىم.
شوخ كىيىكتەك تېپچەكلىگەن يۈرۈكۈم،
ئويناپ كەتتى ئاپئاق قەغەز ئۈستىدە.
بىلگەنسەنمۇ ئۇندا تۇرۇپ نىگارىم،
ساڭا ئاتاپ شېئىر يازدىم كېچىدە.
سۈيۈندۈرەر ئەتراپتىكى جىمجىتلىق،
ھوجراممۇ ھەم كەڭرى شۇدەم ئالەمدەك.
كۆك سىياھلار قۇرلار تۈزۈپ چاپقاندا،
يورۇپ كەتتى دىلىممۇ ھەم خانەمدەك.
شۇ تاپتىكى ئەڭ سەمىمى ھىسىمدا،
پۈتەر مىسرا،بەلكىم ئۇزۇن بىر داستان.
ئېتىپ تاڭلار ئەتە قۇياش چىققاندا،
يەپ كىتىدۇ ئۇنى تەكرار كۆك ئاسمان...
2011.2.7
收藏到:Del.icio.us