«Waves Mercury»ئۈنۈملىگۈچى قىستۇرمىللىرىنىڭ ئىشلىتىلىشى(1)

∮AKKAPTAR∮

بارلىق مۇنبەرداش دوستلارغا:

بۇ قېتىم مەن يېڭىدىن كومپىيوتېر مۇزىكىسىغا قەدەم قويغان دوستلارنىڭ بىر ئاز بولسىمۇ پايدىلىنىشى ئۈچۈن،ھەمدە كەڭ مۇنبەر ئەھلى بىلەن ئۆز-ئارا تەجرىبە ئالماشتۇرۇش مەقسىدىدە بۇ تىمىنى يوللۇدۇم.بۇ يازمىنىڭ داۋامى بار بۇلۇپ،ئاخىرىنى پات ئارىدا يوللايمەن.(ئەسلى ھەممىسىنى پۇتتۇرۇپ بىراقلا يوللاي دىگەن لىكىن،مەزمۇن بەك كۆپ بولغاچقا ئاز،ساز يوللاپ تۇرۇشنى لايىق كۆردۇم.)شۇڭا دوستلارنىڭ ئوخشاشلىقلاردا بىرلىككە كىلىپ،ئوخشىمايدىغان كۆز قاراشلاردا ئۆز-ئارا ھۆرمەت قىلىشىنى تۆۋەنچىلىك بىلەن ئۈمۈد قىلىمەن.

(ئەسكەرتىش:1.بۇ تىمامدىكى مەزمۇندا بەلكىم بىرقسىم ئوخشىمايدىغان نوقتىلار ياكى تەرجىمىدە خاتالىقلار بولغان بۇلۇشى ئېنىق.شۇنداقتىمۇ مەن ئەڭ زور تىرىشچانلىقلارنى كۆرسىتىپ،سەۋىيەمنىڭ يىتىشىچە قىلدىم.دوستلارنىڭ تۈزۈتىش ئاساسىدا قۇبۇل قىلىشىنى سورايمەن.2.ۋاقىت مۇناسىۋىتى بىلەن كۆرسەتمىلىك رەسىمى بىلەن ئېلىنمىدى.)

«Waves Mercury»ئۈنۈملىگۈچى قىستۇرمىللىرىنىڭ ئۇيغۇرچە ئاتىلىشى ۋە ئىشلىتىلىشى(1)

ئۈنۈم قىستۇرمىسى ئىسمى	ئىشلىتىلىش ئونى
AudioTrack «ئاۋاز يولى ئۈنۈملىگۈچى»	بۇ بىر Wavesنىڭ لىنىيە تارمىقى بۇلۇپ،ئاۋاز يولىغا قارىتا تەڭپۇڭلاشتۇرۇش،پرېسلاش ۋە ئاۋاز سىگىنالىنىڭ چاستوتا دائىرسىدىن ھالقىلىپ كىتىشىنى چەكلەش رولى بار.بۇنى ئادەتتە ئاۋاز يولى بۆلەكلىرىدە چاستوتا دائىرسىدىن ھالقىپ كىتىپ بۇزۇلۇش بولغاندا بېرىلىدۇ.
C1 comp «ئاددىي پرېسلىغۇچ»	بۇ بىر ئاددىي پرېسلاش رولىغا ئىگە ئۈنۈم قىستۇرمىسى بۇلۇپ،ئادەتتە Mono ۋە Stereo دەپ ئايرىلغان.ئاۋاز چاستوتىسىنىڭ يۇقىرى كەتكەن يەرلىرىنى قىسش،تۆۋەن جايلىرىنى كۆتىرىش ۋە شاۋقۇن پەسەيتىش ئىقتىدارى بار.
C1 comp Gate «پرېسلىغۇچ ۋە چەكلىگۈچ»	بۇ بىر«پرېسلىغۇچ»ۋە«چەكلىگۈچ»نىڭ بىرىكمىسى بۇلۇپ،ئاۋاز يولى سىگىنالىنىڭ چاستوتا دائىرسىدىن ھالقىپ كىتىشىنىڭ(بۇزۇلىشىنىڭ)ئالدىنى ئالىدىغان ئۈنۈم قىستۇرمىسىدىن ئىبارەت.بۇمۇ  Mono ۋە Stereo دەپ ئايرىلغان ئىككى خىلغا ئايرىلغان.
C1 comp SC «يانداش ئۇلانمىلىق پرېسلىغۇچ»	ئاۋاز سىگىنالىنىڭ يۇقىرى جايلىرىنى قىسىپ،تۆۋەن جايلىرىنى كۆتىرىپ بېرىش ئىقتىدارىغا ئىگە.
C1 gate «شاۋقۇن چەكلىگۈچ»	بۇنى ئۈنۈم قستۇرمىسىنى ئادەتتە ئاۋاز سىگىنالىدىكى شاۋقۇننى پەسەيتىش ۋە ئاۋاز سىگىنالىنىڭ بەلگۈلەنگەن چاستوتا دائىرسىدىن ھالقىپ كىتىشىنى چەكلەشتە ئىشلىتىلىدۇ.
DeEsser   «چىش تاۋۇشىنى سۈزگۈچ»	بۇ ئۈنۈم قىستۇرمسى ئادەتتە ئادەم ئاۋازىنى بىر تەرەپ قىلىشتا بېرىلىدىغان بۇلۇپ،ئادەم ئاۋاز سىگىنالىدىكى كۈچلۈك كەتكەن تاۋۇش سىگىنالىنى يۇمشىتىش ۋە«چىس»قىلغان ئاۋازنى پەسەيتىشتە ئىشلىتىلىدۇ.
Doppler، Doppler2، Doppler4 «ئاۋاز ئۈنۈم تىزلىك ئۆزگەرتكۈچ»	بۇ ئۈنۈم قىستۇرمىسى ئادەتتە ئاۋاز سىگىنال سۈپىتىنىڭ تېزلىك ئۈنۈمىگە ئېرىشىشغا ئىشلىتىلىدىغان بۇلۇپ،ئادەتتە تاق بۆلەكلىك، 2 بۆلەكلىك ۋە 4 بۆلەكلىك دەپ ئايرىلغان.
Guitar Amp stereo «گىتتار ياڭراتقۇسى تەقلىدىي ئۈنۈملىگۈچى»	بۇ ئۈنۈم قىستۇرمىسى ئۆزىگە ھەرخىل گىتتارلارنىڭ ياڭراتقۇدىن چىققاندىكى ئاۋازىغا تەقلىد قىلىنغان ئاۋاز تۈسلىرى مۇجەسسەملەنگەن بۇلۇپ،بۇ ئۈنۈم قىستۇرمسى ئارقىلىق ھەر خىل گىتتار ئاۋازلىرىنىڭ ئاۋاز تۈسى ئۈنۈمىگە ئېرىشكىلى بولىدۇ.
IDR «رەقەملىك ئېنىقلىق نىسبىتىنى ئاشۇرغۇچ»	بۇ ئۈنۈم قىستۇرمىسى ئادەتتە ئاۋاز سىگىنالىنىڭ شاۋقۇن گەۋدىسى ۋە تىترەنمە ھېساپلاش ئۇسۇلى ئۆز-ئارا ئالمىشىپ نۇسقا ئېلىش يۈز بېرىۋاتقاندا،ئاۋاز سىگىنالىغا قارىتا رەقەملىك(شان-سىفېر بويىچە ھېساپلاپ) شاۋقۇن پەسەيتىش رولىنى ئوينايدۇ.
L1-ultramaximizer «بىر بۆلەكلىك يۇقىرى چەكتىكى سىگىنال چەكلىگۈچ»	بۇ ئۈنۈم قىستۇرمىسى ئاۋاز سىگىنالىنىنىڭ بۇزۇلىشىنى چەكلەپ،بۆلەك بويىچە يولغا ئايرىپ يېيىپ بېرىش ۋەكېڭەيتىش ئىقتىدارى بۇلۇپ، 2L،3L لەر ئادەتتە ئانا لىنتا بىر تەرەپ قىلىشتا ئىشلىتىلىدۇ. 1L بولسا ئاۋاز سىگىنالىنى نۇقۇل ھالدا بىر بۆلەك بويىچە ئايرىپ،سىگىنال بۇزۇلىشىنى چەكلەپ،ئاۋازنى ئەڭ يۇقىرى چەكتە يېيىپ،كېڭەيتىپ بېرىش رولىغا ئىگە.
L2   «ئانا لېنتا چەكلىگۈچ»	بۇمۇ ئوخشاشلا ئىككى بۆلەك بويىچە ئاۋاز سىگىنالدىكى شاۋقۇننى پەسەيتىش ۋە ئاۋاز سىگىنالىنىڭ بۇزۇلىشىنى چەكلەش ئىقتىدارىغا ئىگە بۇلۇپ،خەلقارالىق ئاۋاز ئۆلچىمىگە ماسلاشقان ئاۋاز سىگىنالى ھالىتىگە ئەكىلىپ بېرىش رولىغا ئىگە.
MaxxBass «تۆۋەن ئاۋاز كۈچەيتكۈچ»	بۇ ئۈنۈم قىستۇرما ئاساسلىقى مۇزىكا يولىغا بېرىلىدىغان بۇلۇپ،تۆۋەن ئاۋازنى كۈچەيتىپ بېرىش ئىقتىدارىغا ئىگە.
MaxxVolume stereo «سىتېرېئو ئاۋازىنى كۈچەيىتكۈچ»	بۇ ئاساسلىقى سىتېرېئولۇق(قوش يول)ھالەتتىكى ئاۋاز سىگىنالىنى كۈچەيتىشكە بېرىلىدىغان «دىنامىكىلىق بىر تەرەپ قىلغۇچ» (ھەرىكەتچان)دىن ئىبارەت.يەنى ھەرىكەتچان ھالەتتە ئاۋاز سىگىنالىنى كۈچەيتىپ بېرىدۇ.
MetaFlanger «كۆپ گىرۋەكلىك ئۈنۈملىگۈچ »	بۇ ئۈنۈم قىستۇرمىسىنىڭ ئاۋاز يىيىشتۈرۈش،ئاۋاز چاستوتىسىنىڭ ۋاقتىنى ئۇزارتىپ ۋە تىزگىنلەپ، سىتېرېئولۇق ئاۋاز ھالىتىدە ئۈنۈم قۇشۇپ،نىسبەتلەشتۈرۈپ چىقىرىپ بېرىدىغان ئىقتىدارى بۇلۇپ،ئاساسلىقى ئالاھىدە ئاۋازلارنى ياساشتا ئىشلىتىلىدۇ.(ئاساسلىقى مۇزىكا ئاۋاز يولىغا ئىشلىتىلىدۇ.)
MondoMod «ئايلانما بوشلۇق ئۈنۈملىگۈچ»	بۇ قىستۇرما ئارقىلىق ھەرخىل «ئايلانمىلىق سىتېرىئولۇق ئاۋاز»لاھىيىسىگە ئېرىشكىلى،ھەمدە تەكرارلىنىش دەرىجىسى كەڭ بولغان ئاۋاز مەيدانىغا ئېرىشكىلى بولىدۇ.ئۆز نۆۋىتىدە تاق يول ۋە ستېرېئو يولى بويىچە ئايرىلغان بۇلۇپ،ئۆزىدە بار بولغان ھەرخىل تەييار ئاۋاز نۇسقىللىرىدىن پايدىلىنىشقا بولىدۇ.
PAZ Analyzer «چاستوتا سىپېكتر ئانالىزلىغۇچ»	بۇ ئۈنۈم قىستۇرمىسنىڭ رولى شۇكى ۋاقىت بويىچە ھېساپلانغان ئاۋاز سىگىنالى چاستوتا دائىرسى سىگىنالىغا ئالماشقاندا(ئادەتتە چاتوتا سپېكترى دەپ ئاتىلىدۇ) كىرگەن شاۋقۇن ئاۋازلارنى ئانالىز قىلىپ ئەڭ توغرىلىق نىسبەتتە ئۆلچەملىك سىگىنالغا ئۆزگەرتىپ بېرىدىغان ئۈنۈم قىستۇرمىسىدىن ئىبارەت.
PAZ Frequency «دولقۇن كۆرسەتكۈچ»	بۇ قىستۇرمىنىڭ ئاساسلىق رولى كىرگەن ئاۋاز سىگىنالىدىكى سىگىنال ئېلىكتر بېسىمى،سىگىنال ئېلىكترئېقىم مىقدارى،چاستوتا قاتارلىقلارنى تەڭپۇڭلاشتۇرۇپ دولقۇن ھالىتىدە كۆرسىتىپ بېرىشتىن ئىبارەت.
PAZ Meter «ئېلىكتر تەكشىلىگى ئۆلچىگۈچ»	بۇ ئۈنۈم قىستۇرمىسى ئاۋاز سىگىنالىدىكى ئېلىكتر تەكشىلىگىنى ئۆلچەپ بېرشتىن ئىبارەت رولى بار.
PAZ Position «فازا كۆرسەتكۈچ»	فازا: ئۆزگىراشچان توكنىڭ ھالىتىنى ئەكىس ئەتتۈردىغان فىزىكىلىق مىقدار بۇلۇپ،بۇ ئۈنۈم قىستۇرمىسىنىڭ رولى شۇكى،ئاۋاز سىىگىنالىدىكى ئۆزگىرىشچان توكنىڭ ۋاقىت بويىچە ئۆزگىرىشى قىممىتىنىڭ يۇقۇرى-تۆۋەنلىگىنى،مۇسبەت ياكى مەنپىيلىگىنى ئاپتۇماتىك تەڭشەپ بېرىشتىن ئىبارەت.
Q1 -paragraphic EQ Q2 -paragraphic EQ Q3 -paragraphic EQ Q4-Paragraphic EQ Q6-Paragraphic EQ Q8-Paragraphic EQ Q10-paragraphic EQ «كۆپ بۆلەكلىك تەڭپۇڭلاشتۇرغۇچ»	بۇ ئۈنۈم قىستۇرمىسىنىڭ ئاتىلىشى:«كۆپ بۆلەكلىك تەڭپۇڭلاشتۇرغۇچ»بۇلۇپ،ئادەتتە ئارقىدىكى سانلار ئاۋاز سىگىنالى يولىنى قانچە بولەك بويىچە تەڭپۇڭلاشتۇرۇپ بېرىشكە قارىتىلغان.رولى شۇكى،بۇ ئۈنۈم قىستۇرمىسى ئادەتتە ئانا لېنتا بىرتەرەپ قىلىشتا كۆپرەك ئىشلىتىلىدۇ.يەنى ئاۋاز سىگىنالىنى بۆلەكلەر بويىچە تەڭپۇڭلاشتۇرۇپ بېرىش رولىغا ئىگە.
Mono\Stomp 2 Stereo Mono\Stomp 4Stereo Mono\Stomp 6 Stereo «كۆپ بۆلەكلىك كۆتۈرۈلمە تاق يوللۇق ۋە سترېئولۇق ئۈنۈملىگۈچ قىستۇرمىسى»	بۇ ئۈنۈم قىستۇرمىسى ئاساسلىقى گىتتار ئاۋاز يولىغا بېرىشكە ئىشلىتىلىدىغان بۇلۇپ،ئۈنۈم قىستۇرمىسىنىڭ  ئارقىدىكى سانلار نەچچە «ئاۋاز سىگىنالى بۆلىكى»بويىچە ئۈنۈم قۇشۇشقا قارىتىلغان.بۇ ئۈنۈم قىستۇرمىسى ئادەتتە تاق يول ۋە سترېئو ئاۋاز يولىغا ئايرىپ بېرىلىدىغان بۇلۇپ، ئۆز نۆۋىتىدە«شاۋقۇن سۈزۈش،ئاۋاز سوزما ئۈنۈمى قۇشۇش،زال ئۈنۈمى قۇشۇش،پرېسلاش،تەڭپۇڭلاشتۇرۇش »قاتارلىق ئىقتىدارلا بىر گەۋدە قىلىنغان،شۇنىڭ بىلەن بىرگە يەنە قىستۇرما دېتالىنىڭ«Load»ستونىدا تۈرلۈك گىتتار ئاۋاز تەييار نۇسقىللىرى(ئاۋاز تۈسلىرى)بېرىلگەن بۇلۇپ،ئېھتىياجىڭىزغا ئاساسەن ئىشلەتسىڭىز بولىدۇ.
mono\Vcomp stereo « تۆۋەن ئاۋازلىق پرېسلىغۇچ» (تاق يول ۋە سترېئو يولى بويىچە)	بۇ بىر ئۈنۋېرسال پرېسلىغۇچ ئۈنۈم قىستۇرمىسى بۇلۇپ،ئادەتتە دۇمباق ئاۋاز،گىتتار ئاۋاز،باس گىتتار ئاۋاز،ئادەم ئاۋازى يوللىرىغا بېرىشكە بولىدۇ.ئاساسلىق ئقتىدارى ھەر قايسى ئاۋاز سىگىنال يوللىرىدا تۆۋەن ئاۋاز كەمچىل بۇلۇپ قالغان ئەھۋالدا،ئاۋازنى «تۆۋەن ئاۋاز» قۇشۇپ بېرىش ھالىتىدە چىقىرىپ بەرگەندىن سىرىت،پرېسلاش رولىغا ئىگە. Stereo قىستۇرمىسىنى ئادەتتە ماستېر يولىغا بېرىشكىمۇ بولىدۇ.
VEQ3 stereo\mono VEQ4 stereo\mono «تۆۋەن ئاۋازلىق تەڭپۇڭلاشتۇرغۇچ»	بۇ ئۈنۈم قىستۇرمىسى ئادەتتە ئېلىنغان ئاۋازلارنى مۇۋازىنەتلەش(تەڭپۇڭلاشتۇرۇش)باسقۇچىدا ئىشلىتىلىدىغان بۇلۇپ،ئايرىم-ئايرىم ھالدا تۆۋەن ئاۋاز ھالىتىدە 3 بۆلەك ۋە 4 بۆلەك بويىچە ئېلىنغان ئاۋازنى تەڭپۇڭلاشتۇرۇپ بېرىدۇ.ئاساسلىق ئىقتىدارى ۋە ئىشلىتىلىشى EQ قىستۇمىللىرىغا ئوخشاش. Stereoھالىتىنى ئادەتتە ماستېرلاش يولىغا بېرىشكىمۇ بولىدۇ.
mono \Z-Noise stereo «شاۋقۇن سۈزگۈچ ئۈنۈملىگۈچى»	بۇ ئۈنۈم قىستۇرمىسى ئادەتتە تاق يول ۋە سترېئو يولى ھالىتى بويىچە بېرىلىدىغان، ماس ھالدىكى شاۋقۇن سۈزۈش قىستۇرمىسى بۇلۇپ، ئادەتتە ئاۋاز سىگىنالىدىكى شاۋقۇنلارنى بىر تەرەپ قىلىشتا كەڭ ئىشلىتىلىدۇ.
Waves C4,C6 Mono\Stereo «كۆپ بۆلەكلىك دىنامىكىلىق (ھەرىكەتلىك)پرېسلىغۇچ»	بۇ ئۈنۈم قىستۇرمىسى ئادەتتە تاق يول ۋە سترېئو يولى بويىچە بېرىلىدىغان ئۈنۋېرسال ئىقتىدارلىق ئۈنۈم قىستۇرمىسى بۇلۇپ،مەيلى ئەسلى ئاۋاز   يولىغا بولسۇن ياكى ئاخىردىكى ماستېرلاش يولىغا بولسۇن ھەممىسىگە ماس كېلىدىغان پرېسلىغۇچ.ئادەتتە ئاۋاز سىگىنالىنىڭ يۇقىرى كەتكەن جايلىرى قىسىپ بېرىش،تۆۋەن جايلىرىنى كۆتۈرۈپ بېرىش  ھەمدە شاۋقۇن پەسەيتىش ئىقتىدارىغا ئىگە.

داۋامى: «Waves Mercury»ئۈنۈملىگۈچى قىستۇرمىللىرىنىڭ ئىشلىتىلىشى(2)

ئاتەش

بەك قوللىنىشچان تىما يوللاپسىز! رەخمەت سىزگەئۇستاز!
قەلىمىڭىز ھارمىغاي.....

ۋەلى108

ئەجىرڭىزگە ئاپىرىن شۇنداق تەپپسىلى يېزىپسىز رەخمەت

شۇمتەك

شۇنداق ئسىل ئىش قىلۋاتىسىز

PARUK213

تولىمۇ ياخشى  تېمىدىن بىر نى  يوللاپسىز ،،ئاخىرىنى كۈتىمىز .ھارمىغايسىز....

serlik

ناھايىتى ياخشى تىما بوپتۇ ئاق كەپتەر ئەپەندى..رەھمەت سىزگە ..جاپا تارتىپسىز...
ھەراس 8-ئايلاردا ئۈرۈمچىگە بارىمەن دەۋاتاتتىڭىز ..كەلسىڭىز ماڭا ئۇچۇر قىلىۋىتەرسىز...

m-k-music

رەھمەت،كۆپ ئەجىر  قىپسىز،مۇشۇ ئۈنۈملىگۈچلەرنى ئىشلىتىپ تۇرۇپمۇ،ئۇنىڭ رولىنى بۇنداق يىزىق شەكلى ياكى ئىغىز شەكلى ئارقىلىق چۈشەندۇرۇشنى بىلمەي ،پەقەت خۇدايىم بەرگەن قۇلاققىلا تايىنىپ قىلغاندىن كۆپ ياخشى بولىدۇ ھەم ئىلمى بولىدۇ دەپ قارايمەن.

izna

ھەقىقەتەن جاپا تارتىپسىز، سىز  بىزنى ناھايتى ياخشى بىلىملەر بىلەن تەمىنلەۋاتىسىز جۇمۇ! ئاشۇ قۇلىڭىزغا مەڭگۈ دەرىت كەلمىسۇن!!
ئىسمى جىسمىڭىزغا خاس ئاق كەپتەر جۇمۇ سىز..

DOLANDOLAN

ئەجىرڭىزگە ئاپىرىن شۇنداق تەپپسىلى يېزىپسىز جاپا تارتىپسىز ھارمىغايسىز

ئابدۇرىشىت

ئەجرىڭىزگە بارىكاللا! جاپا تارتىپسىز...ئىشلىرىڭىزگە ئۇتۇق تىلەيمەن! داۋامىغا تەشنامىز!

Steinberg

رەھمەت سىزگە..

Steinberg

رەھمەت سىزگە..

m-k-music

ئابدۇرىشىت يوللىغان ۋاقتى  2012-8-6 02:00
ئەجرىڭىزگە بارىكاللا! جاپا تارتىپسىز...ئىشلىرىڭىزگە ئۇ ...

ئوخخو.............ۋ  ، كەمىنە ئىنىم باركەنسىز-ھە،تىلفۇنغا،ئى.......ۋۇ كوت-كوتقا،ئانچە -مۇنچە قاراپ قويۇڭ،پۇل تىجەيمەن دەپ مىكرو ئۇچۇرلا (ۋىيشىن) ئويناۋەرمەي.

ئىزنار

ئەجىرىڭىزگە ھەشقاللاھ

ئۆتمۈش

راستىنلا بەك ياخشى تىما بوپتۇ .