ئاساسلىق ماستېرلاش ۋە ئانا لېنتا بىر تەرەپ قىلىش دېتاللىرى

∮AKKAPTAR∮

ئېلىنغان ئاۋازلارنى ئۆز نۆۋىتىدە ياخشى ئارىلاشتۇرۇش،ياخشى ئۈنۈملەش ھەمدە ئۆز-ئارا يېيىشتۈرۈشتىن باشقا،ئەڭ ئاخىردىكى مۇھىم بولغان باسقۇچ دەل  «ماستېرلاش»،«ئانا لېنتا بىر تەرەپ قىلىش » باسقۇچى بۇلۇپ،بۇ بىۋاستە بىزنىڭ ئىشلىگەن مۇزىكىمىز ياكى ئۈنگە ئالغان ئاۋازلارنىڭ قانداق بۇلىشىنى بىۋاستە بەلگۈلەيدۇ ۋە تەسىر كۆرسىتىدۇ.(ئەلۋەتتە،«سۇنىڭ بېشى قانداق بولسا ئايىغىمۇ شۇنداق بولىدۇ»دىگەندەك،بىزنىڭ ئىشلىگەن مۇزىكىمىز ياكى ئۈنگە ئالغان ئاۋازىمىز باشتىلا ئېسىل بولسا،ماستېرلاشقا ئانچە بەك كۈچەپ كەتمەيمىز،ئەگەر ئۇنداق بولمايدىكەن،بىز ئەڭ ئېسىل ماستېرلاش دېتاللىرىنى ئىشلىتىپ،بىر تەرەپ قىلساقمۇ،ھىچقانچە ئۆزگىرىش بولمايدۇ.چۈكى«بۇزۇلغان ئاۋاز»نى تۈزەيمەن دېيىشنىڭ ئۆزى يوق ئىش.)شۇ سەۋەپلىك،مەن دوستلارغا ئۆزۈم ئىشلىتىپ كېلىۋاتقان ۋە ئىشلىتىپ باقمىغان ئانا لېنتا بىر تەرەپ قىلشتا ئەڭ ئاخىردىكى غول ئاۋاز چىقىش يولىغا بېرىلىدىغان بىرقانچە دېتاللارنى تۇنۇشتۇرماقچى. (بۇلارنىڭ ئىچىدە ئىشلىتىپ كېلىۋاتقان ھەم ئىشلىتىپ باققىنىم 2 خىل،قالغىنىنى توردىن ئىزدەپ تېپىپ چۈشۈرۈپ ئىشلىتىپ باقساڭلار بولىدۇ.)

ئەسكەرتىش:ھەممىسى يېڭى نەشىرى بويىچە بېرىلدى.ئالاھىدىلىگى توغرىسىدا توختالمىدى.

1.«iZotope Ozone 5» ئانا لېنتا بىر تەرەپ قىلىش دېتالى.

بۇ بىر ئانا لېنتا بىر تەرەپ قىلىش ۋە ماستېرلاشتا ئىشلىتىدىغان دېتال بۇلۇپ،نۆۋەتتە،ئۇمۇميۈزلۈك ئىشلىتىلىۋاتقان ھەمدە كەم بولسا بولمايدىغان ئىسىمى سەت ئەمما،ئىقتىدارى ناھايىتى مۇكەممەل دېتالدۇر.بۇ دېتال جەمئىي 8 خىل ئىقتىدار قىستۇرمىسغا بۆلۈنگەن بۇلۇپ، «تەڭپۇڭلاشتۇرۇش(مۇۋازىنەت)»،«ھەرىكەتچان بۆلەكلىك ئۈنۈملەش(دېنامېكىلىق)»،«ئاۋاز كېڭەيتىش»،«پرېسلاپ بېرىش»ۋە«چەكلىگۈچ»قاتارلىق بىر تۈرلۈك ئىقتىدارلارنى ئۆزىگە مۇجەسسەملىگەن ئىنتايىن ياخشى دېتال.لىكىن،بۇدېتالنىڭ كومپىيوتېرنىڭ قاتتىق دېتالىغا قويىدىغان تەلىۋى بىر قەدەر يۇقىرى بولغانلىقتىن،ئىشلىتىشتە ئەڭ ئاخىردىكى غول ئاۋاز چىقىش يولىغىلا بېرىشىڭلارنى تەۋسىيە قىلىمىز.(مۇنبىرىمىزدە «SAMA» ئىسىملىك دوستىمىزنىڭ بۇ توغرىسىدا يوللىغان تىمىسى بار.)

رەسىم:

2.«YAMAHA Fenal Master» ماستېرلاش دېتالى.

بۇ دېتالمۇ ناھايىتى ياخشى بولغان بىر ئانا لېنتا بىر تەرەپ قىلىش ۋە ماستېرلاش دېتالىدىن ئىبارەت.بۇ دېتال ئىشلىتىشكە ناھايىتى قولاي دېتال بۇلۇپ،iZotope Ozone قارىغاندا مەشخۇلات تەرتىۋى بىرقەدەر ئاسان،ئىتىدارىمۇ باشقىلاردىن قېلىشمايدۇ.ئەمما،بۇ دېتال يەنىلا سىناق ئىشلىتىش باسقۇچىدا بولغاچقا،دەسلەپتە قاچىلاشتا بەزىبىر قىيىنچىلىقلارغا ئۇچرىشىڭىز ئېنىق،لىكىن،بىز سىزگە مەسلىھەت بېرىشكە ھەرۋاقىت تەييارمىز.مۇنبىرىمىزدە چۈشۈرۈش ئادرىسى بار.(مەنمۇ،تېخى ئەمدىلا ئىشلىتىشنى باشلىغان بولغاچقا،بۇ دېتالغا نىسبەتەن،چۈشەنچىم ئانچە يىتەرلىك ئەمەس.)

رەسىم:

3. IK.Multimedia.T-Racks V3ئاۋاز بىر تەرەپ قىلىش دېتالى.

بۇ دېتالمۇ يۇقىردىكى دېتاللارغا ئوخشاش ئىقتىدارلارنى ھازىرلىغان بۇلۇپ،«پرېسلاش،تەڭپۇڭلاشتۇرۇش،يۇقىرى چەكتىكى ئاۋازلارنى چەكلەش،لېنىيىلىك تەڭپۇڭلاشتۇرۇش»قاتالىق9خىل ئىقتىدارغا ئىگە دېتالدىن ئىبارەت.قالغىنىنى چۈشۈرۈپ ئىشلىتىش جەريانىدا ھېس قىلالايسىز.

رەسىم:

4.«WaveLab LE V7»ئانا لېنتا بىر تەرەپ قىلىش دېتالى.

بۇ دېتال «ستېنبېرىگ»شېركىتىنىڭ ئۆز ئالدىغا تەتقىق قىلىپ چىققان دېتالى بۇلۇپ،نۆۋەتتە يەنىلا سىناق ئىشلىتىش باسقۇچىدا تۇرىۋاتىدۇ.ئۆز نۆۋىتىدە 30 نەچچە خىل ئۈنۈم قىستۇرمىسى ۋە  CD ھۆججەت ھالىتىگە ئويۇشقا يىتەكلەش ئىقتىدارى قۇشۇلغان.مەنمۇ بۇنى ئىشلىتىپ كۆرۈشنى لايىق تاپتىم،شۇڭا،دوستلارغا تەۋسىيە قىلىشىم.

رەسىم:

ئەسكەرتىش:بىرقىسىم دېتاللار ماڭىمۇ يېڭى بولغاچقا ھەم ئۆزۈم ئىشلىتىپ كۆرۈشكە ئۈلگۈرمىگەن بولغاچ،ھەرقايسىڭلار بىلەن ئۆز-ئارا تەڭ پايدىلىنىش مەقسىدىدە بۇ تىمىنى يوللىشىم.ئەگەر ئىمكانىيەت يار بېرىپلا قالسا،ئىشلىتىپ باقمىغانلىرىمنى ئىشلىتىپ كۆرۈپ،ئالاھىدىلىگىنى يوللاشقا تىرىشچانلىق كۆرسىتىمەن.

∮AKKAPTAR∮

تورىمنىڭ سۈرئىتى بىرقانچە كۈندىن بېرى ياخشى بولمىغانلىق سەۋەبىدىن،مەزمۇنلارلنى تەھرىرلەپ يوللاش بىر قەدەر رەتسىز بۇلۇپ قالغان بۇلىشى ئېنىق،شۇڭلاشقا مۇنبەرداشلارنىڭ توغرا چۈشىنىشىنى تۆۋەنچىلىك بىلەن ئۈمۈد قىلىمەن.

YAMAHA

ياخشى تىما يوللاپسىز . رەخمەت سىزگە.

MUSICPRO

ئەجرىڭىزگە رەخمەت دوستۇم

Ezizm

رەھمەت 。。。。。。。

زامان

رەخمەت سىزگە ،سىز داۋاملىق ،مۇنبەرگە ،تورداشلارغا.پايدىلىق بىلىم توغرۇلۇقلا،تىما يوللاپ بىرسىز،،،،سىز بىزنىڭ ئۈگۈنۈش ئۈلگىمىز،ئىشلىرىڭىز داۋاملىق ئىلگىرى باسقاي.  

زامان

سىزدىن ياردەم سۇرايمەن دوستۇم، كومپيوتىرىمدىكى ، رار ھالەتتىكى دىتاللارنى ،قايسى توربەتكە يوللىسام ئاسانراق يوللىيالايمەن،مۇشۇ يومشاق دىتال يوللاشتىكى ئۇسۇللارنى تەپسىلى قىلىپ  بىر ئېيتىپ بەرگەن بولسڭىز ،:
بىر نەچچە توربەتكە ئەزا بۇلۇپ ئۇ يۇمشاق دىتاللارنى يوللۇدۇم ،بىراق يوللىغان ئۇ دىتالىمنى تاپالمىدىم بۇ قانداق ئىش ئەمدى ،ماڭا ئادىراق بىر يول كۆرسەتكەن بولسڭىز.

∮AKKAPTAR∮

«زامان» دوستىمىزغا:سىز ئەڭ ياخشىسى «115تور دېسكسى»تورىغا تىزىملىتىڭ.بۇ توربەت ناھايىتى ياخشى ھەم يوللىغان يوللانمىلار ناھايىتى تېز يوللىنىدۇ.يوللىغان دېتاللىرىڭىزنىڭ ئادرىسىنى«بەھىرلەنمەئۇلانما»(共享)قىلىپ تورداشلىرىمىزغا يوللىسىڭىز تامامەن بولىدۇ.
تىزىملىتىش ئادرىسى: http://www.115.com
قېنى سىناپ كۆرۈڭ.ئىشلىرىڭىزغا ئۇتۇق تىلەيمەن.

مۇزئېراسى

جاپا چېكىپسىز دوستۇم،اللە ئەجىرىڭىزنى بەرگەي!!!

مۇزئېراسى

مۇشۇ ياماخا ئۈنۈملىگۈچلىرىنى نەدىن چۈشۈرگىلى بولىدۇ

tuprak

رەھمەت بۇرادەر،ئىسىل تېمىڭىز ئۈزۈلۈپ قالمىغاي

يۈسۈف

مۇزئېراسى يوللىغان ۋاقتى  2012-10-19 16:04
مۇشۇ ياماخا ئۈنۈملىگۈچلىرىنى نەدىن چۈشۈرگىلى بولىدۇ

مۇنبەردە بارغۇ چۈشۈرۈش ئادرىسى

يۈسۈف

مومكىن بولۇپ قالسا مۇشۇ   ( ئىزتوپ 5 ) نى تەپسىلىي  يەنى ئەمەلىي  مىسال ئېلىپ بىر دەرىسلىك يوللىغان بولسىڭىز بىزدەك يىڭى ئۈگەنگۈچىلەر ئۈچۈن بەكمۇ ياخشى بولاتتى . ئاۋارىچىلىق ھېس قىلمىسىڭىز تەلىۋىمىنى ئويلۇشۇپ باقسىڭىز ..؟

گۇنامۇ

چۇشرۇش ئادرسې..يۇقمۇ....

چارەك

ناھايىتى ياخىشى تىما يولىلاپسىز، رەخمەت سىزگە