« KORG-pa50 تىپلىق» ئىلىكتىرونلۇق رويال بىلىملىرى (1-قسىم)

∮AKKAPTAR∮

بارلىق مۇنبەرداشلارغا: مەن بۇنىڭدىن ئۈچ يىل بۇرۇن ساپمۇ-ساق بىر ھەپتە رىيال ئالدىدا ئولتۇرۇپ تەييارلىغان بۇ يازمامنى «ئەلى مۇزىكا تورى»غا يوللىغان ئىدىم.ئارلىقتىن ئۇزاق ئۆتمەي،ماكان مۇزىكا توربىتىگە ئەزا بولۇپ كىرگەن ۋاقتىمدا،بۇ يازمامنىڭ مۇنبىرىمىزدىكى «Sargardan» ئاتلىق «ئېسىل توردىشىمىز»تەرىپىدىن شۇنداق ئۇستىلىق بىلەن«ئەلى مۇزىكا تورى»تورىدىن كۆچۈرۈپ ئەكىلىنىپ،ئۆزىنىڭ نامى بىلەن يوللانغىنىنى كۆرگىنىمدە ئاچچىقتىن يېرىلغىدەك بۇلۇپ كەتكەن ئىدىم.شۇنىڭ بىلەن شۇ چاغدىلا دوسىتلارغا ئەسلى ئادرىسىنى ئىنكاس شەكلىدە يوللاپ،ئۇ دوستىمىزنىڭ«جاپاسى»غا لايىقىدا جاۋاپ قايتۇرغان ھەم ماكان ئەپەندى ئارقىلىق،ئۇنىڭ چۈشەندۈرىشىنى تەلەپ قىلغان ئىدۇق. ئەمما،ئۇ ھىچقانداق چۈشەنچە بېرەلمىگەن.كىيىن،بۇ تىما ئۆچۈرۈلگەن.مەن بۇ قېتىم بىرقىسىم مۇشۇ تىپتىكى رىيال چالىدىغان ۋە يېڭىدىن ئۆگەنگەن دوستلارنىڭ پايدىلىنىشى ئۈچۈن قايتىدىن ئۆز نامىم بىلەن يوللاشنى لايىق كۆردۈم.ۋاقىپ بولغايسىلەر.

« KORG-pa50 تىپلىق» ئىلىكتىرونلۇق رويال بىلىملىرى(1-قسىم)

1.« KORG-pa50 » نىڭ پاس قىسمىغا كىرىش ۋە پاس ئىشلەش.
1-قەدەم:پاس قىسمىغا ئېكراننىڭ سول ئۈستۈن تەرىپىدىكى«RECORD» كۇنۇپكىسى ئارقىلىق پاس ئىشلەش ھالىتىگە ئۆتىلىدۇ. «RECORD» كۇنۇپكىسىنى باسقاندا «Current Style» ۋە «New Style» دىگەن ئىككى قۇر خەت كۆرىلىدۇ.«Current Style» دىگەننىڭ مەنىسى «نۆۋەتتىكى بەتكە كىرىش» دىگەنلىكتۇر. «New Style» دىگەننىڭ مەنىسى «يېڭى بەتكە كىرىش» دىگەنلىكتۇر.سىز قايسى پاسنىڭ ئۈستىگە پاش ئىشلىمەكچى بولغان بولسىڭىز،«Current Style» دىگەن خەتنىڭ سول ئۇتتۇرى قىسمىدا كۆرۈنگەن
«DRUM-PERC/DRUM» كۇنۇپكىسىنى بېسىش ئارقىلىق كىرسىڭىز بولىدۇ. ئەگەر يېڭى بەت ئېچىپ پاس ئىشلىمەكچى بولسىڭىز«Current Style» دىگەن خەتنىڭ سول ئۇتتۇرىدىكى«BASS/PERC» كۇنۇپكىسىنى بېسىپ كىرسىڭىز بولىدۇ.(ئەسكەرتىش: سىز ئۆزىڭىز ئىلگىرى ئىشلىگەن پاسقا كىرسىڭىز ۋە ئۇنى تەھرىرلەپ قايتا ئىشلىسىڭىز يېڭىدىن ئىشلەنگىنىنى ساقلىسىڭىزمۇ بولىدۇ ياكى ساقلىمىسىڭىزمۇ بولىدۇ.لىكىن شۇ ئىسىڭىزدە بولسۇن،ئىلىكتىرونلۇق رويالنىڭ ئۆزىدىكى پاسنىڭ ئۈستىگە ئىشلەپ ساقلىسىڭىز،رويال ئۆزىنىڭ پاسىنى يۇيۋەتكەن بولىسىز.بۇنىڭدىن كىلىپ چىققان زىيان ئۆزىڭىزگە بولىدۇ.شۇڭلاشقا ئەڭ ياخشىسى يېڭىدىن بەت ئېچىپ ياساڭ).
2-قەدەم:يۇقىردىكى مەشخۇلات بويىچە باسقاندىن كېيىن ئېكراندا سول تەرەپ ۋە ئوڭ تەرەپ بۇلۇپ سەككىز قۇر خەت كۆرىلىدۇ. بۇنىڭ ئىچىدىكى مۇھىم مەشخۇلات كۇنۇپكىسى تۆۋەندىكىچە:
_ سول ئۈستۈن1-قۇردىكى:«e:v1 cv:cv1» بىرىنچى پاس يولىغا ۋەكىللىك قىلىدۇ.بۇنىڭ سول ئۇدۇلىدىكى «DRUM-PERC/DRUM»كۇنۇپكىسىنى باسسىڭىز يول ئايرىم-ئايرىم ھالدا«e:v2 cv:cv1»،«e:v3 cv:cv1»،«e:v4 cv:cv1» قاتارلىق 2-،3- ۋە 4- يوللارغا ئۆتىدۇ.
_سول ئۈستۈن2-قۇردىكى «CV Len:2» پاسنىڭ نەچچە تاكىتلىقىنى بەلگۈلەيدۇ. يۇقۇردىكىگە ئوخشاش بۇنىڭ ئۇدىلىدىكى «BASS/PERC» كۇنۇپكىسىنى باسسىڭىز تاكىت سانىنى 2 دىن 16 گىچە خالىغانچە ئۆزگەرتەلەيسىز.
_ئوڭ ئۈستۈن 1-قۇرىدىكى: «R:RT RL:2» بۇ پاسنىڭ تاكىت سانىنى ئۇدۇللاش كۇنۇپكىسىدىن ئىبارەت.بۇنى ئۈستىدە ئېيتىپ ئۈتۈلگەن 2 دىن 16 گىچە بولغان تاكىت سانى بىلەن ئۆخشاش قىلىش ئۈچۈن،بۇنىڭ ئوڭ ئۇدۇلىدىكى «UPPER1/ACC2» كۇنۇپكىسىنى بېسىپ«2»دىگەن سانغا ئۇدىللىغاندىن كېيىن، ئېكراننىڭ ئوڭ تىگى تەرەپتىكى«F4» كۇنۇپكىسىنى باسسىڭىز ئاندىن «2» دىگەن سان نۇر بەلگە ئارقىلىق يۇرىيدۇ.بۇۋاقىتتا سىز ئېكراننىڭ ئوت تەرىپىدىكى«DOWN/-  UP/+» كۇنۇپكىسىنى بېسىش ئارقىلىق تاكىت سانىنى ئۇدىللىسىڭىز بولىدۇ.(ئەسكەرتىش ئەگەر يۇقىردىكى مەشخۇلاتنى قىلمىسىڭىز سىز سول تەرەپتىكى تاكىت سانى بىلەن ئوڭ تەرەپتىكى تاكىت سانىنى ئۆخشاش قىلالمايسىز).
_ئوڭ 2-قۇرىدىكى:«Metron1» پاس ياساشتىكى ئۆتۈش تەييارلىقى ئاۋازىنى ئېچىش كۇنۇپكىسى بۇلۇپ «Metron1» «بىر ئۆتۈش تەييارلىقى»دىگەننى بىلدۈرىدۇ. «Metron2» «ئىككى ئۆتۈش تەييارلىقى» دىگەننى بىلدۈرىدۇ. «Metroff» بولسا «ئۆتۈش تەييارلىق ئاۋازىنى ئېتىش»دىگەننى بىلدۈرىدۇ. بۇنىمۇ ئوخشاشلا ئۇدۇلىدىكى كۇنۇپكا ئارقىلىق ئۆزگەرتىشكە بولىدۇ.
_ئوڭ3-قۇردىكى: «Meter:2/4,4/4,4/6,4/8» قاتارلىقلارنىڭ مەنىسى- «نەچچە ئۇدارلىق پاس» دىگەن مەنىنى بىلدۈرىدۇ.ئېھتىياجىڭىزغا ۋە ئۆزىڭىزنىڭ قانداق پاس ياساش نىشانىڭىز بويىچە تەڭشەش ئېلىپ بارسىڭىز بولىدۇ.بۇنىمۇ ئۆخشاشلا بايام ئېيتىپ ئۆتكەندەك شۇخەتنىڭ ئۇدۇلىدىكى كۇنۇپكا ئارقىلىق تەڭشىسىڭىز بولىدۇ.
مانا يۇقۇردا ئېيتىپ ئۆتۈلگەن بارلىق مەشخۇلات تەرتىپى توغرا ئورۇندالغاندىن كېيىن رەسمىي يۇسۇندا پاس ئىشلەشكە ئۆتسىڭىز بولىدۇ.يەنى:ئېكراننىڭ سول تىگى تەرىپىدىكى كىچىك يۇمۇلاق ھالەتتىكى
«TRK.SELEST»كۇنۇپكىسىنى بېسىش ئارقىلىپ رەسمىي ھالدىكى پاس ياساش ھالىتىگە ئۆتكىلى بولىدۇ.

ئاتەش

بەك ياخشى تىمىلارنى يوللاۋاتىسىز قېرىندىشىم! رەخمەت سىزگە!

تىكەن

ناھايتى ياخشى تېمىكەن مەندەك يىڭى ئۇگەنچىگە تازا ياخشى  ئۇگۇنۇش يىتەكچىسى بوغىدەك بۇتىما رەھمەت سىزگە

تىكەن

بولسا ۋاختىڭىزنى چىقىرىپ داۋامىنىي مۇ تەييارلاپ قويغان بولسىڭىز

YAMAHA

بىلىۋىلىشقا تىگىشلىك بىلىملەركەن . رەخمەت تىمىڭىزغا

sahramusic

باشقىلارنىڭ ئەمگىكىگە ھۆرمەت قىلىش كىرەكتە ،رەھمەت سىزگە

perqenge

رەھمەت ، بولسا 50كە دائىر تېخىمۇ كۆپ بىلىملەرنى يوللاپ قويسىڭىز ، رەھمەت

duke

مۇشۇ رويالنىڭ ئۆزىنىڭ پاسلىرىدىن پايدىلنىپ مۇزىكا ئىشلىگى بولامدىغاندۇ، دىمەكچى بولغۇنۇم پاسلىرىنى ئۆزگەرتمەي تۇرۇپ چالغان مۇزىكىنى رويالنىڭ ئۆزىگە ساقلىغىلى بولامدىغاندۇ ، بىر يول كۆرسەتسڭلار!

halastan

بەك ياخشى تېما يوللاپسىز كۆپ خۇرسەن بولدۇم

شىرلان

بەك ياخشى تىمىلارنى يوللاۋاتىسىز قېرىندىشىم! رەخمەت سىزگە!

نۇر0997

تىكەن يوللىغان ۋاقتى  2012-10-16 21:58
ناھايتى ياخشى تېمىكەن مەندەك يىڭى ئۇگەنچىگە تازا ياخش ...

مەن پاسنى ياساپ چىكىنىپ چىقسام ياسىغان پاس چىقماي ئەسلىدىكىسى چىقىۋالىدۇ ، يەنە پاس ياساش تىزىملىكىگە كىرسەم ياسىغان پاس جايىدا چىقىۋاتىدۇ ،مۇشۇ توغرىسىدا ئۇستازلارنىڭ تەلىمىگە مۇھتاجمەن . يەنە بىر مەسىلە ، بەزەن پاسنى ياساپ بولۇپ ساقلاپ چىكىنگەندىن كىيىن بەزى ئاكورىتتا نورمال ، بەزى ئاكورىتتا ئەسلىدىكى پاس چىقىۋاتىدۇ ، بۇنى قانداق بىر تەرەپ قىلىمىز، ئۇستازلاردىن جىددى ياردەم سورايمەن.

GhostUY

بەك ياخشى تېما يوللاپسىز. رەھمەت سىزگە.... لېكىن ياساپ بولغان پاسنىڭ تېزلىكىنى تەڭىشىيەلمىدىم، ساقلانسىلا، 120 دەپ ئەسلىدىكى تېزلىك چىقىپلا قالىدۇ. ئاندىن قانداق قىلغاندا، F1, F2 ,F3, F4 لەرگە شۇ پاسقا قارىتا مۇزىكا ئاۋاز (يېڭسې) لارنى تاللاپ ئورناتقىلى بولىدۇ. بىر تەلىم بەرگەن بولسىڭىز......

GhostUY

نۇر0997 يوللىغان ۋاقتى  2014-11-6 11:41
مەن پاسنى ياساپ چىكىنىپ چىقسام ياسىغان پاس چىقماي ئەس ...

قەيەرگە ساقلىدىڭىز؟ ئىنكاسىڭىزدىن قارىغاندا پاس ئۆزگەرتكەن ئوخشايسىز، ئۆزگەرتكەن پاسنى قايسى ئورۇنغا ساقلىدىڭىز، شۇنىڭ ئۆزىگە ساقلىدىڭىزمۇ؟ ياكى ئىسىم قويۇپ ساقلىدىڭىزمۇ؟ ئىسىم قويمىسىڭىز  NO stley دەپ ساقلىنىپ قالىدۇ، شۇ بولۇپ قالسا ئەجەپ ئەمەس، پەقەت بولمىسا، تۆۋەندىكى مەشغۇلات بىلەن تەكشۈرۈپ بېقىڭ.
    رويالغا سالغان كۆچمە كارتا ياكى ماگىنىتلىق كارتىنى چىقىرىۋېتىپ ، رويال ئېكىرانىنىڭ يېنىدىكى SD card دېگەن كونۇپكىنى (يۇمشاق دېسكىلىق رويال بولسا DISKدېگەن كونۇپكا) بېسىڭ، باسقاندا كۆچمە دېسكا ۋە رويال قاتتىق دېسكا رايونىنىڭ تېزىملىكى ئېچىلىدۇ. شۇ تېزىملىك ئارىسىدىن Erase دېگەن تېزىملىكنى ئىزدەڭ ۋە شۇنىڭغا كىرىڭ، تېزىملىككە كېرگەندە بىر ئەسكەرتىش چىقىدۇ، ئۇ ئەسكەرتىشنى تېزلىك ئۆزگەرتىش غالتىكىنىڭ ئاستىدىكى  YES/NO كونوپكىسى ئارقىلىق يوقىتىسىز. ئەسكەرتىش يوقىغاندىن كېيىن، SD نىڭ ئاستىدىكى F1 دېگەن كونۇپكىنى بېسىڭ، بۇ چاغدا SSD دېگەن خەت چىقىدۇ، بۇ رويال قاتتىق دېسكا رايونى دېگەن مەنىنى بىلدۈرىدۇ، يەنە شۇنىڭغا توغرىلاپF1نى باسسىڭىز، قاتتىق دېسكا رايونى ئېچىلىدۇ، شۇ چاغدا سۈرەت تېزلەتكۈچ غالتىكىنى بۇرىسىڭىز، تېزىملىك ئاستى ئۈستىگە سۈرۈلىدۇ، تېزىملىكتىن Stley دېگەن تېزىملىكنى ئېچىڭ، ئاچقاندا، ئىچىدىن USER دېگەن تېزىملىك چىقىدۇ، بۇ تېزىملىكتە ئادەتتە USER1، USER2، USER3  دەپ چىقىدۇ، بۇ ئاساسلىق قاچىلىغان 1-رايوندىكى پاسلار، 2- رايوندىكى پاسلار ۋە 3-رايوندىكى پاسلار دېگەن مەنىنى كۆرستىدۇ، بۇ تېزىملىكلەرنىڭ ئىچىگە كېرسىڭىز، سىز ياسىغان ۋە باشقا يەردىن قاچىلىغان پاسلارنىڭ ھەممىسى چىقىدۇ، شۇلارنىڭ ئىچىدىن ئۆزىڭىز ياسىغان پاسنى ئىزدەڭ، بۇ رايونلاردا بولمىسا، بەلكىم پاسلىرىڭىز ساقلانمىغان بولۇشى مۇمكىن. بۇ رايونلاردا ئىسىم قويۇلمىغان پاسلار بولسا، NO stley دەپ چىقىدۇ. ناۋادا سىزنىڭ رويالىڭىزدا شۇنداق بولۇپ قالسا، Close دېگەن خەتنىڭ ئاستىدىكى F4 نى بېسىپ چېكىنىپ چىقىڭ ھەم پاسلار رايونىنى، (ئادەتتە پاس تاللاپ چالىدىغان كونوپكىلارنى كۆرستىدۇ) بېۋاسىتە بېسىپ، NO stley دېگەن پاستىن قانچىسى بولسا، شۇنچىنى تەكشۈرۈپ بېقىڭ، بولمىسا، SD card نى بېسىپ، يەنە شۇ پاسلار رايونىغا كېرىپ، ئەسلىدىكى پاسنىڭ ئىسمىغا توغرلاپ، DEL دېگەن خەتنىڭ ئاستدىكى كونۇپكىنى بېسىپ يۇيۇۋېتىپ قايتا قاچىلاپ سىناپ بېقىڭ، (دېققەت، چۇقۇم، شۇ پاسنىڭ ئىسمىغا توغرلاپ يۇيۇش مەشغۇلات قىلىڭ، بولمىسا، باشقا پاسلارنىمۇ يۇيۇۋېتىپ سالىسىڭىز). ئاددىي بولسىمۇ، ياردەم قىلالىغىنىمدىن خۇشالمەن، مۇشۇ بويىچە مەشغۇلات قىلىپ بېقىڭ پەقەت ئاقمىسا، مۇشۇ مۇنبەردىكى ئۇستازلاردىن سوراپ بېقىڭ.

ئ‍ىلى

مەن پاس ئ‍ۇرسام كەڭ دايرلىك  چىقمايۋاتىدۇ،ئ‍ۇستازلا ياردەم قىكساڭلا،چى چى 993132950