Windows XP مۇھىتىدا ئاۋاز كارتىسىنى سېستىمىغا تۇنۇتۇش باسقۇچلىرى

∮AKKAPTAR∮

بارلىق كومپىيوتېر مۇزىكىسىگە قەدەم قويغان يېڭىدىن ئۆگەنچى دوستلارغا:
ئالدىنقى بىرقانچە كۈندىن بۇيان بىرقىسىم يېڭىدىن كومپىيوتېر مۇزىكىسى ساھەسىگە قەدەم قويغان دوستلار مۇنبىرىمىزنىڭ QQ توپىدا ۋە ئۈندىدار توپىدا ئۆزلىرىنىڭ ئاۋاز كارتىسىنى كومپىيوتېرغا چېتىش ۋە قوزغىتىش پىروگراممىسىنى قاچىلاپ سېستىمىغا تۇنۇتۇش جەھەتتە بىر تۈرلۈك قىيىنچىلىقلارغا ئۇچرىغانلىقىنى ئېيىتقان.ھەم مۇنبىرىمىزدىكى بىرقىسىم ئۇستازلار ياردەم قىلىپ،قىيىنچىلىقىنى ھەل قىلىپ بەرگەن.مەن مۇشۇ مۇناسىۋەت بىلەن شۇ دوستىمىزغا ياردەم قىلغان ئۇستازلاغا رەھمىتىمنى بىلدۈرىمەن.شۇنىڭ بىلەن بىرگە يەنە ئاشۇ دوستىمىزغا ئوخشاش يېڭىدىن كومپىيوتېر مۇزىكىسىغا قەدەم قويغان بىر قىسىم دوستلىرىمىز ئۈچۈن تۆۋەندىكى بىرقانچە جەھەتلەر بويىچە ئاۋاز كارتىسىنى كومپىيوتېرغا تۇنۇتۇش ھەم تەڭشەشنىڭ بىر قانچە خىل ئاددى ئۇسۇلى توغرىسىدا توختۇلۇپ ئۆتمەكچىمەن.
1.ئاۋاز كارتىسى سېتىۋالغان دوستلىرىمىز شۇنى تەۋسىيە قىلىمەنكى، سىز ئالدى چۇقۇم ئاۋاز كارتىسى بىلەن بىرگە كەلگەن«ئاۋاز كارتىسىنى ئىشلىتىش قوللانمىسى»نى تەپسىلىي كۆرۈپ چىقىڭ. ئۇ قوللانمىدا ئاۋاز كارتىسىنى كومپىيوتېرغا قانداق چېتىش،قوزغۇتۇش پىروگراممسىىنى قانداق قاچىلاش ۋە قاچىلاپ بولغاندىن كىيىنكى تەڭشەش ئۇسۇللىرى ئېنىق تۇنۇشتۇرۇلغان بولىدۇ.(دېھقەت قىلىدىغان نوقتا:سىز قوزغۇتۇش پىروگراممىسىنى قاچىلاشتىن بۇرۇن ئۆزىڭىز ئىشلىتىدىغان كومپىيوتېر سېستىمىسىنىڭ قايسى سېستىما ئىكەنلىگىنى ئېنىق بىلىشىڭىز كېرەك.كۆپىنچە ئاۋاز كارتىللىرى  Windows ۋە Mac سېستىما مۇھىتىدا نورمال ئىشلەيدۇ ۋە شۇنىڭغا خاس «قوزغۇتۇش پىروگراممسى بولىقى» تەمىنلەنگەن بولىدۇ.)
رەسىم:

2.سىز ئاۋاز كارتىسىنى «ئىشلىتىش قوللانمىسى»دا كۆرسىتىلگەن بويىچە چېتىپ بولغاندىن كىيىن ئاۋاز كارتىسىنىڭ توك مەنبەسىنى ئاچقان ھامان،كومپىيوتېر سېستىمىسى قاتتىق دېتال بايقىغانلىقى توغرىسىدا سىزگە ئەسكەرتىش ئۇچۇرى كۆرسىتىپ بېرىدۇ.سىز كورسەتمە بويىچە ئاۋاز كارتىسىنىڭ قوزقىتىش پىروگراممسى قاچىلانغان ئوپتىك دىسكىنى كومپىيوتېر دىسكا قوزغاتقۇچىغا سالىسىز ۋە سېستىما كۆرسىتىشى بويىچە قاچىلايسىز.(كۆپ قىسىم ئاۋاز كارتىللىرىنىڭ قوزغىتىش پىروگراممىسى قاچىلىنىپ بولغاندىن كىيىن سېستىمىنى قايتا قوزغىتىشىڭىز كېرەك.)سېستىما قايتا قوزغىلىپ بولغاندىن كىيىن كومىپيوتېر ئېكرانىنىڭ ئوڭ تەرەپ ئەڭ ئاستى قىسمىدىكى «ۋەزىپە سىتونى»غا قارايدىغان بولسىڭىز،ئاۋاز كارتىڭىزنىڭ كونتىرول سۇپىسى سىنبەلگىسى كۆرىنىدۇ.شۇنى قوش چىكىپ كىرگەندىن كىيىن،ئاۋاز كارتىڭىزنىڭ كونتىرول سۇپىسى ئېچىلىدۇ دە سىز ئۇنىڭغا قارىتا تەڭشەش ئېلىپ بارىسىز.
(ئەسكەرتىش:ICON ئاۋاز كارتىسىنىڭ كونتىرول سۇپىسى مىسال قىلىپ ئېلىندى،سىزنىڭ بەلكىم ئوخشماسلىقى مۇمكىن.)
رەسىم:


3.كومپىيوتېرنىڭ ۋەزىپە سىتونىدىكى «باشلىنىش-开始»تىزىملىگىدىن «بىكىتىش-设置»،ئاندىن «كونترول يۈزلىكى-控制面板»گە كىرىسىز،بۇ يەردىن«ئاۋاز ۋە ئاۋاز ئۈسكىنىسى-声音和音频设备»نى قوش چىكىپ كىرىسىز ھەمدە تۆۋەندىكى رەسىمدە كۆرسىتىلگەن بويىچە ئاۋاز كارتىڭىزنى كومپىيوتېر سېستىمىسى ئوقۇيالايدىغان ئاۋاز ئۈسكىنىسى قىلىپ تاللاپ بېرىسىز.
رەسىم:




4.يۇقىردىكى تەڭشەش مەشخۇلاتى تۈگىگەندىن كىيىن،ئەگەر سىز ئاۋاز كارتىڭىزنى سىگىنالىنى سىناپ باقماقچى بولسىڭىز،ئاددى بولغان بىر ئۇسۇل: «باشلىنىش-开始»تىزىملىگىدىن
« پىروگرامما-程序»غا كىرىپ «قۇشۇمچە-附件»تىزىملىگىدىن«كۆڭۈل ئېچىش-娱乐»تارماق تىزىملىكىنىڭ ئىچىدىكى«ئۈن ئالغۇ-录音机»نى ئېچىپ،مىكرافۇندا گەپ قىلىپ ئاۋازغا ئېلىپ سىناپ باقسىڭىز تامامەن بولىدۇ.
رەسىم:

5.يۇقىردىكى بۇ مەشخۇلاتلار پۇتۈنلەي تاماملانغاندىن كىيىن، «مۇزىكا خىزمەت ئىشخانىسى»بولغان  Cubase/Nuendoنى قاچىلاپ بولغاندىن كىيىن،Cubase/Nuendo نى قوزغۇتۇپ،ئاۋاز كارتىڭىزنى تۇنىتىش مەشخۇلاتىنى تاماملىشىڭىز كېرەك،بولمىسا نورمال مۇزىكا ئىشلىشىڭىزگە ياكى ئاۋاز ئېلىشىڭىزغا تەسىر يەتكۈزىدۇ.(ياكى ئاۋاز ئالالمايسىز،ياكى مۇزىكا ئىشلىيەلمەيسىز)
(ئەسكەرتىش: Cubase/Nuendo ۋە ئۈنۈملىگۈچ دېتاللىرىنى قاچىلىغاندا چۇقۇم ۋىروسخورنى ئېتىۋېتىپ تۇرۇپ قاچىلاڭ.بولمىسا ۋىروس دەپ تۇنىۋالىدۇ.ئەگەر ھەممە مۇشۇ بويىچە بۇلۇپ،كىينكى چاغلاردا ۋىروسخور دېتالى،سىز قاچىلىغان ئاۋاز كارتىسىنىڭ قوزغىتىش پىروگراممىسىنى ياكى باشقا دېتاللارنى ۋىروس دەپ ئەسكەرتىش بەرگەن بولسا،بۇ پىروگراممىلارنى «سېستىما ئاق ھۆججىتى تىزىملىكىگە»كىرگۈزۋەتسىڭىز تامامەن بولىدۇ.)
رەسىم:



6. Cubase/Nuendoغا ئاۋاز كارتىسىنى تۇنۇتۇش،«ئۈنۈملىگۈچ دېتاللىرى»نى قاچىلاش ۋە مۇناسىۋەتلىك تەڭشەكلەرنى تەڭشەش مەشخۇلاتى پۈتۈنلەي ئاخىرلاشقاندىن كىيىن،چۇقۇم سېستىمىغا قارىتا زاپاسلاش ئېلىپ بېرىش بەكمۇ زۆرۆر.بۇنداق بولغاندا كىيىنكى مەزگىللەردە سېستىما بۇزۇلۇش ئەھۋاللىرى كۆرۈلسە،سىز سېستىمىنى ئەسلى ھالىتىگە قايتۇرۋەتسىڭىزلا نۇرغۇن ئاۋارىچىلىقلاردىن خالاس بولىسىز.
ئاخىردا،بارلىق مۇنبەرداشلىرىمنىڭ بۇ تىمامدىكى مەزمۇنلارنىڭ يىتەرسىز بۇلۇپ قالغان تەرەپلىرىگە  قارىتا تۇلۇقلاش ئاساسىدا قۇبۇل قىلىشىنى تۆۋەنچىلىك بىلەن ئۈمۈد قىلىمەن.ھەم يېڭىدىن ئۆگەنچى دوستلارغا ئۇتۇق تىلەيمەن.

makan

ئەجرىڭىزگە كۆپ رەھمەت ئاق كەپتەر ئەپەندى.........بۇ نۇرغۇن دوسلارنىڭ دەسلەپكى قەدىمىدە يۇلۇقىدىغان  دائىملىق مەسىلىلەرنىڭ بىرسى.

halastan

تېمىڭىزغا رەھمەت

ئەخمەت

تېمىڭىزغا رەھمەت  ياخشى  قىپسىز

yusup50

مايانىڭ   قانداق   تونتىدۇ.  

yusup50

مايانىڭ   قانداق   تونتىدۇ.  

يولچې

بەك ياخشې تېيمېكەن بزدەك يڭې ئۈگنگۈچېلەرگە ماس كېلدېكەن كوپ رەخمەت..........