«Waves Mercury»ئۈنۈملىگۈچى قىستۇرمىللىرىنىڭ ئىشلىتىلىشى(2)

∮AKKAPTAR∮

ئالدىنقى تېما: «Waves Mercury»ئۈنۈملىگۈچى
قىستۇرمىللىرىنىڭ ئۇيغۇرچە ئاتىلىشى ۋە ئىشلىتىلىشى(1)
بارلىق مۇنبەرداشلارغا:
بۇ تىمىدىكى مەزمۇن ئالدىنقى قېتىم يوللانغان «Waves Mercury»ئۈنۈملىگۈچى قىستۇرمىللىرىنىڭ ئۇيغۇرچە ئاتىلىشى ۋە ئىشلىتىلىشى»نىڭ داۋامى بۇلۇپ،مۇشۇنداق ھالەتتە ئاز،ساز يوللاپ تۇرۇشنى لايىق كۆرگىنىم ئۈچۈن بۇنىمۇ يوللۇدۇم.ئەگەر داۋاملىق تۈردە تەجىربە ئالماشتۇرۇشنى خالايدىغان دوستلار بولسا نەزىرىڭىز يەنىلا بۇ تىمىنىڭ داۋامىدا بولسۇن.ۋاقىت ۋە سەۋىيەمنىڭ چەكلىكلىگى سەۋەبتىن،ئاتالغۇلارنى تەرجىمە قىلىش جەريانىدا ئاز بولمىغان نوقسانلار ساقلانغان بۇلىشى ئېنىق.شۇ سەۋەپتىن كەمىنە ھەرۋاقىت دوستلاردىن تۆۋەنچىلىك بىلەن تۈزۈتۈپ قۇبۇل قىلىشىڭلارنى ۋە تەكلىپ-پىكرىگە بېرىشڭىلارنى تۆۋەنچىلىك بىلەن ئۈمۈد قىلىمەن.

«Waves Mercury»ئۈنۈملىگۈچى قىستۇرمىللىرىنىڭ ئۇيغۇرچە ئاتىلىشى ۋە ئىشلىتىلىشى(2)

ئۈنۈم قىستۇرما نامى	ئالاھىدىلىگى ۋە ئىشلىتىلىش ئونى
IR-L Efficient stere «يۇقىرى ئۈنۈملۈك ئايلانما شەكىللىك ئاۋاز ئارىلاشتۇرغۇچ»	بۇ ئۈنۈم قىستۇرمىسى ئۆزىگىچە بولغان «زال ئۈنۈمى»قىستۇمىسى بۇلۇپ ئادەتتە ئاۋاز ئارلاشتۇرۇشقا كۆپرەك ئىشلىتىلىدۇ.بۇ ئۈنۈم قىستۇرمىسى ئارقىلىق كىشىگە بىر خىل ئاۋاز سىگىنالى ئايلانما شەكىلدە ئاڭلىنىۋاتقاندەك تۇيغۇ بېرىدىغان«زال ئۈنۈمى»گە ئېرىشكىلى بولىدۇ.ئېتىياجىڭىزغا ئاساسەن،بۇ قىستۇرمىنىڭ«Load»سىتونىدىن تەييار نۇسقىلارنى ئېلىپ ئىشلەتسىڭىز بولىدۇ.(زال ئۈنۈمى بېرىشتە ئىشلىتىلىدۇ)
IR-L Full «پۈتۈن(تۇلۇق) ئايلانما شەكىللىك ئاۋاز ئارىلاشتۇرغۇچ»	بۇ ئۈنۈم قىستۇرمىسىمۇ ئۈستىدىكى ئۈنۈم قىستۇرمىسىغا ئوخشاش «زال ئۈنۈم»قىستۇرمسى بۇلۇپ،ئۈستىدىكىدىن بىردىن-بىر پەرقى ئۆتۈشمە ئاۋاز سىگىنال بۇ قىستۇرمىدا قەتئىي پەيدا بولمايدۇ.(ئۆتۈشمە ئاۋاز سىگىنالى بولسا،نىسبەتەن بۇزۇلغان ئاۋاز سىگىنالىدىن ئىبارەت.) ئۈستىدىكى ئۈنۈم قىستۇرمىسى بۇ خىل«ئۆتۈشمە ئاۋاز سىگىنالى»نى ئاۋاز يولىغا بىرگە ئېلىپ كىرىدۇ.نۆۋەتتىكى بۇ ئۈنۈم قىستۇرمىسى بولسا،ئۇنىڭ ئەكسىچە خىزمەت قىلىدۇ.
IR1 Efficient stereo «يۇقىرى ئۈنۈملۈك نۇسخىلىق ئاۋاز ئارىلاشتۇرغۇچ»	بۇ ئۈنۈم قىستۇرمىسىمۇ«زال ئۈنۈم»قىستۇرمىسى بۇلۇپ،يۇقىردىكى ئىككى خىل قىستۇرمىدىن بىردىنبىر پەرقى شۇكى،بۇ قىستۇرمىدا يۇقىردىكى ئىككى خىل قىستۇرمىدا يوق بولغان ئاۋاز سىگىنالىنىڭ «چوڭ-كىچىكلىگى،زىچلىقى،رېزونانىس(تەۋرىنىش)،توك ئېقىم مىقدارى» قاتارلىقلارنىڭ قىممىتىنى بەلگۈلەش ئىقتىدارى مۇجەسسەملەنگەن.
L3 MultiMaximizer «ئۈچ بۆلەكلىك چەكلىگۈچ ۋە كېڭەيىتكۈچ»	بۇ بىر دىنامىكىلىق(ھەرىكەتلىك)ئانا لېنتا بىرتەرەپ قىلىش ئۈنۈم قىستۇرمىسىدىن ئىبارەت بۇلۇپ،بۇ ئۈنۈم قىستۇرمىسى ئادەتتە تاق يول ۋە سېترىئولۇق ھالەتتە بېرىشتىن ئىبارەت ئىككى خىلغا ئايرىلغان.ئالاھىدىلىگى شۇكى،ئۈچ بۆلەك بويىچە ئاۋاز سىگىنالىنىڭ«بۇزۇلىشى»نى چەكلىگەندىن سىرىت،ئاۋاز سىگىنالىنى يېيىپ،كېڭەيتىپ بېرىشدىن ئىبارەت.(كۆپرەك ئەھۋالدا ئانا لېنتا بىر تەرەپ قىلىشتا ئىشلىتىلىدۇ،ئەسلى ئاۋاز يولىغا بېرىشكىمۇ بولىدۇ)
L3 UltraMaximizer «ئۈچ بۆلەكلىك يۇقىرى چەكتىكى سىگىنال چەكلىگۈچ»	بۇ ئۈنۈم قىستۇرمىسى ئاۋاز سىگىنالىنىنىڭ بۇزۇلىشىنى چەكلەپ،ئۈچ بۆلەك بويىچە يولغا ئايرىپ يېيىپ بېرىش ۋەكېڭەيتىش ئىقتىدارى بۇلۇپبۇمۇ تاق يول ۋە سېترىئو يولىغا بېرىلىدىغان دەپ ئايرىلغان.ئاۋاز سىگىنالىغا قارىتا ئۆلچەملەشتۈرۈش،رەتلەش ۋە تىترەنمە ھالەتتە چىقىرىپ بېرىش ئىقتىدارىغا ئىگە. ،ئادەتتە ئانا لىنتا بىر تەرەپ قىلىشتا ئىشلىتىلىدۇ.
LinEq Broadband LinEq Lowband LinMB «سىزىقلىق كۆپ بۆلەكلىك تەڭپۇڭلاشتۇرغۇچ»	بۇ ئۈنۈم قىستۇرمىسى ئادەتتە ئاۋاز سىزىقلىق ھالەتتە ئاۋاز سىگىنالىنى بىرىنچى:چاستوتا ۋە سىگىنال بەلبېغى ھالىتى،ئىككىنچى:سىگىنالنىڭ تۆۋەن چاستوتا ھالىتى،ئۈچىنچى:سىگىنالىنىڭ سۇقۇلىشىنى ئاجىزلاشتۇرۇش ھالىتى بويىچە تەڭپۇڭلاشتۇرۇش ئىقتىدارىغا ئىگە بۇلۇپ، تاق يول ۋە سېترىئو ھالىتى بويىچە ئايرىلغان.دىنامىكىلىق ۋە تەڭپۇڭلاشتۇرغۇچىدىن ئىبارەت ئىككى ئىقتىدار مۇجەسسەملەنگەن. ئادەتتە ئانا لېنتا بىر تەرەپ قىلىشتا ئىشلىتىلىدۇ.
RBass «تۆۋەن ئاۋاز كۈچۈيىتكۈچ»	بۇ بىر تۆۋەن ئاۋاز كۈچەيىتكۈچ ئۈنۈم قىستۇرمىسى بۇلۇپ،ئاساسلىق ئىقتىدارى مۇزىكىدىكى باس گىتتارنىڭ ئاۋازىنى يەنىمۇ كېڭەيتىپ ۋە كۈچۈيتىپ چىقىرىپ بېرىش ئىقتىدارى بار.ئاساسلىقى باس گىتتار ئاۋازىنى ئۈنۈملەشتە ئىشلىتىلىدۇ.
RComp RDeEsser «پرېسلىغۇچ ۋە چىش تاۋۇشىنى سۈزگۈچ»	بۇ بىر دىنامېكىلىق(ھەرىكەتلىك)ئۈنۋېرسال پرېلىغۇچ ۋە چىش تاۋۇشىنى سۈزگۈچ بۇلۇپ، ئادەتتە،تاق يول ۋە ستېرىئولۇق يول ھالىتى بويىچە ئايرىلغان.ئىقتىدارى Compresser ۋە DeEsser ئۈنۈم قىستۇرمىسىغا ئوخشاش.بۇلارنىڭ ئورنىدا ئالماشتۇرۇپ ئىشلىتىشكە بولىدۇ.ئاۋاز سىگىنالىنىڭ تۆۋەن كىرىپ قالغان قىسمىنى كۆتۈرۈش،يۇقىرى جايلىرىنى قىسىش ھەمدە ناخشا ئاۋازىدىكى«چىس»تاۋۇشى يۇقىرى كەتكەن يەرلەرنى يۇمشىتىش جەھەتتە ئىشلىتىلىدۇ.
REQ 2 stereo REQ 4 stereo REQ 6 stereo « كۆپ بۆلەكلىك تەڭپۇڭلاشتۇرغۇچ»	بۇ بىر تەڭپۇڭلاشتۇرغۇچ(مۇۋازىنەتلىگۈچ)ئۈنۈم قىستۇرمىسى بۇلۇپ،ئادەتتە ئاۋاز ماستېرلاش يولىغا بېرىلىدۇ.ئادەتتە ئارقىدىكى سانلار بۇ قىستۇرما دېتالىنىڭ ئاۋاز سىگىنالىنى قانچە بۆلەككە ئايرىغانلىقىغا قارىتىلغان بۇلۇپ،ئاۋاز تەڭپۇڭلاشتۇرۇش ۋە ئاۋاز يىيىشتۈرۈشتە ئىشلىتىلىدۇ.
Rvox «ئادەم ئاۋازىنى ئاپتۇماتىك پرېسلىغۇچ»	بۇ بىر ئادەم ئاۋازى سىگىنالىنى ئاپتۇماتىك ھالدا پرېسلاپ قىسىپ بېرىدىغان ۋە ئاۋاز سىگىنالىنىڭ ئالدى-كەينى چىقىش ئورنىنى ئاپتۇماتىك ھالدا تەڭشەپ بېرىدىغان ئۈنۈم قىستۇرمىسىدىن ئىبارەت.ئاپتۇماتىك ھالدا ئادەم ئاۋاز سىگىنالىنىڭ يۇقىرى يەرلىرىنى قىسىپ،تۆۋەن يەرلىرىنى كۆتۈرۈپ بېرىش ئىقتىدارىغا ئىگە.ئۆز نۆۋىتىدە تاق ۋە سترېئو ھالىتى بويىچە بېرىشكە ئايرىلغان بۇلۇپ،ئاساسلىقى ئادەم ئاۋازىنى بىر تەرەپ قىلىشقا ئىشلىتىلىدۇ.
S1-Imager S1-MS Matrix S1-Shuffler « سترېئو ئاۋاز كۈچەيىتكۈچ»	بۇ بىر «بوشلۇق ئۈنۈملىگۈچى» بۇلۇپ،ئاساسلىق ئىقتىدارى ئاۋاز سىگىنالىنى بىر بۆلەك بويىچە ئايرىم-ئايرىم ھالدا سترېئولۇق ھالەتتە تەسۋرلىك، ماسسا سپېكترلىق ۋە ئارلاشتۇرۇلغان ئۈنۈملەش ھالىتىدە چىقىرىپ بېرىشتىن ئىبارەت.ئادەتتە ماستېرلاش يولىغا بېرىلىدۇ.بۇلۇپمۇ S1-Imager ۋە S1-Shuffler كۆپرەك ئىشىتىلىدىغان بۇلۇپ،ئاۋازنى كەڭ ئاڭلاندۇرۇپ بېرىش ئۈنۈمى ئالاھىدە ياخشى.
SuperTap 2-Taps Mono\ stereo SuperTap 6-Taps Mono\ stereo «كۆپ بۆلەكلىك چېكىتلىك ئاۋاز سوزما ئۈنۈملىگۈچى»	بۇ بىر «ئاۋاز سوزما ئۈنۈملىگۈچى»بۇلۇپ،ئېلىنغان ئاۋازلارغا قارىتا Delay(ئاۋاز سوزما) ئۈنۈمى قۇشۇشتا ئىنتايىن كەڭ قوللىنىلىدۇ.بۇ قىستۇرما 2 چېكىتلىك ۋە 6 چېكىتلىك دەپ تۈرى بۇلۇپ،ئۆز نۆۋىتىدە تاق يول ۋە سترېئو يولى ھالىتى بويىچە ئايرىلغان.FX يولىغا بىۋاستە قىستۇرۇشقىمۇ ياكى ئەسلى ئاۋاز يولىغا بېرىشكىمۇ بولىدۇ.
TrueVerb «يۇقىرى ئېنىقلىق زال ئۈنۈملىگۈچى»	بۇ بىر «زال ئۈنۈمى»قىستۇرمىسى بۇلۇپ،ئاساسلىقى تاق يوللۇق،تاق يولنى سترېئو يولىغا ئايلاندۇرۇپ بېرىش ۋە ماس ھالدىكى سترېئو ھالىتىدىن ئىبارەت 3 خىلغا ئايرىلغان.ئىقتىدارى شۇكى،ئاۋاز سىگىنالىغا قارىتا ئەڭ توغرىلىق نىسبەتتە زال ئۈنىمى قۇشۇپ بېرىدۇ.ئادەتتە ئاۋازلارغا زال ئۈنىمى بېرىشتە ئىشلىتىلىدۇ.
UltraPitch 3-Voice UltraPitch 6-Voice UltraPitch Shift « ئۇلترا ئاۋاز يۇقىرلىقىنى ئۆزگەرتكۈچ»	بۇ بىر ئۇلترا ئاۋاز(نورمال چاستوتا دائىرسىدىن ئېشىپ كەتكەن ئاۋاز)يۇقىرلىقىنى ئۆزگەرتىپ بېرىدىغان ئۈنۈم قىستۇرمىسى بۇلۇپ،ئۆز نۆۋىتىدە 3 بۆلەكلىك، 6 بۆلەكلىك تۈرىگە بۇلۇپ، تاق يول ۋە سترېئو يولى تۈرى بويىچە ئادەم ئاۋازى ئېلىنغان يولغا بېرىلىدۇ.(مەخسۇس ئادەم ئاۋاز سىگىنالىدىكى ئاۋاز ۋە تاۋۇش يۇقىرلىقىنى ئۆزگەرتىشتە قوللىنىلىدۇ)

@@OTYVRAK@@

ياخشى ئاي ياخشى كۈنلەدە ھەقىقىەتەنمۇ جاپا چىكپسڭز!!! بەركەت تىپىڭ!!! رەخمەت!!!

m-k-music

رەھمەت سىزگە،جاپا چىكىپسىز،

makan

تېما بولا مۇشۇنچىلىك بولا،خىلى ئۇزۇن بولغانتى مۇشۇنداق ئىسىل تېمىنى ئۇچۇراتمىغىلى.............ئەجرىڭىزگە كۆپ تەشەككۈر.Waves توغۇرلۇق ھەممە تېمىڭىزنى يىغىپ،مۇنبەرنىڭ باش قىسىمىغا چىقىرىپ قويساق جىق دوسلارنىڭ كۆرىشىگە پايدىلىق بولغۇدەك

izna

پاھ ! نىمە دىگەن ئوخشىغان ،نىمە دىگەن مول بىلىملەر بۇ!
سىزنىڭ كۆڭلىڭىز ئاق كەپتەردەكلا ئاق جۇمۇ !
مەڭگۈ ياشاپ كىتىڭ ئاق كەپتەر! سىزنىڭ بارلىق ئىشلىرىڭىزغا مەڭگۈ ئۇتۇق تىلەيمەن....

ئىزنار

ئىسىمى_جىسمىڭىزغا لايىق ئاق كەپتەر دە سىز،  داۋاملىق مۇشۇنداق ئەمگەك مىۋېلىرىڭىزنى ئۇچۇرتۇپلا ئەكىلىڭ.


سالامەت بولۇڭ

ئاتەش

ئېسىل! ئېسىل!.....

Steinberg

رەھمەت سىزگە..

505705200

ئېسىل  كۆپتنىن-كۆپ رەخمەت سىزگە

ark-xir

ناھايىتى ئېسىل تېما بوپتۇ ، ئاخىرىنى تەقەززالىق بىلەن كۈتىمىز .

رىتىم

بەك ياخشى  تېمىدىن بىر نى  يوللاپسىز...

muhtarmusic

بەك ئىسىل تېمىكەن ،رەھمەت سىزگە!

مەردان01

ئو  سىز  راستىنلا  جاپا  چىكىپسىز  خۇدايىم  ئىشلىرڭىزغا  تارتقان جاپايىڭىزغا  لايىق  ھالاۋەت  بەرسۇن

شىرلان

رەھمەت ھەقىقەتەن قىممەتلىك دەرىسكەن

ساتارىم

رەخمەت   بەك  چۇشىنىشلىك   بوپتۇ  ھارمىغايسىز