« KORG-pa50 » تىپلىق ئىلىكتىرونلۇق رويال بىلىملىرى(2-قىسىم)

∮AKKAPTAR∮

2. « KORG-pa50 » غا پاس ئىشلەش،تەھرىرلەش،ئاۋازىغا ئۈنۈم بېرىش ۋە پاس ئىشلەشتىن ۋاز كىچىش

1.پاس ياساش:ئالدىنقى نۆۋەت دىگەندەك سىز شۇ بىر قاتار مەشخۇلاتلارنى ئاخىرلاشتۇرغاندىن كېيىن.«TRK.SELEST» كۇنۇپكىسىنى بېسىپ پاس ياساش ھالىتىگە ئۆتتىڭىز. ئېكرانغا قارايدىغان بولسىڭىز سول ۋە ئوڭ بۇلۇپ جەمئىي 8 دانە يول بار.
بۇنىڭ سول تەرەپ ئۈستى 1-يول «تۆۋەن ئاۋازلىق دۇمباق»يولى، 2-يول «قۇشۇمچە دۇنباق»يولى.(بۇلارنىڭ ئورنىنى ئالماشتۇرسىڭىزمۇ بولىۋېرىدۇ.)3-يول «باس»يولى.4-يولدىن باشلاپ تاكى 8-يولغىچە ھەممىسى«ئاكورىد ئاۋاز ۋە قۇشۇمچە ئاۋاز» يولى.(ئەڭ مۇھىمى قانۇنىيىتى بويىچە ئىشلەتكىنىڭىز ياخشى.)
دەل مۇشۇ يۇقۇردىكى مەشخۇلات تەرتىپى بويىچە پاس ئىشلەشنى ياكى پاس ئۈستىگە پاس ياساشنى ئېلىپ بارسىڭىز بولىدۇ.

1.«دۇنباق ئاۋاز» تۈرى: «PROGRAM» كۇنۇپكىسىنىڭ چىرىقى يۇرۇق ھالەتتە.ئىلىكتىرونلۇق رويالنىڭ ئوڭ تۆۋەن تەرەپ گەۋدىسىدىكى 0-كۇنۇپكىدىن 9-كۇنۇپكىغىچە بولغان ئاۋاز يولىنىڭ 2-بەت 6-يولىدا بولىدۇ.

2.«باس ئاۋاز»تۈرى: يۇقىرىدىكىسىنىڭ 2-بەت 5- يولىدا بولىدۇ.(ھەممىسى 0-9 غىچە بولغان كۇنۇپكىسىنىڭ ئاستىدا ئېنگىلىزچە ئىسمى بىلەن بار).قالغان ئاۋاز تۈرىمۇ مۇشۇ كۇنۇپكىلار قاتارىدا بار.

2.پاس تەھرىرلەش،كۆچۈرۈش ۋە ئۆچۈرۈش

1.پاس تەھرىرلەش:سىز ياسىماقچى بولغان پاسنى ئىشلەپ بولغاندىن كېيىن ئېكراننىڭ سول ئۈستىنىكى قىسمىدا «MENU» كۇنۇپكىسىنى باسسىڭىز بىر نەچچە قۇر ئېنگىلىزچە ھەرىپلەر كۆرىنىدۇ.

بۇلارنىڭ مەنىسى:

1.«Quantize»:«تەھرىرلەش»دىگەن مەنىدە.يەنى سىز ئۇنى باسسىڭىز تەھرىرلىمەكچى بولغان يول ۋە نەچچىنچى پاس يولى،شۇنداقلا قانچە رەتتە تەھرىرلەشنى سۇرايدۇ.بۇنىڭدىكى مۇھىم يېرى«Resol»بۇلۇپ بۇنىڭ ئارقىدا بىرقاتار نوتا بەلگۈللىرى بار.سىز شۇنىڭ ئۇدۇلىدىكى كۇنۇپكا ئارقىلىق نوتا بەلگۈسىنى تاللىسىڭىز بولىدۇ.ئەڭ مۇھىمى سىز مەيلى قانداقلا پاس ئىشلەڭ ياكى مۇزىكا ئىشلەڭ بۇنوتا بەلگۈسىنى چۇقۇم ئالدىدىن-كەينىگە ئۈچىچنچى ئورۇنغا ئەكىلىشىڭىز كېرەك بولمىسا،ياسىغان پاسلىرىڭىزنى قالايمىقان تەھرىرلەپ قويىسىز.(يەنى ئۈستىدە 3 رەقىمى بار نوتا بەلگۈسىنىڭ كەينىدىكىسىگىلا ئەكىلىڭ).ئاندىن «ENTER/YES» كۇنۇپكىسىنى بېسىۋەتسىڭىز بولىدۇ.پاسنى تەھرىرلەشتە ھەممىنى بىراقلا تەھرىرلەشكىمۇ ۋە ھەربىر يولنى ئايرىم تەھرىرلەشكىمۇ بولىدۇ.

2.«Delete»:«يۇيۇش ياكى ئۆچۈرۈش»دىگەن مەنىدە.سىز ئۇنى باسسىڭىز بىر قاتار ھەرىپلەر كۆرىنىدۇ.بۇكۇنۇپكا ئارقىلىق ياسىغان 1-2-3-ۋە 4- يوللارنى يۇيۇشقىمۇ ۋە ھەربىر ئاۋاز يولىنى يۇيۇشقىمۇ بولىدۇ.(ئەسكەرتىش پاس ئىشلەش جەريانىدا ئەگەر ئىككى دۇمباق يولىنىڭ قايسى دۇمبىقىدا خاتالىق بولسا «STAR STOP» كۇنۇپكىسىنى بېسىپ تۇرۇپ قۇيۇۋەتمەي،پاسنى ماڭدۇرۇپ قويۇپ خاتا ئۇرۇلغان دۇمباق ئاۋازى بار تىلنى باسسىڭىز شۇ يۇيىلىدۇ. ئەگەر ئۇمۇميۈزلۈك يۇيماقچى بولسىڭىز ئۈستىدىكى بويىچە قىلسىڭىز بولىدۇ.)

3.«Delete»:ھالىتىدە «-PAGE+» كۇنۇپكىسىنى ئالدىغا بىر باسسىڭىز«DeleteAll» دەپ چىقىدۇ.بۇ «ھەممىنى يۇيۇش»دىگەن مەنىدە.بۇمەشخۇلاتنى قىلسىڭىز.شۇ پاسنىڭ بارلىق گەۋدىسى پۈتۈن يۇيىلىدۇ.

4.«Copy»:«كۆچۈرۈش»دىگەن مەنىدە.بۇئارقىلىق سىز ھەرقانداق پاسنىڭ پۈتۈن گەۋدىسى ياكى يولى.شۇنداقلا سىز ياساۋاتقان پاسنىڭ ھەرقانداق يولىنى ئۆز-ئارا كۆچۈرەلەيسىز.(ئەسكەرتش كۆچۈرۈپ بولغاندىن كېيىن«ENTER/YES» كۇنۇپكىسىنى باسقاندىن كېيىن«WRITE DISK IN USE» كۇنۇپكىسى ئارقىلىق قايسى پاسقا ۋە قايسى يولغا مۇقۇمداشنى كۆرسىتىپ،«ENTER/YES» كۇنۇپكىسىنى باسسىڭىز بولىدۇ.

5.پاسنى ياساپ بۇلۇپ،ئېكراندا كۆرسىتىلگەن بويىچە « WRITE DISK IN USE » نى باسسىڭىز،قەيەرگە ساقلايدىغانلىقىڭىزنى سورايدۇ،كۆرسىتىپ بەرگەندىن كېيىن «ENTER/YES» نى باسسىڭىز ساقلايدۇ.ئەگەر پاس ئىشلەشتىن ۋاز كىچىپ ساقلىمايدىغان بولسىڭىز «Abort» نى بېسىپ مۇقۇملاشتۇرسىڭىز،پاس ئىشلەشتىن ۋاز كەچكەن بولىسىز ھەم پاس ياساش ھالىتىدىن چىكىنىپ چىقىسىز.

3. ئاۋازنى يۇقىرى-تۆۋەنلىگىنى بەلگۈلەش ۋە ئاۋازغا ئۈنۈم بېرىش.

1.ئاۋازنىڭ يۇقىرى-تۆۋەنلىگىنى مۇقۇمداش.

سىز«Quantize» نى بېسىپ تەھرىرلەش ھالىتىگە كىرگەندىن كېيىن«-PAGE+» كۇنۇپكىسى ئارقىلىق ئىلگىرلەپ 10-بەتكە بارسىڭىز 8 دانە يولنىڭ ئاۋازىنىڭ يۇقۇرى تۆۋەنلىگە كۆرىنىدۇ.(يەنى «Express» دا) سىز مۇشۇ بەتتە ھەرقايسى ئاۋاز يولىنىڭ يۇقىرى-تۆۋەنلىگىنى تەڭشەپ بولغاندىن كېيىن
«WRITE DISK IN USE» نى بېسىپ« ENTER/YE» ئارقىلىق مۇقىمدىسىڭىز بولىدۇ.

2.پاسنىڭ ئاۋازىغا «ئۈنۈم»(شىياۋگو)بېرىش.

پاسنى ياساپ بۇلۇپ نورمال ھالەتكە كەلگەندىن كېيىن،«MENU» كۇنۇپكىسىنى بېسىپ شۇنىڭ ئىچىدىكى «Effects»-(«ئۈنۈم»)قا كىرسىڭىز ئېكراندا «A/BSelect» دىگەن رەقەم كۆرىنىدۇ. بۇ پاسقا «ئۈنۈم» بېرىش يولى بۇلۇپ بۇيەردە جەمئىي ئىككى قۇر سان-سىفېرلىق يول بار ئىككى تەرەپ ئۇدۇلىدىكى كۇنۇپكىنى بېسىپ شۇنىڭ ئىچىدىن خالىغان «ئۈنۈم ئاۋاز تۈرى»نى تاللىسىڭىز بولىدۇ.

«-PAGE+»نى بېسىپ ئىلگىرلىسىڭىز «A/BSelect»نىڭ كەينىدىلا ئېكراندا «C/DSelect» كۆرىنىدۇ.بۇ «ئاۋاز تۈسى»گە(يەنى يىنسې)«ئۈنۈم»بېرىش يولىدۇر.مەشخۇلاتى يۇقىرىسىدىكى بىلەن ئوخشاش.يۇقىرىدىكى مەشخۇلات تۈگىگەندىن كېيىن ئوخشاشلا «WRITE DISK IN USE» نىبېسىپ كۇنۇپكا ئورنىدىن
« ENTER/YE» ئارقىلىق مۇقىمدىسىڭىز بولىدۇ.
ئەسكەرتىش:مۇشۇ ماركىدىكى باشقا تىپتىكى رىيالنى چالىدىغان دوستلارنىڭ سەمىدە بولسۇنكى،بۇ خىلدىكى رىياللارنىڭ كۇنۇپكا ئورۇنلاشتۇرۇلىشى گەرچە ئوخشىمىسىمۇ،ئەمما مەشخۇلات تەرتىۋى ۋە مەشخۇلات ئاتالغۇسى ئوخشاش،مۇشۇ بويىچە سىناپ بېقىشىڭلارنى تەۋسىيە قىلىمەن.

ئاتەش

رەخمەت تىمىڭىزغا ئۇستاز!
ھارماڭ

ئىزنار

رەھمەت...   جاپا چىكىۋاتىسىز

مۇزئېراسى

50نى ئىشلىتىدىغانلار بىلىۋىلىشقا تېگىشلىك بىلىملاركەن،
رەھمەت تېمىڭىزغا...

halastan

تېما  ئىگىسىگە رەھمەت

ahmatjan

بۇنداق  ئىسىل تىمىلارنى تەييارلاش ئۈچۈن نۇۇغۇن ۋاقىتلار كىتىدۇ. يەنە كىلىپ مۇشۇنچىلىك تەجىربىگە ۋە ئىلىم ئەھلىگە ئايلىنىش ئۈچۈن تېخىمۇ شۇنداق . شۇڭا باشقۇرغۇچىمىز ئاق كەپتەر ئەپەندىنىڭ تورداشلارغا ئىلىم تاراتقانلىقىدىن سۆيۈنمەي تۇرالمايمىز . شۇ ۋەجىدىدىن مۇشۇ ئىنكاس ئارقىلىق بوۋىمىز يۈسۈپ خاس ھاجىپنىڭ مىراسى بولغان ‹قۇتادغۇبىلىك› داستانىنىڭ ئېرپان شىركىتى تەرىپىدىن تارقىتىلغان ئاۋازلىق ئەسەرىدىن بايا ئاڭلىغانلىرىمنى ئۆز پېتى يېزىپ قالدۇردۇم.  

013- كىتاب ئىگىسى ئۆز-ئۆزىنى ئېيتىدۇ ( 01:05 دىن باشلىنىدۇ )

‹ ساڭا ئېيتايكى يېڭىلىدىغانلار كىشلەر تۈمەنمىڭدۇر ، بىلىملىكلەر ناھايىتى ئاز ، بىلىمسىزلەر كۆپ ، بىلگىنكى ئېدىراكسىزلار كۆپ ، ئېدىراكلىقلار كەم ئۇچرايدۇ ، بىلىمسىزلەر بىلىملىككە دۈشمەن بولدى ، بىلىمسىزلەر بىلىملىككە ھەسەت قىلدى ، كىشى بىلەن كىشىنىڭ زور پەرقى بار ، بۇ پەرىق بىلىمدىلا كۆرۈنىدۇ ، ئۇشبۇ سۆزۈمنى بىلىملىكلەر ئۈچۈن سۆزلىدىم ›
                                                                              -- يۈسۈپ خاس ھاجىپ

∮AKKAPTAR∮

ahmatjan يوللىغان ۋاقتى  2013-5-21 16:16
بۇنداق  ئىسىل تىمىلارنى تەييارلاش ئۈچۈن نۇۇغۇن ۋاقىتل ...

رەھمەت ئەخمەتجان،مەن بۇ تىمىنى 2010-يىلى ساپمۇ-ساق 10 كۈندە مۇشۇ خىل تىپتىكى رىيال ئالدىدا ئولتۇرۇپ بىرمۇ بىر ئېنگىلىزچە نامى بويىچە كومپىيوتېردا ۋورىددا يېزىپ تەييارلىغاندىن كىيىن ئەڭ دەسلەپتە«ئەلى مۇزىكا تورى»دا ئېلان قىلغان ئىدىم.كىيىن ماكان مۇزىكا مۇنبىرىگە تىزىملىتىپ كىرگەندىن كىيىن مۇنبىرىمىزدىكى يۈزى قېلىن،نۇمۇسسىز ئوغرى«سەرگەردان»تەرىپىدىن ئۆز ئەينى كۆچۈرۈلىپ كىلىپ،ئۆز نامىدا سۈيئىستىمال قىلىپ يوللاپتۇ.بۇنى كۆرگەندىن كىيىن بېشىمدىن بىر چېلەك مۇزدەك سوغۇق سۇنى قىيغاندەك بولغان ھەمدە دەرھال ماكان ئەپەندى بىلەن ئالاقىلىشىپ،ئەسلى تىما يوللانغان مۇنبەردىكى بارلىق ماتىرىياللارنى يوللىغان ھەم ھېلىقى ئەبلەخنى(سەرگەردان) مۇنبەر يۈزىدە چۈشەندۈرۈشكە چاقىرىتقان.ئۇ گۇي شۇ يوق بولغانچە يوق بولدى.(ھازىرغىچە كىرىپمۇ قويمىدى)ئىشلار ئايدىڭلشقاندىن كىيىن،ئۆز نامىم بويىچە قايتىدىن يوللىدۇق.سىز ئېيىتقاندەك«بىلىم مۈلۈك ھوقوقىغا تاجاۋۇز قىلىش»دەل مۇشۇ بولسا كېرەك.سىز دىگەندەك بۇ خىل ھوقوقنى ھەقىقەتەن قوغداش كېرەك ئىكەن دەپ ئويلۇدۇم.بۇ جەھەتتە كۆپرەك مۇنبەرداشلىرىمىزغا ئېنىق ئەسكەرىتمە بەرسىڭىز دىگەن ئۈمۈددە مەن.

∮AKKAPTAR∮

مانا ھازىر رىيال چالمىغىلىمۇ بىر قانچە يىل بوپتۇ....8 يىللىق رىيال چېلىش ھاياتىم مۇشۇنىڭ بىلەن ئاخىرلاشقاندەكلا خۇددى.....ھازىر MIDI رىيالنى چېتىپ قۇيۇپ چېلىپ يۈرىمىزغۇ ھەي.....پات ئارىدا ياخشىراق رىيالدىن بىرنى ئالمىسام بولمىدى......نەق مەيدان چېلىشقا زادى ھىچنىمە تەڭ ئەمە جۇمۇ.

burkut

تېمىڭىزغا رەخمەت  ياخشى بىلىملەركەن  رىيال نى داۋاملىق چالىدىغانلارغا  

sahramusic

ئەسسالامۇئەلەيكۇم ئاق كەپتەرئەپەندى،سىزنىڭ تىملىرىڭىزنى ھەممىسىنى دىگۈدەك كۆرۈپ كىلىۋاتىمەن،ھەمدە بۇنىڭدىن ئوبدانلا بىلىمگە ئىگە بولدۇم،تىڭىرقىغان چاغلىرىمداتوردىن چۈشۈرۋالغان دەرسلىكلىرىڭىز ماڭا ياخشى دوست،ياخشى ئۇستازبولدى،مۇشۇ مۇناسىۋەت بىلەن سىزگە كۆپتىن كۆپ رەھمەت ئىيتىمەن،ئۇيغۇر كومپىيۇتىرمۇزىكىچىلىقىداسىزدەك بىلگىنىنى ئەلدىن ئايىمايدىغان كەڭ قورساق كەسىپدىشىمدىن پەخىرلىنىمەن،تىنىڭىز سالامەت بولسۇن،ئىشلىرىڭىز ئوڭۇشلۇق بولسۇن ،تىمىلىرىڭىز ئۈزۈلۈپ قالمىغاي

halastan

تېمىڭىزغا كۆپ  رەھمەت

چارەك

ھەقىقەتەن ياخشى تېما ئىكەن .تېمىڭىزغا رەھمەت

1776716811

رەخمەت قېرىندىشىم!

GhostUY

تازا يۈرەككە ياققىدەك تېما يوللاپسىز، سىزگە كۆپ رەھمەت. داۋاملىق يوللاپ تۇرغايسىز.

GhostUY

بۇ سازنىڭ مەشغۇلاتى بەك كۆپ، ئادەمنى قايماقتۇرۇپ قويىدىكەن، كۆپرەك تەلىم بەرگەيسىز.