شىنجاڭ تورى خەۋىرى لەگلەك تورى تەرجىمىسى

شىنجاڭ تورى ( ئالاھىدە ئەۋەتىلگەن مۇخبىر سوڭ جىيەنخۇا خەۋىرى). « ئۈرۈمچى شەھەرلىك 5-باشلانغۇچ پۈتۈن مەملىكەتتە نامى بار پۇتبول مەكتىپى. ئەمەلىيەتتە پۇتبولدا پۈتۈن شىنجاڭدىكى ياش ئۆسمۈرلەرنىڭ ئالاھىدە ئاساسى بار. مەن دۆلەتنىڭ شىنجاڭ تەنتەربىيىسى جەھەتتە كۈچەپ شىنجاڭنىڭ ياش ئۆسمۈرلەرنى تەربىيىلەپ تېخىمۇ كۆپ ئۈرۈمچى شەھەرلىك 5-باشلانغۇچ مەكتەپ پۇتبول كوماندىسىدەك كوماندىلارنىڭ ۋۇجۇدقا چىقىشى ئۈچۈن كۈچ چىقىرىشىنى ئۈمىد قىلىمەن.» مەملىكەتلىك خەلق قۇرۇلتىيى ۋەكىلى خالىدە ئابدۇقادىر 3-ئاينىڭ 12-كۈنى مۇشۇنداق دەيدۇ.

خالىدە ئابدۇقادىر مۇنداق دەيدۇ: « تەكشۈرۈش جەريانىدا مەن پۈتۈن شىنجاڭدىكى بالىلارنىڭ پۇتبولغا ئالاھىدە قىزىقىدىغانلىقىنى بايقىدىم. بەزى بالىلار قۇملۇقتا، بەزى بالىلار بوز يەردە توپ تېپىدىكەن. ئۇلار پەقەت پۇتبول بولسىلا بىز شۇنىڭغا خۇشال بولىمىز دەيدۇ، مەن بۇنىڭدىن بەك تەسىرلەندىم.»

شىنجاڭنىڭ ناھايىتى ياخشى پۇتبول تەرەققىيات كەلگۈسى بارلىقى توغرىسىدا خالىدە ئابدۇقادىر دۆلەتنىڭ شىنجاڭنىڭ پۇتبول تەنھەرىكىتىنى تەرەققىي قىلدۇرىشىنى چوڭ كۈچ بىلەن قوللىشىنى ۋە پەقەتلا جەنۇبى شىنجاڭدىكى مەكتەپلەرنىڭلا پۇتبول مەيدانى قاتارلىق ئەسلىھەلىرىنى قوللاشتىن سىرت يەنە شارائىتى يار بېرىدىغان مەھەللىلەردە ۋە كەنتلەردە كىچىك تىپتىكى پۇتبول مەيدانى قۇرۇپ بالىلارنىڭ ئۆز ئائىلىسى ئەتراپىدا پۇتبول تېپەلەيدىغان ھالەتكە يەتكۈزۈشى توغۇرلۇق تەكلىپ بەردى. خالىدە ئابدۇقادىر مۇنداق دەيدۇ: « ھازىر شىنجاڭدا پۇتبول ئوقۇتقۇچىلىرى كەمچىل، دۆلەتلىك تەنتەربىيە ئىدارىسىنىڭ شىنجاڭنىڭ بىرلىككە كەلگەن پۇتبول ئوقۇتقۇچىلىرىنى تاللاش، تەربىيىلەش بىر گەۋدە قىلىنغان تارماقلارنى قۇرۇشىنى ئۈمىد قىلىمەن. ئۇنىڭدىن باشقا يەنە ياش ئۆسمۈرلەر پۇتبولچىلىقىنى مەخسۇس باشقۇرۇش ئورنى قۇرۇپ ھەر يىلى ھەر قايسى مەكتەپلەردە ھەرخىل يىللىق دەرىجىلىك مۇسابىقىلەرنى ئۆتكۈزۈپ ، تالانت ئىگىلىرىنى بايقاپ ۋە تالانت ئېگىلىرىنى تاللاش ئارقىلىق پۇتبول كوماندىسى قۇرۇپ بىر تۈرلۈك ئەلا بولغان پۇتبول ئەزىمەتلىرىنى تەربىيىلەپ چىقىشىنى ئۈمىد قىلىمەن.»

مەملىكەتلىك خەلق قۇرۇلتىيى ۋەكىلى لىيۇ شىنشېڭ بولسا « كەسپىي » پۇتبول مەستانىسى. ئۇ دۆلەتنىڭ شىنجاڭنىڭ ئەھۋالىنى چىقىش قىلىپ تۇرۇپ شىنجاڭدىكى تالانت ئىگىلىرىنى بايقاپ جۇڭگۇنىڭ كەلگۈسى پۇتبولچىلىقىغا ئۇل سېلىش توغرىسىدا تەكلىپ بەردى.