رېيتىر ئاگېنتلىقى 7-مارت خەۋىرى؛ لەگلەك تورى تەرجىمىسى: مالىينىڭ پايتەختى باماكودىكى بىر رېستۇران قۇراللىق ھۇجۇمغا ئۇچراپ، 5 كىشى ئۆلدى. سەككىز كىشى يارىلاندى. بۇ ھۇجۇمدا مىلتىق ۋە قول بومبىسى ئىشلىتىلگەن.

مالىينىڭ پايتەختى باماكودىكى چەتئەللىكلەر تەرىپىدىن ياخشى كۆرىلىدىغان La Terrasse رېستۇرانىدا يېرىم كىچىدە يۈز بەرگەن  ھۇجۇم قىلىش ۋەقەسىدە بىر فرانسىيەلىك ۋە ئىككى مالىي پۇقراسىنىڭ ئۆلتۈرۈلگەنلىكى بىلدۈرۈلدى. ھۇجۇم قىلغۇچىلارنىڭ  رېستۇران ئەتراپىدا بىر بېلجىكىلىقنى ۋە ساقچى ماشىنا شوپۇرىنى ئۆلتۈرگەنلىكى ئېنىقلاندى.

ساقچى دائىرلىرىدىن فالايە كانتە، «نىقاب تاقىغان قۇراللىق ئىككى كىشىنىڭ بىرى La Terrasse رېستۇرانىغا كىرىپ ئوق چىقاردى، كېيىن يەنە بىر كىشى ساقلاپ تۇرغان ماشىنىغا چىقىپ كەتتى. مەزكۇر نوقتىدىن يىراقلاشقاندا ئۆيى ئالدىدا تۇرىۋاتقان بېلجىكىلىق بىر كىشىگە ئوق چىقاردى ۋە ئۇنى ئۆلتۈردى. كېيىن بىر ساقچى ماشىنىسىغا قول بومبىسى تاشلاپ شوپۇرنى ئۆلتۈردى» دېدى.

ھۇجۇم قىلغۇچىلارنىڭ ۋەقە يۈز بەرگەن جايدىن قاچقانلىقى، بىراق ۋەقەگە ئالاقىدار دەپ گۇمان قىلىنغان ئىككى كىشىنىڭ تۇتۇلغانلىقى ئېلان قىلىندى.

ۋەقەگە ئالاقىدار بايانات ئېلان قىلغان فرانسىيە پرېزىدېنتى ھوللاندى، بۇ ھۇجۇمنى «قورقۇنچلۇق» دەپ سۈپەتلىدى. فرانسىيە تاشقى ئىشلار مىنستىرى فابىيۇس بولسا بۇ ھۇجۇمنىڭ «تېرورغا قارشى كۈرەش ئۈچۈن» فرانسىيەنىڭ قارارىنى تېخىمۇ كۈچەيتتى دېدى. 

مالىينىڭ شىمالى 2012-يىلى يانۋاردا ھۆكۈمەت كۈچلىرى ۋە ئىسيانچىلار ئارىسىدا يۈز بەرگەن تۇقۇنۇشلاردىن كېيىن قۇراللىق گۇرۇپپىلار تەرىپىدىن ئىشغال قىلىنغان ئىدى. بۇ تۇقۇنۇشلار يۈز مىڭلىغان كىشىنىڭ قوزغىلىشىغا سەۋەب بولغان، مالىي ھۆكۈمىتى فرانسىيەدىن ھەربىي ياردەم تەلەپ قىلغان ئىدى.

فرانسىيە 2013-يىلى يانۋاردا مالىيغا ھەربىي ھەرىكەت قوزغىغان ئىدى. فرانسىيەنىڭ مالىيدا ھازىرمۇ 3 مىڭ ئەسكىرى بار.

فرانسىيە يادرو ئىنىرگىيسى ئۈچۈن ئىھتىياجلىق بولغان ئۇران زاپىسىنىڭ مۇھىم بىر قىسمىغا مالىينىڭ شىمالىدىى كىدا ۋىلايىتى ۋە قوشنا نىگىرىيەدە ئېرىشتى. فرانسىيە ئىشلىتىۋاتقان ئىلىكتىر ئىنىرگىيسىنىڭ يۈدە 78% نى يادور ئېنىرگىيسىىدىن ئىشلەپ چىقىرىدۇ.

مالى ھۆكۈمىتى ئۆتكەن ھەپتە دۆلەتنىڭ شىمالىدا ئالتە قۇراللىق گۇرۇپ بىلەن تىنچلىق كېلىشىمى ئۆتكۈزگەن ئىدى. ئىسيانچىلار ئىتتىپاقى بولسا كېلىشىم ھەققىدە ئويلىنىش ئۈچۈن بىر ئاز ۋاقىت تەلەپ قىلغان ئىدى. بىرلەشكەن دۆلەتلەر تەشكلاتى باش كاتىبى بان كىمۇن جۈمە كۈنى ئىسيانچىلار ئىتتىپاقىغا تىنچلىق كېلىشىمى ئىمزالاشقا چاقىرىق قىلغان ئىدى.