سۇمۇرۇغ تورى خەۋىرى لەگلەك تورى تەرجىمىسى.ئامېرىكا ئالىملىرى يېقىندا ئەيدىز كېسىلىگە تاقابىل تۇرۇش جەھەتتە ئەڭ يېڭى ئىلگىرىلەشكە ئېرىشكەنلىكىنى ئېلان قىلدى .دەسلەپكى تەتقىقاتتىن مەلۇم بولۇشىچە ،بىر تۈرلۈك گېن بىلەن داۋالايدىغان يېڭىچە دورا ئەيدىز ۋىروسىدىن كېلىپ چىقىدىغان تۈرلۈك يۇقۇملىنىشلارنى داۋالىيالايدىكەن .مۇتەخەسسىسلەر بۇ دورىنىڭ بارلىققا كېلىشى ئەيدىز ۋاكسىنىسى ئىشلىتىۋاتقانلارغا ئۈمىت ئېلپ كېلىدىغانلىقىنى ئېيتتى .
ئەيدىز ۋاكسىنىسىنى ئىشلەپچىقىرىش ھەر قايسى دۆلەتلەرگە نىسبەتەن ناھايىتى مۇھىم ۋەزىپە ۋە زور خىرىسى .ئەيدىز ۋىرۇسى بايقالغىنىغا 30 نەچچە يىل بولغان بولسىمۇ ،ئەمما ئۇ توختىماي ئۆزگىرىپ تۇرغاچقا ،ھازىرغا قەدەر ئۇنىڭغا قارىتا ئۈنۈملۈك ۋاكسىنا بارلىققا كەلمىدى .ئىلگىركى ۋاكسىنىلار پەقەت ئەملەش ئارقىلىق بەدەننىڭ ئىمونىت كۈچىنى ئاشۇرۇش ئۈنۈمىگە ئېرىشىپ كەلگەن ئىدى . بۇ قېتىم تەتقىق قىلىپ ياسالغان دورا بىلەن ئەيدىز ۋىروسىدىن قوغدىنىش ئۈنۈمگە ئېرىشكىلى بولىدۇ . تەتقىقاتچىلارنىڭ >تەبىئەت ژۇرنىلى <دا ئېلان قىلغان ماقالىسىدا مۇنداق دېيىلدى :>ئەيدىز ۋىرۇسى ئىمونىتلىق ھۈجەيرە يۈزىدىكى س د 4 قۇبۇل قىلغۇچى تەنچە ۋە س س ر 5 قۇبۇل قىلغۇچى تەنچە ئارقىلىق بەدەنگە سىڭىپ كىرىدۇ ،تەتقىق قىلىپ ياسالغان بۇ يېڭى دورا ئادەم بەدىنىدىكى بۇ ئىككى خىل قۇبۇل قىلغۇچى تەنچىنى توسىيدىغان توساق قىلىپ ،ئەيدىز ۋىرۇسى بىلەن بىرىكىپ ۋىرۇسنى نېيتراللاشتۇرۇش ئارقىلىق كۈچىنى يوقىتىدۇ .
تەجرىبىدىن مەلۇم بولۇشىچە بۇ خىل دورا ئىنسانلاردىكى بىر ۋە ئىككى تىپلىق ئەيدىز ۋىرۇسنىڭ تۈرلۈك ھالەتلىرىدىن يۇقۇملىنىشنى توسىدىكەن .ئۇنىڭ ئۈنۈملۈكلىكى ھازىرقى ئۈنۈمى ۋ ئەڭ ياخشى بۇلۇۋاتقان ۋە ئەڭ كۇپ ئومۇملىشىۋاتقان ئەيدىزگە قارشى ۋاكسىنىدىن يۇقىرى ئىكەن .
لەگلەك تورى ئۈندىدار سالونىنى قۇشىۋېلىڭ ،ئىزدەش نومۇرى :LEGLEK