كۆزەتكۈچى تورى خەۋىرى: لەگلەك تورى تەرجىمىسى،1.سىنتەبىر چۈشتىن بۇرۇن، يۈننەن ئۆلكىسى 10.نۆۋەتلىك مىيىپلار تەنھەرىكەت مۇسابىقىسى ئاياللار 100 مىتىرغا پاقىچىلاپ ئۈزۈش ھەل قىلغۇچ مۇسابىقىسى باشلاندى. پۈشتەك ئاۋازى بىلەن تەڭ 6.مۇسابىقە يولىدىكى S6 دەرىجىلىك چىيەنخوڭيەن ۋە باشقا ئىككى نەپەر SB5 دەرىجىدىكى 100 مىتىرغا پاقىچىلاپ ئۈچۈش ماھىرى سۇغا شۇڭغۇدى (ئىزاھات: SB5 ۋە S6 دەرىجە دېگىنىمىز سۇ ئۈزۈش مۇسابىقىسىگە قاتناشقان ماھىرلارنىڭ مىيىپلىق دەرىجىسى بولۇپ، پاقىچىلاپ ئۈزۈش SB1 دىن SB9 غىچە توققۇز دەرىجىگە، باشقا ئۈزۈش تۈرلىدىن ئەركىن ئۈزۈش، كېپىنەكچىلاپ ئۈزۈش، يېتىپ تۇرۇپ ئۈزۈش قاتارلىقلار S1 دىن S10 غىچە جەمئىي 10 دەرىجە بولىدۇ).

چىيەنخوڭيەننىڭ يەنە بىر ئىسمى بولۇپ، ۋاسكىتبول قىزدۇر. بۇ نامنىڭ كېلىپ چىقىش تارىخىنى 2000.يىلى 10.ئايدىكى بىر قېتىملىق قاتناش ۋەقەسىدىن سۈرۈشتۈرۈشكە توغرا كېلىدۇ. ئۇ قېتىملىق قاتناش ۋەقەسىدە يۈننەن ئۆلكىسى لۇلىياڭ ناھىيەسى ماجيې كەنتى ئۈستۈنكى يېزىسىدىكى 4 ياشلىق قىز چىيەنخوڭيەننى ماشىنا ئاستىغا ئېلىپ كىرىپ ئۇنىڭ داس سۆڭىكىنىڭ ئاستى قىسمىنىڭ پۈتۈنلەي ئۈزۈلۈپ كېتىشى بىلەن، ئۇ بىر مىيىپ بالا بولۇپ قالدى. چوڭ دادىسى ۋاسكىتبولنىڭ ئازراق يېرىنى كېسىپ ئېلىۋېتىپ ئۇنىڭ بەدىنىنىڭ ئاستى قىسمىغا قاپلاپ قويدى، يول ماڭغاندا، ئۇ ۋاسكىتبولغا تايىنىپ تۇرۇپ بىر جۈپ كىچىك قوللىرى بىلەن ئالاھىيدە ياسالغان ياغاچ تاختا ئارقىلىق بىر قەدەم، بىر قەدەمدىن بەدىنىنى يۆتكەيتتى. شۇڭا كۆپچىلىك ئۇنى ۋاسكىتبول قىز دەپ چاقىرىدىغان بولدى.

2007.يىلى جەمئىيەتتىكى ھەرساھە كىشىلىرىنىڭ غەمخورلۇقىدا ئۇ بېيجىڭدىكى ساغلاملىقنى ئەسلىگە كەلتۈرۈشنى ئاخىرلاشتۇرۇپ يۈننەنگە قايتىپ كەلدى، ھەمدە ياش-ئۆسمۈرلەر سۇ ئۈزۈش كۇلۇبىغا تاللىنىپ، تۇنجى تۈركۈمدىكى كوماندا ئەزاسى بولۇپ قالدى. چىيەنخوڭيەن ئالدىنقى قېتىملىق يۈننەن مېيىپلار تەنھەرىكەت مۇسابىقىسىدە 3 دانە ئالتۇن مېدالغا ئېرىشكەن، 2009.يىلى مەملىكەتلىك 18 ياشتىن تۆۋەن مىيىپلار سۇ ئۈزۈش مۇسابىقىسىدە 1 ئالتۇن مېدال ۋە 2 كۈمۈش مېدالغا، 2010.يىلى جېجياڭ شاۋشىڭدا ئۆتكۈزۈلگەن مەملىكەتلىك مىيىپلار سۇ ئۈزۈش مۇسابىقىسىدە 3 دانە كۈمۈش مېدالغا ئېرىشتى.