قارامايدىن ئۈرۈمچىگە قاتنايدىغان ئۇزۇن يوللۇق يولۇچىلار ئاپتوبۇسىنىڭ بېلەت باھاسى 6-دېكابىردىن باشلاپ 85 يۈەنگە تەڭشەلدى . ئىلگىرىكى بىر بېلەت 112 يۈەنلىك باھاغا سېلىشتۇرغاندا ، چۈشۈش نىسبىتى %24 ئەتراپىدا بولدى .

تونۇشتۇرۇلۇشىچە ، قاراماي-ئۈرۈمچى لىنىيەسىنىڭ توشۇش ۋەزىپىسىنى نۆۋەتتە جېئەن يولۇچى توشۇش شىركىتى ، دېلىشى يولۇچى توشۇش شىركىتى ، خاۋتيەن يولۇچى توشۇش شىركىتى قاتارلىق ئۈچ شىركەت ئۆز ئۈستىگە ئالغان بولۇپ ، بۇ لىنىيەگە چوڭ تىپتىكى ئاپتوبۇسلار سەپلەنگەن .

جېئەن يولۇچى توشۇش شىركىتىنىڭ مۇئاۋىن دىرېكتورى جاۋ ۋەنشيەننىڭ بىلدۈرۈشىچە ، گەرچە ئاپتوبۇسنىڭ بېلەت باھاسى چۈشكەن بولسىمۇ، لېكىن سۈپەت ۋە مۇلازىمەت يەنىلا تولۇق كاپالەتكە ئىگە بولۇپ ، ئاممىغا قۇلايلىقلىق يارىتىلغان .