▲ ساياھەتكە چىققاندا پاشا، كۇمۇتا، ھەرە قاتارلىق قۇرت - قوڭغۇزلار چېقىۋېلىپ بىئارام بولغاندا، چىش پاستىسىنى شۇ ئورۇنغا سۈركىسىڭىز، قىچىشىشنى توختىتىپ، ئاغرىقنى پەسەيتىش رولىنى ئوينايدۇ.

   ▲ چىش پاستىسىنى ۋاقىتلىق جىددىي قۇتقۇزۇش دورىسى قىلىشقا بولىدۇ. مەسىلەن: سىرتلارغا چىققاندا ئېھتىياتسىزلىقتىن تېرىڭىز سۈرۈلۈپ كەتسە، جاراھەتلەنگەن جايغا چىش پاستىسى چاپسىڭىز ياللۇغ قايتۇرۇش، قاننى توختىتىش رولىنى ئوينايدۇ.

   ▲ بېشىڭىز ئاغرىسا، بېشىڭىز قايسا چېكىڭىزگە ئازراق چىش پاستىسى سۈرتۈۋالسىڭىز ئاغرىقنى پەسەيتىدۇ.

   ▲ ھاۋانىڭ ئىسسىپ كېتىشى تۈپەيلى بەدىنىڭىزگە ئىسسىقلىق ئۆرلەپ قالغاندا، چىش پاستىسىنى ئىسسىقلىق ئۆرلىگەن جايغا سۈركەپ، بىرئازدىن كېيىن يۇيۇۋېتىپ، ئۇدا بىر قانچە قېتىم داۋاملاشتۇرسىڭىز قىچىشىشنى توختىتىدۇ ھەم ئىسسىقلىقنى ساقايتىدۇ.

   ▲ قىش پەسلىدە پۇت - قول سوغۇقتىن ئۈششۈپ قالغاندا، ئۈششىگەن تېرىنى سويۇۋەتمەي تۇرۇپ، لاتىغا ئازراق چىش پاستىسىنى سىقىپ ئۈششۈكتىن قىزارغان جايغا سۈركەپ بەرسە ئۈنۈمى ياخشى بولىدۇ.

   ▲ كۆيۈپ قالغان ئورۇنغا ئازراق چىش پاستىسى چاپسا ياللۇغنى قايتۇرۇپ، ئاغرىقنى پەسەيتىدۇ.

   ▲ قولچىراغنى ئۇزاق ئىشلەتكەندە قولچىراغنىڭ نۇر قايتۇرۇش ئەينىكى قارىداپ، نۇرى ئاجىزلاپ ياخشى يانمايدۇ. بۇنداق چاغدا قۇم قەغەزگە ئازراق چىش پاستىسى سىقىپ يەڭگىل سۈرتۈۋەتسە يورۇقى ئەسلىدىكىدەك بولىدۇ.

   ▲ سۇ جۈمىكىگە سۇ دۇغلىرى ئورناپ سۇ راۋان چۈشمەس بولۇپ قالسا، چىش پاستىسى بىلەن يۇيۇپ بەرسە، سۇ دۇغلىرىنى تازىلىغىلى بولىدۇ.

   ▲ دەزمالنىڭ ئاستى داتلىشىپ قالغاندا، چىش پاستىسىنى لاتا بىلەن سۈرتۈپ بەرسە دات ئۆزلۈكىدىن يوقايدۇ.

   ▲ كۈمۈش بۇيۇملارنى ئۇزاققىچە ئىشلەتمەي قويۇپ قويسا، ئۇنىڭ يۈزى ئوكسىدلىنىپ داتلىشىپ قالىدۇ، بۇنداق ئەھۋالدا چىش پاستىسى بىلەن سۈرتۈپ بەرسە ئەسلىدىكىدەك پارقىراق ھالىتىگە كېلىدۇ.

   ▲ بېلىق يۇيغاندىن كېيىن قولنى ئاۋۋال سوپۇن بىلەن يۇيۇپ، ئاندىن ئازراق چىش پاستىسى بىلەن يۇيۇۋەتكەندە قولدىكى غەيرىي پۇراق يوقايدۇ.

   ▲ قول سائىتىنىڭ يۈزىدە داغ، سىزىقچىلار پەيدا بولۇپ قالسا، چىش پاستىسىنى سىقىپ، يۇمشاق لاتا بىلەن سۈرتۈپ بەرسە، داغ ۋە سىزىقچىلار يوقايدۇ.

   ▲ ئائىلىدە كىچىك بالىلار رەڭلىك موم قەلەم بىلەن پول، تام، كىرېسلولارنى بويىۋەتكەن ھۆل لاتىغا ئازراق چىش پاستىسى سىقىپ سۈرتۈۋەتسە، ئەسلىي ھالەتكە كېلىدۇ.

   ▲ يازدا كۆپ تەرلىگەچكە ياقا، يەڭ ئۇچى قاتارلىق جايلاردىكى تەر داغلىرى ئوڭاي چىقمايدۇ. بۇنداق چاغدا شۇ جايغا ئازراق چىش پاستىسى سۈركەپ ئۇۋۇلاپ يۇيسا تەر داغلىرىنى چىقىرىۋەتكىلى بولىدۇ.

   ▲ چاقچۇق بۇيۇم ۋە ئىستاكانلاردىكى چاي داغلىرى، قەھۋە داغلىرى بار جايغا ئازراق چىش پاستىسى سۈركەپ قايتا - قايتا يۇيسا ئىستاكان، چاقچۇق بۇيۇملار ئۆز ھالىتىگە كېلىدۇ.