جاھان ئاگېنتلىقى 22-فېۋرال خەۋىرى؛لەگلەك تورى تەرجىمىسى: مىسىر باش تەپتىش ئىدارىسىنىڭ «مۇسۇلمان قېرىنداشلار تەشكىلاتى»غا تەۋە ئىكەنلىكى سەۋەبلىك 215 كىشىنى سوت مەھكىمىسىگە يۆتكىگەنلىكى ئېنىقلاندى. مىسىر باش تەپتىشى ھىشام بەرەكەت ئېلان قىلغان يازما باياناتىدا؛«مۇسۇلمان قېرىنداشلار تېرور تەشكىلاتى ئەزاسى بولغان 215 كىشىنىڭ مەھكىمىگە يۆتكىلىشىگە قارار بېرىلدى، ئۇلارنىڭ ئارىسىدا 100 نەپەر قاچقۇن بار » دەپ ئىپادە بىلدۈردى.

باياناتتا يۇقارقى كىشىلەرگە ئالاقىدار باشقا مەلۇمات بېرىلمىگەن بولۇپ، مۇسۇلمان قېرىنداشلار تەشكىلاتىنىڭ ھاكىمىيەتنى يېقىتىش ئۈچۈن قاھىرە ۋە جىيزە رايۇنىدا مەخسۇس ئورۇن تەشكىللەپ، دۆلەت دائىرلىرى بىلەن خىزمەتچىلەرنى نىشان قىلىدىغان قۇراللىق گۇرۇپپا شەكىللەندۈرگەنلىكى ھەققىدە مەلۇمات بېرىلدى. 2014-يىلى ئاۋغۇست ئېيىدا ئېلان قىلىنغان بىر سىن كۆرۈنۈشىدە نىقابلانغان ۋە قۇراللىق بىر كىشى «ئۆزىنىڭ مۇسۇلمان قېرىنداشلار تەشكىلاتىغا تەۋە ئەمەسلىكىنى» تىلغا ئالغان ئىدى. مەزكۇر كىشى مۇسۇلمان قېرىنداشلار تەشكىلاتىنىڭ ئۆزىنىڭ ھەرىكەتلىرىنى ئەيىپلىگەنلىكىنى ۋە مۇسۇلمان قېرىنداشلار تەشكىلاتىنىڭ تىنچ نامايىشلىرىدىن زېرىككەنلىكنى تىلغا ئالغان ئىدى.