خەۋىرى : 13-فېۋرال ياغقان قېلىن قار ئۈرۈمچىدىكى ھەر قايسى قار تېيىلىش مەيدانلىرىنىڭ مەسئۇللىرىنى خاتىرجەم قىلدى، چۈنكى بىر نەچچە كۈندىن بۇيان ئېرىپ كەتكەن قار تېيىلىش يوللىرىنىڭ ئۈستىنى قېلىن قار قاپلىغانىدى. 14-فېۋرال ئەتىگەن سائەت 10:00 دا يىپەك يولى خەلقئارا ئىستىراھەت رايونىنىڭ مۇلازىمەت پوكىيى تىجارەت باشلىماي تۇرۇپ، كۈتۈۋېلىش زالى قار تېيىلىش ھەۋەسكارلىرى بىلەن تولۇپ كەتتى.

مۇخبىرنىڭ ئىگىلىشىچە، ئۈرۈمچى ناھىيەسىدىكى بىر نەچچە قار تېيىلىش مەيدانلىرىدىكى قارنىڭ قېلىنلىقى 50 سانتىمېتىرغا يەتكەن.
ئىگىلىنىشىچە، 14-فېۋرال ئۈرۈمچى قار لەيلىسى گولف توپ كېچىلىك قار تېيىلىش مەيدانى ، ۋىستې خەلقئارا قار تېيىلىش مەيدانى، ئاق بۇلۇت خەلقئارا قار تېيىلىش مەيدانى، يىپەك يولى خەلقئارا ئىستىراھەت رايونى جەمئىي 10 مىڭغا يېقىن ساياھەتچىنى كۈتۈۋالغان.

نۆۋەتتە، ئۈرۈمچىدىكى ھەر قايسى قار تېيىلىش مەيدانلىرى قىش پەسلىنىڭ ئاخىرقى مەزگىلىگە قەدەم قويغان بولۇپ، ھەر يىلدىكى ئادەت بويىچە ، قار پەسلى 3-ئاينىڭ ئاخىرى ئاياغلىشىدىكەن، شۇڭا شەھەر ئاھالىلىرى ۋاقىتنى چىڭ تۇتۇپ قار تېيىلىپ ئويناپ كەلسە بولىدىكەن.