چەت ئەل تاراتقۇلىرىنىڭ 24-سېنتەبىردىكى خەۋىرىگە قارىغاندا ، ئامېرىكىدىكى بىر سەككىز ياشلىق ئوغۇل بالا ئېكران ئالدىدا ھەرخىل ئويۇنچۇقلارنى ئويناپ ، باھا بېرىش ئارقىلىق ، بىمالال ھالدا يىلىغا 1 مىليون 300 مىڭ ئامېرىكا دوللىرى تاپاۋەت قىلىدىكەن .

ئېۋان ئىسىملىك بۇ ئوغۇل بالىنىڭ ۋىدېئو تورى YouTube دا ئۆزىنىڭ مەخسۇس قانىلى بار بولۇپ ، ئېۋان بۇ قانالدا ھەر خىل ئويۇنچۇقلار ۋە ئويۇنلارغا باھا بېرىدىكەن . دەسلىپىدە بۇ پەقەت ئېۋان بىلەن دادىسىنىڭ كۆڭۈل ئېچىش ئۈچۈن ئوينالغان كىچىك ئويۇنى بولۇپ ، ئۇلار ئۇيۇن ‹‹ غەزەپلەنگەن قۇچقاچ ›› تىكى پېرسوناژلارغا تەقلىد قىلىپ ياسالغان لاي مودېلىدىن پايدىلىنىپ كارتون فىلىمى ئىشلەپ ، ۋىدېئو تورى YouTube غا چىقارغان ، كېيىنچە بۇ كارتون فىلىم تەخمىنەن بىر ئايدا بىر سان چىقىرىلغان ، ئوماق ئېۋان شۇ سەۋەبتىن كەڭ تورداشلارنىڭ ياقتۇرۇشىغا ئېرىشكەن . ۋىدېئونىڭ چىكىلىش نىسبىتىمۇ تېز سۈرەتتە ئاشقان .

چىكىلىش نىسبىتى بىر مىليونغا يەتكەندە ، ئېۋاننىڭ دادىسى جېرىد بۇنىڭ ئىچىگە يۇشۇرۇلغان زور تىجارەت پۇرسىتىنى ھېس قىلىپ ، تېزدىن بۇ قانالنى سودا ئەندېزسى بويىچە ئىشقا كىرىشتۈرگەن . شۇنىڭ بىلەن ئېۋاننىڭ يىللىق كىرىمى 1مىليون 300 مىڭ ئامېرىكا دوللىرى (تەخمىنەن 7 مىليون 900 مىڭ يۈەن خەلق پۇلى ) غا يەتكەن . ئېۋانىڭ سىڭلىسىنىڭ بۇ قانالغا ئەزا بولۇپ قوشۇلۇشى قانالنىڭ مەستانىلىرىنى تېخىمۇ ئاشۇرۇۋەتكەن . ئىگىلىنىشىچە ، نۆۋەتتە ، بۇ قانالنىڭ مەخسۇس سېتىش قوشۇنى بار بولۇپ ، قانالدىكى ئېلان ۋە ماركىلارنىڭ سېتىلىشىغا ، سودىگەرلەر بىلەن سۆھبەتلىشىشكە مەسئۇل ئىكەن . جېرىدنىڭ ئېيتىشىچە ، كۆپۈنچە كىرىم ئاساسەن ۋىدېئو ئارىسىغا قىستۇرۇلغان ئېلاندىن كېلىدىكەن . كىرىمنىڭ ھەممىسى ئېۋان ۋە ئۇنىڭ سىڭلىسىنىڭ مەبلەغ سېلىش ئامانەت ھېساباتىغا قويۇلىدىكەن .