كامېرىنو ئۇنۋېرسىتى (UniversitàdegliStudi di Camerino ) ئىتاليەدىكى تارىخى ئەڭ ئۇزۇن ئۇنۋېرسىتلارنىڭ بىرى بولۇپ، تەبئي پەن تۈرلىرى بويىچە ئىتاليەدە ئالدىنقى قاتاردا تۇرىدۇ. كامېرىنو ئۇنۋېرسىتى يېقىنقى يىللاردىن بېرى بىر قانچە ماگىسترلىق پروگراممىسىنى ئىنگلىزچە ئوقۇتۇشنى يولغا قويغان بولۇپ ، ھەر يىلى بۇ پروگراممىلارغا خەلقئارالىق ئوقۇغۇچىلارنى قوبۇل قىلىۋاتىدۇ.
فىزىكا فاكۇلتىتىگەرچە كۆلىمى بەك چوڭ بولمىسىمۇ، نوقتىلىق ساھەلەردە، مەسىلەن: قاتتىق جىسىمنەزەرىيەسى X ,-نۇرى سپەكتراسى، قېتىشماھالەت فىزىكىسى، ماتېرىيال فىزىكىسى ، كىۋانتۇم ئوپتىكىسى قاتارلىق گۇرۇپپىلارخەلقئارادا ئالدىنقى قاتاردا تۇرىدۇ. ھازىرغىچە ئوقۇش پۈتتۈرگەن ئوقۇغۇچىلارھەرقايسى دۆلەتلەردە ئۆزلىرىنىڭ دوكتۇرلۇق ئوقۇشىنى داۋاملاشتۇرۋاتماقتا.
فىزىكافاكۇلتىتىنىڭ تور بەت ئادىرىسى:

http://d7.unicam.it/fisica

ئوقۇش ئىككى يىللىق بولۇپ،ئەھۋالغا ئاساسەن بىر يىل ئۇزارتىشقا بولىدۇ. فىزىكا فاكۇلتىتىنىڭ ماگىستىرلىق پروگراممىسىغا قوبۇل قىلىنغان ھەرقانداق ئوقۇغۇچىئېراسمۇس(Erasmus)پىلانى ئىچىدە بولۇپ، پولشا ،ئەنگىليە قاتارلىق دۆلەتلەردىكى داڭلىق ئۇنۋېرسىتلاردا ئوقۇش ۋە تەتقىقات بىلەن شوغۇللىنالايدۇ. ئوقۇغۇچىلار ئىككى ئۇنۋېرسىتتا بىريىلدىن ئوقۇسا بولىدۇ، ئاخىرىدا ھەر ئىككى ئۇنۋېرسىتتىن ماگىستىرلىق ئۇنۋانى ئالالايدۇ.

ئەگەر سىز بۇ ئوقۇشقا قوبۇل قىلىنىپ كامېرىنو ئۇنۋېرسىتىدا ئوقۇپ قالسىڭىز تۆۋەندىكى بىر قانچە پايدىلىق شارائىتلاردىن بەھرىمان بولالايسىز:

1.ئىقتىسادى جەھەتتىن كامېرىنو ئۇنىۋېرسىتىدا ھەر يىلى نەتىجىسى ياخشى، ئىقتىسادى قىيىنچىلىقى بار ئوقۇغۇچىلارغا بېرىلدىغان ئوقۇش مۇكاپاتى (Borsa di Studio) بار بولۇپ ئۇيغۇر ئوقۇغۇچىلار ئىقتىسادى ئەھۋالىغا ئاساسەن بۇ مۇكاپاتقا ئىلتىماس قىلسا بولىدۇ.ئەگەر بۇ مۇكاپاتقا ئېرىشەلىسىڭىزبىر يىللىق (ئىككى ئايلىق يازلىق تەتىلنى ئوز ئىچىگە ئالمايدۇ) ھەقسىز ياتاق،تاماق بىلەن تەمىنلىنىدۇ. ئائىلە ئىقتىسادىدا ئالاھىدە قىيىنچىلىقى بارئوقۇغۇچىلار ھەر يىلى 1800 ياۋرو ئەتراپىدا مۇكاپات پۇلىنى ئېلىش ئىمكانىيتى بار.بۇ مۇكاپات بىلەن ھىچقانچە قىينالماي ئوقۇيالايسىز. بۇ مۇكاپاتنى ئوقۇشقاكىرگەندىن باشلاپ ئىلتىماس قىلىشقا بولىدۇ. ئۇندىن باشقا ئەلاچى ئوقۇغۇچىلارمۇكاپاتى(Grant for excellent students) دېگەن يەنە بىر مۇكاپات تۈرى بار بولۇپ يۇقارقى ئوقۇش(Borsa di Studio) مۇكاپاتىغا ئېرىشەلمىگەن، ئەمما نەتىجىسى ياخشى ئوقۇغۇچىلاربۇ مۇكاپاتتىن بەھرىمان بولالايدۇ. ئۇنىڭ ئۈستىگە كامېرىنو كىچىك شەھەر بولۇپ تۇرمۇش خىراجىتى تۆۋەن، شۇڭا تەتىل مەزگىلدىمۇ سىزگە كۆپ ئىقتىسادى بېسىم بولمايدۇ.

2.ئىتالىيە تەرەققى قىلغان دۆلەت بولۇپ مائارىپى ئىلغار، ئوقۇتۇش سۈپىتى ھەم تەتقىقات شارائىتى ياخشى. سىز ئىككى يىللىق ماگستىرلىقنى ياخشى نەتىجە بىلەن پۈتتۈرسىڭىز ھەر قانداق بىر دۆلەتتىن دوكتۇرلۇق ئوقۇش پۇرسىتى تاپالايسىز.

3.ئىتالىيەگە چىقىش باشقا دۆلەتلەرگە قارىغاندا ئاسان، ئەلچىخانىدا قويۇلىدىغان تەلەپلەر يۇقىرى ئەمەس ھەم ئاساسى جەھەتتىن ۋىزا ئالالايسىز. ئۇنىڭ ئۈستىگە ئىتالىيە ياۋروپا ئىتتىپاقىغا ئەزا دۆلەت، بۇ سىزنىڭ كېيىنكى ئوقۇش ياكى تۇرمۇش پىلانلىرىڭىزغا پايدىلىق شارائىتلارنى ئېلىپ كېلىشى مۇمكىن.

قوبۇل قىلىش شەرتلىرى تۆۋەندىكىچە:

1. ئىلتىماس قىلغۇچى بۇيىل ئالى مەكتەپ تولۇق كۇرس فىزىكا كەسپىنى تاماملايدىغان ياكى تاماملىغىلى ئەڭ كۆپ بولغاندا تۆت يىل بولغان بولۇشى، فىزىكا كەسپىگە بولغان قىزىقىشى يۇقىرى بولغان بولۇشى كېرەك.
2. تولۇق كۇرس كەسپى نەتىجىلىرى ياخشى بولۇشى،بولۇپمۇ فىزىكا ۋە ماتېماتىكا كەسپى نەتىجىلىرى ئالاھىدە ياخشى بولىشى كېرەك.
3.ئىنگلىزچە ئاساسى ياخشى بولۇشى، بولۇپمۇ ئايلتىس (IELTS)ياكى توفىل (TOEFL) ئىمتاھان نەتىجىسى بولۇشى ئالاھىدە تەشەببۇس قىلىنىدۇ. (ياكى باشقا ئىنگلىزچە سەۋىيە ئىمتىھان نەتىجىلىرى ئارقىلىقئۆزىنىڭ ئىنگلىزچە دەرسلەرنى ئېلىپ كېتەلەيدىغانلىقىنى ئىسپاتلىشى كېرەك)

4. ئىلتىماس قىلغۇچى چوقۇم سەمىمىي، ساپالىق، ئوقۇش قىزغىنلىقى يۇقىرى، ئىجتىھاتچان بولۇشى كېرەك.

بۇ شەرتلەرگە توشىدىغان ۋە يۇقىرىلاپ ئوقۇش ئارزۇسى كۈچلۈك ئوقۇغۇچىلار قىسقىچە تەرجىمھال،تولۇق كۇرس نەتىجە جەدۋېلى ، باكلاۋىرلىق ئۇنۋانى ۋە پروففېسورنىڭ تونۇشتۇرۇش خېتى(چوقۇم شەرت ئەمەس) قاتارلىقلارنى تۆۋەندىكى ئىلخەتكە يوللاپ بەرسەڭلار بولىدۇ.

ئىلخەت ئادىرىسى : physicsunicam@gmail.com
ماتېرىياللارئىنگلىزچە بولۇشى ھەم PDF فورماتىدا بولۇشى شەرت.
سىزلەرگەئۇتۇق ۋە سالاملار بولسۇن...
2014-يىل1-ئاينىڭ 28-كۈنى