سىنا تورىنىڭ بېيجىڭ ۋاقتى 2-فېۋرال ئەتىگەنلىك خەۋىرىدە، مىكروسوفت، ئامازۇن، گوگول، Taboola قاتارلىق تۆت چوڭ شىركەت جىممىدە Adblock Plusنىڭ ئاچقۇچى (قۇرغۇچى) سى بولغان گېرمانىيە قۇرغۇچى Eyeo شىركىتىگە ھەق تۆلىگەن، مەقسەت Adblock Plus نىڭ ئەمدى ئۆزلىرى تەمىنلىگەن ئېلانلارنى سۈزمەسلىكىنى تەلەپ قىلىش ئىكەن. Adblock Plus بولسا نۆۋەت پۈتۈن دۇنيا مىقياسىدە ئىشلىتىش قىزغىنلىقى ئەڭ يۇقىرى بولغان توربەتلەردىكى قالايمىقان ئېلانلارنى سۈزۈش قورالى.

بۇ قېتىمقى سودىلىشىشلار نۆۋەتتە ناھايىتى مەخپىي ھالەتتە ئېلىپ بېرىلغان بولسىمۇ ‹‹ مالىيە ۋاقىت گېزىتى›› بۇ قېتىمىقى ‹‹پارا›› بېرىشنىڭ راستلىقىن جەزملەشتۈرگەن.بۇ شۇنى ئىپادىلەيدۇكى، تور ئېلانچىلىقىدىكى ئېلان سۈزۈش قورالىرى پەيدىنپەي چوڭ ماگناتلارغا نىسبەتەن تەھدىت ئېلىپ كەلگەن. نۆۋەتتە، پۈتۈن دۇنيا مىقياسىدىكى تور ئېلان بازىرىنىڭ كۆلىمى كېڭىيپ 120 مىليارد ئامېرىكا دوللىرىغا يەتكەن.

يېقىنقى بىر قانچە يىلدا Adblock Plus كىروم (Chrome) ۋە ئوت تۈلكە(firefox) قاتارلىق تور كۆرگۈلەرنى ئىشلىتىدىغان ئابۇنتلارنىڭ ئېلان سۈزۈشتە ئالدىن تاللاندىغان ھەقسىز قىستۇرمىغان ئايلانغان. بۇ قۇرالنى ئاچقان گېرمانىيە Eyeo شىركىتىنىڭ كۆرسىتىشىچە، بۇ قۇرالنى پۈتۈن دۇنيا مىقياسىدا چۈشۈرۈش ئىشلىتىش قېتىم سانى 300 مىليوندىن ئېشىپ كەتكەن ھەم دائىملىق ئابۇنت سانىمۇ 50 مىليون دىن ئېشىپ كەتكەن.

بىراق نۇرغۇن ئېلان ئارقىلىق كىرىم توپلايدىغان شىركەت - كارخانىغا نىسبەتەن Adblock Plus بىر چوڭ باش قىېتىنچىلىقى بولۇپ قالغان، بۇنداق ئېلان توسۇش قوراللىرى ئۇلارنىڭ سودا ئەندىزىسىنى بۇزىدىكەن. RTL بىلەن ProSiebenSet.1 ۋە گېرمانىيە ئىچىدىكى ۋاسىتىچىلىك گۇرۇھلىرى Eyeo شىركىتىدىن زىيان تۆلەپ بېرىشنى تەلەپ قىلغان، ھەم يەنە بەزى فىرانسىيە سودا كارخانىلىرىمۇ بۇ جەھەتتىكى تۆلەم ئىشلىرىنى ئويلىشىۋاتقان ئىكەن.

Eyeo شىركىتى ئاتالمىش ‹‹ ئاق تىزىملىك›› ئارقىلىق كىرىم قىلىدىغان بولۇپ بۇ ئاق تىزىملىك ئىچىدىكى تور بەت ئېلانلىرىنى سۈزمەيدىكەن. بۇ ئاق تىزىمىلىك كىچىك تور بېكەت ۋە بىلوگلارغا ھەقسىز ئىكەن، ئەمما بىر قىسىم چوڭ كارخانىلارغا نىسبەتەن ھەق تۆلەش ئارقىلىق بۇ تىزىملىككە قوشۇلسا بولىدىكەن. Eyeo شىركىتى ئېلان ئارقىلىق كىرىم قىلىدىغان شىركەتلەرگە پايدىلىق بولۇش ئۈچۈن ئېلان سۈزۈش قورالىغا بىر قانچە تۈرلەرنى قاتقان، ئېلانلارنى سۈزۈكلەشتۈرۈش، يازمىلار كۆپ بېكەتلەرگە نىسبەتەن ئېلان سۈزۈش قاتارلىقلار. Eyeo شىركىتى ئابۇنتلارنى Adblock Plus ئېلان سۈزۈش قورالىدىن ئۈمۈدسىزلەندۈرمەسلىك ئۈچۈن <<بارلىق ئېلاننى سۈزۈش>> قاتارلىق ئىقتىدارلارنى ساقلاپ قالغان. ئەگەر ئابۇنتلار Adblock Plus دىن رازى بولمىغان بولسا Adblock Edge ياكى باشقا قوراللارنى ئىشلىتىپ باقسا بولىدىكەن.

2014-يىل Eyeo شىركىتى بىر مۇنبەر تاختىسىغا ئېلان تورى Taboola نىڭ ئاق تىملىككە قوشۇلغانلىقىنى ئېلان قىلغان. بۇنىڭ بىلەن Taboola ئېلان مۇلازىمەت تور بېكىتى پايدىغا ئېرىشكەن.
PageFair ۋە Adobe نىڭ سانلىق مەلۇماتلىرىغا قارىغاندا، ئېلان سۈزۈش قوراللىرىنىڭ ئىشلىتىش نىسبىتى %70 گە ئۆرلىگەن. پۈتۈن دۇنيا مىقياسىدىكى ئېلان سۈزۈش قوراللىرىنى ئىشلەتكۈچى سانىمۇ تەخمىنەن144 مىليونغا يەتكەن.

PageFair بايقىشىچە، كۆپ قىسىم ئېلان سۈزۈش دېتالىرىنى ئىشلەتكەن ئابۇنتلار ئېلان شەكلى كىچىك بولغان ئېلانلارنى قوبۇل قىلالايدىكەن، ئەمما سەكرەپ چىقىۋالىدىغان چوڭ ئېلانلارنى قوبۇل قىلالمايدىكەن.تەكشۈرۈشتە 1/5 ئابۇنتنىڭ ھەق تۆلەپ تور بېكەتنىڭ ئالىي مۇلازىمىتىنى سېتىۋېلىشقا رازى ئىكەن، ئۇلارنىڭ ئاساسلىق مەقسىتى ئېلان كۆرمەسلىك ئىكەن.