پۇتبول تورى خەۋىرى لەگلەك تورى تەرجىمىسى

يېقىندا ئارسېنال كۇلۇبىنىڭ بىر دەۋر رىۋايەتلىك توپچىسى ھېنرى ئۆزىنىڭ ئارسېنال كۇلۇبىغا قايتىپ مەشقاۋۇل بولغۇسى بارلىقى ھەققىدە بىشارەت بەرگەن. ئارسېنال كۇلۇبىنىڭ باش مەشقاۋۇلى ۋىنگىر زىيارەتنى قۇبۇل قىلغاندا ھېنرىنىڭ مەشقاۋۇل بۇلۇشقا ئىقتىدارى بارلىقى ھەمدە ئۇنىڭ راستىنلا ئارسېنال كۇلۇبى قايتىپ كېلىپ مەشقاۋۇل بولۇش ئېھتىماللىقىنىڭ ناھايىتى يۇقىرى ئىكەنلىكىنى بىلدۈردى.

ۋىنگىر زىيارەتنى قۇبۇل قىلغاندا مۇنداق دېدى:« ھېنرى ئارسېنالغا قايتىپ كېلىدۇ، ھەمدە مەشقاۋۇل بۇلۇش ئېتىماللىقى بار.»

«ئۇنىڭ ئارسېنالغا ناھايىتى مەسئۇلىيەتچانلىق تۇيغۇسى بار. خۇددى زىدانى خان مادرىد كۇلۇبىغا مەسئۇلىيەتچان بولغانغا ئوخشاش. مەشقاۋۇل بولغان ئادەم كىيىم ئالماشتۇرۇش ئۆيىنىڭ كەيپىياتىنى قانداق كونترول قىلىشنى ئۈگىنىۋېلىشى كېرەك. ھەمدە بەزى كىشىلىك مۇناسىۋەتلەرنى ياخشى ھەل قىلالىشى كېرەك. ئۇنىڭدىن باشقا ئەڭ مۇھىمى، مەشقاۋۇل بولغان ئادەمدە ئۆزىنىڭ ئىرادىسى ۋە ئۆز خىيالى بۇلۇشى كېرەك.»

«ھېنرىنىڭ ناھايىتى ياخشى مەشقاۋۇل بولالىشى مۇمكىن. ئۇنىڭ ياخشى بولغان پۇتبول قابىلىيىتى بار. ئۇ پۇتبولنى بەك ياخشى كۆرىدۇ. ئۇنىڭ چۈشىنىش ئىقتىدارى ناھايىتى كۈچلۈك. ھەمدە ئۇنىڭ ياخشى بولغان كىشىلىك مۇناسىۋىتى بار. مېنىڭچە ئۇ ھەممە ياخشى خىسلەتلەرنى ھازىرلاپ بولدى. ئەلۋەتتە ، مەشقاۋۇل بولغان ئادەم بەلكىم نۇرغۇن نەرسىلەرگە قۇربانلىق بېرىشى مۇمكىن. مەشقاۋۇل بۇلۇشتىن بۇرۇن پۇتبول ئۈچۈن ھەممە نەرسىدىن ۋاز كېچەلەمدۇ يوق شۇنى ئوبدان ئويلىشىشى كېرەك.»