1-فېۋرال سائەت 9:00 دا، ئۈرۈمچى جەنۇبىي ۋوگزالىدىن قەشقەرگە قاتنايدىغان K9786 قېتىملىق يولۇچىلار پويىزى ئۇزۇن چېلىنغان گۈدۈك ئاۋازى بىلەن تەڭ ئۈرۈمچىدىن يولغا چىقتى. بۇ، شىنجاڭ تۆمۈريولى تۇرپان-كورلا 2-لىنىيەسىدە قاتناش باشلانغانلىقىدىن دېرەك بېرىدۇ.

ماناس ناھىيەسىدە ئولتۇرۇشلۇق خوۋ دىڭگو تۇرپان-كورلا 2-لىنىيەسىدە قاتناش باشلانغانلىقىنى ئاڭلاپ قىزى ۋە كۈيئوغلىنى ئېلىپ مارالبېشىغا توغقان يوقلىغىلى ماڭغان. ئۇ مۇنداق دېدى: «ئۈرۈمچىدىن قەشقەرگە بارىدىغان ۋاقىتنىڭ 50 مىنۇت قىسقارغانلىقىنى ئاڭلىغان ئىدۇق، بىراق بېلەت باھاسىنىڭمۇ چۈشكەنلىكىنى ئويلاپ باقماپتۇق، بۇ لىنىيەنىڭ ئېچىلىشى بىز پۇقرالارغا تېخىمۇ قولايلىق بوپتۇ».

تونۇشتۇرۇلۇشىچە، تۇرپان-كورلا 2-لىنىيەسى ئەسلىدە بار بولغان تەڭرىتاغنى ئايلىنىدىغان لىنىيە بىلەن ئوخشىمايدىغان بولۇپ، ئەڭ چوڭ چەكتە لىنىيە يوللىرى تۈزلەنگەن.بۇ لىنىيە ئېچىلغاندىن كېيىن تۇرپاندىن كورلىغىچە بولغان 334 كىلومېتىر ئۇزۇنلۇقتىكى يۈرۈش مۇساپىسى 123 كىلومېتىر قىسقارغان.