جاھان ئاگېنتلىقى 23-مارت خەۋىرى؛ لەگلەك تورى تەرجىمىسى: گېرمانىيەنىڭ مىيۇنخىن شەھىرىدە 8 ئايدىن بېرى داۋالىنىۋاتقان ئوممان پادىشاھى قابۇس ئىبنى سەئىد دۆلىتىگە قايتتى. ئ‍وممان دۆلەتلىك تېلىۋېزىيسى، سۇلتان قابۇسنىڭ گېرمانىيەدىكى داۋالىنىشىنى تۈگىتىپ دۆلىتىگە قايتقانلىقىنى بىلدۈردى. ئوممان پادىشاھى قابۇس ئىبنى سەئىد ھازىرغا قەدەر ئېنىق بولمىغان سالامەتلىك مەسىلىسى سەۋەبلىك 2014-يىلى ئىيۇلدىن بۇيان گېرمانىيەنىڭ مىيۇنخېن شەھىرىدە داۋالىنىۋاتاتتى. پادىشاھ قابۇس، مىيۇنخېندىكى ئۆيىدە 10-يانۋاردا ئامېرىكا تاشقى ئىشلار مىنىستىرى جون كېررىينى قۇبۇل قىلغان ئىدى، ئەمما ئۇچرىشىشقا ئالاقىدار ھېچقانداق بىر ئۇچۇر ئاشكارىلانمىدى.
75 ياشلىق ئوممان پادىشاھى قابۇس، دادىسى سەيىد ئىبنى تامۇرنى 1970- يىلىدا تەخىتتىن چۈشۈرۋېتىپ دۆلەتنى قولىغا كىرگۈزدى. ئۇ تەخمىنەن 45 يىلدىن بۇيان دۆلەتنى باشقۇرىۋاتىدۇ.