فىرانسىيە خەلقئارا رادىئو-تىلىۋىزىيە ئىستانىسىىنىڭ 12-ئاينىڭ 30-كۈنىدىكى خەۋىرىگە ئاساسلانغاندا، ئوكرائىنا زۇڭلىسى ياتسىنۇك شۇ جاي ۋاقتى 12-ئاينىڭ 30-كۈنى ئوكرائىنانىڭ ئامىرىكا شىۋۇ ئىلىكتىر شىركىتى بىلەن 5 يىللىق يادرو يېقىلغۇ بىلەن تەمىنلەش توختامى تۈزگەنلىكىنى، بۇندىن كىيىن ئوكرائىنانىڭ يادرو رىئاكتورى ئىشەنچىلىكلىكى كۈچلۈك بولغان يادرو يېقىلغۇسى بىلەن تەمىن ئىتىلىدىغانلىقىنى جاكارلىدى. ئامىرىكا شىۋۇ ئىلىكتىر شىركىتىمۇ بىر ئىزاھاتتا يۇقارقى خەۋەرنىڭ راستلىقىنى ئىسپاتلىدى.
        بىراق خەۋەردە دىيلىشچە ئامىرىكا تەرەپ توختام سوممىسى، يېقىلغۇنىڭ مىقدارى تىلغا ئېلىنمىدى، ئوكرائىنانىڭ قانچە يادرو رېئاكتۇرىغا چېتىلىدىغانلىقىمۇ تىلغا ئېلىنمىدى. ئوكرائىنادا ھازىر 4 يادرو ئىلىكتىر ئىستانسىسىدا جەمئى 15 يادرو ئىلىكتىر ماتۇرلار گوروپپىسى بار بولۇپ، يادرو ئىلىكتىر ئىنىرگىيە تەمىنلەش مىقدارى ئىنىرگىيە ئىھتىياجىنىڭ ئاران %50 ىگە يېقىنلىشىدۇ. ئامىرىكا شىۋۇ ئىلىكتىر شىركىتى ئوكىرائىناغا كىرگەندىن كىيىن پەقەت بىرلا يادرو ئىلىكتىر ئىستانسىسىنى يېقىلغۇ بىلەن تەمىن ئەتتى خالاس.
        ياتسىنۇك كىيىۋدا بىر قېتىملىق مۇخبىرلارنى كۈتىۋېلىش يىغىنىدا مۇنۇلارنى بىلدۈردى: يۇقارقى توختام ئوكرائىنانىڭ ئىنىرگىيە بىلەن تەمىنلىشىشنىڭ كۆپ مەنبەلىكلىشىشىنى ئىلگىرى سۈرىدۇ. فىرانسىيە ئاخبارات ئاگىنتلىقى مۇنۇلارنى بىلدۈردى: ئامىرىكىنىڭ غەرىزى يېقىلغۇ بىلەن تەمىنلەش ئارقىلىق ئوكرائىنانىڭ روسىيەگە بولغان بېقىندىچىلىقىنى ئاجىزلاشتۇرۇشتىن ئىبارەت. ئامىرىكا شىۋۇ ئىلىكتىر شىركىتى ئوكىرائىناغا كىرىشتىن بۇرۇن يېقىلغۇ بىلەن تەمىنلەش بىر مەزگىل روسىيەلىك يادرو يېقىلغۇ سودىگەرلىرى تەرىپىدىن مونوپول قىلىۋېلىنغان ئىدى.
        ئىگىلىنىشچە ئامىرىكا شىۋۇ ئىلىكتىر شىركىتى 2003-يىلى ئوكرائىنا بازىرىغا كىرگەن. شىۋۇنىڭ ياۋرۇپا، ئوتتۇرا شەرق ۋە ئافرىقا رايۇنلىرىغا مەسئۇل باش دىرىكتورى براچېت 30-چىسىلا ئىنىرگىيە مەنبەسى بىلەن تەمىنلەش توختامىنىڭ ئىمزالىنىشى ئىككى دۆلەتنىڭ ئىنرگىيە ساھەسىدىكى ئۇزاق مەزگىللىك ھەمكارلىقىنىڭ جەۋھىرىدۇر دىدى.