فرانسىيە تاراتقۇسىنىڭ خەۋىرىدە ئېيتىلىشچە، ئافغانىستاننىڭ يېڭى پرېزىدېنتى غەنى پرېزىدېنت بولغاندىن كېيىنكى تۇنجى زىيارەت ئوبيېكتىنى جۇڭگو قىلىپ بېكىتكەن.

فرانسىيە خەلقئارا رادىئو ئىستانسىسىنىڭ تور پونكىتىدا 22- ئۆكتەبىر ئېلان قىلىنغان خەۋەرگە ئاساسلانغاندا، ئافغانىستان پرېزىدېنت مەھكىمىسىنىڭ 21- ئۆكتەبىر ئېيتىشىچە، ئافغانىستاننىڭ يېڭى پرېزىدېنتى غەنى كېلەر ھەپتە ئۆمەك باشلاپ جۇڭگودا زىيارەتتە بولىدىكەن. بۇ، ئەشرەف غەنىنىڭ پرېزىدېنت بولغاندىن كېيىنكى تۇنجى قېتىملىق چەتئەلدىكى زىيارەت پائالىيىتى ھېسابلىنىدۇ.

خەۋەردە ئېيتىلىشچە، ئافغانىستان پرېزىدېنت مەھكىمىسىنىڭ باياناتىدا زىيارەتنىڭ كونكرېت ۋاقتى بېكىتىلمىگەن، پەقەتلا «جۇڭگونىڭ دۆلەت رەئىسى شى جىنپىڭنىڭ تەكلىپىگە بىنائەن، ئافغانىستان پرېزىدېنتى غەنى كېلەر ھەپتە ئالىي دەرىجىلىك ئەمەلدارلار ۋەكىللەر ئۆمىكىنى باشلاپ بېيجىڭدا زىيارەتتە بولىدۇ. ئۈچ كۈنلۈك زىيارەت جەريانىدا، غەنى شى جىنپىڭ ۋە جۇڭگونىڭ باشقا مۇھىم ئەربابلىرى بىلەن ئۇچرىشىدۇ، ھەمدە بىر تۈرلۈك كېلىشىم ئىمزالايدۇ.» دېيىلگەن.

فرانسىيە ئاخبارات ئاگېنتلىقىنىڭ خەۋىرىدە ئېيتىلىشچە، ئامېرىكا ئەسكەرلىرىنى ئاساس قىلغان شىمالىي ئاتلانتىك ئەھدى تەشكىلاتىنىڭ ئافغانىستاندا تۇرۇشلۇق قىسمى پات ئارىدا ۋەزىپىسىنى تاماملايدىغان پەيتتە، بېيجىڭ يېقىنقى يىللاردىن بۇيان ئافغانىستان بىلەن دىپلوماتىيە ۋە ئىقتىسادىي مۇناسىۋەتنى كۈچەيتكەن