20-ئاپرېلدىن 31-ئىيۇلغىچە، 2300 يۈەن بىلەنلا ئۈرۈمچى-دۇبەيگە بېرىپ كەلگىلى بولىدۇ، بۇ ئىلگىرى بېلەت باھاسىدىن 1600 يۈەن ئەرزان.
ئىگىلىنىشچە، بۇ، بۇ ھاۋا لىنىيەسى ئېچىلغاندىن بۇيان بېلەت باھاسىنىڭ تۇنجى قېتىم ئەڭ تۆۋەن باھاغا تەڭشىلىشى بولۇپ، تۆۋەن باھالىق بېلەت شىنجاڭ ئىچىدىكى دۇبەيگە بېرىپ ساياھەت قىلىشنى خالايدىغان نۇرغۇن ساياھەتچىلەرنى ئۆزىگە تېخىمۇ جەلپ قىلغان. لەنجۇــ ئۈرۈمچى - دۇبەي ھاۋا لىنىيەسى 2014-يىلى 29-سېنتەبىر ئېچىلغاندىن باشلاپ بۇ يىل 3-ئايغىچە، جەمئىي 230 قېتىمدىن ئارتۇق نۆۋەتچى ئايروپىلان قاتنىغان بولۇپ، توشۇلغان يولۇچى 42 مىڭ ئادەم (قېتىم)غا يەتكەن.
بۇ ئاۋىياتسىيە لىنىيەسىدە بېرىش ۋەزىپىسىنى ئىجرا قىلىدىغان CZ6069 قېتىملىق نۆۋەتچى ئايروپىلان بېيجىڭ ۋاقتى 15:25دە لەنجۇدىن قوزغىلىپ، 18:05 ئۆتكەندە ئۈرۈمچىگە يېتىپ كېلىپ، شۇ جاي ۋاقتى 21:25دە دۇبەيگە يېتىپ بارىدىكەن. قايتىپ كېلىش سەپىرىدە CZ6070 قېتىملىق نۆۋەتچى ئايروپىلان شۇ جاي ۋاقتى 23:00دە دۇبەيدىن قوزغىلىپ، ئىككىنچى كۈنى بېيجىڭ ۋاقتى 8:10 دە ئۈرۈمچىگە يېتىپ كېلىپ، بېيجىڭ ۋاقتى 11:55 لەنجۇغا يېتىپ بارىدىكەن.