مۇخبىرنىڭ ئاپتونوم رايونلۇق ج خ نازارىتى قاتناش ساقچى باش ئەترىتىدىن ئىگىلىشىچە، ج خ مىنىستىرلىقى قاتناش باشقۇرۇش ئىدارىسىنىڭ بىر تۇتاش ئورۇنلاشتۇرۇشىغا ئاساسەن، ئاپتونوم رايونلۇق ج خ نازارىتىنىڭ قاتناش ساقچى باش ئەترىتى 16-فېۋرالدىن 15-مارتقىچە ھاراق ئىچىپ ئاپتوموبىل ھەيدەش قىلمىشلىرىنى مەركەزلەشتۈرۈپ رەتكە سېلىپ، چاغان مەزگىلىدىكى يول قاتناش بىخەتەرلىكىنى كۈچەيتىپ، ھاراق ئىچىپ ئاپتوموبىل ھەيدەشتىن كېلىپ چىقىدىغان قاتناش ھادىسلىرىنىڭ ئالدىنى ئېلىپ، كەڭ خەلق ئاممىسىنىڭ بىخەتەر، خاتىرجەم بايرام ئۆتكۈزۈشىگە شارائىت يارىتىدىكەن.

19-فېۋرال، 24-فېۋرال، 3-مارت، 5-مارت كۈنلىرى پۈتۈن مەملىكەت بويىچە ھاراق ئىچىپ ئاپتوموبىل ھەيدەش بىر تۇتاش رەتكە سېلىنىدىغان كۈن بولۇپ، ئاپتونوم رايونلۇق ج خ نازارىتىنىڭ قاتناش ساقچى باش ئەترىتى جايلارنى شۇ جاينىڭ ئەھۋالىغا ئاساسەن ئاز دېگەندە ئۈچ قېتىم رايون خاراكتېرلىك مەركەزلەشتۈرۈپ بىر تەرەپ قىلىش ھەرىكىتى ئېلىپ بېرىشنى تەلەپ قىلغان.

ئىككى بايرام مەزگىلىدە ئاممىنىڭ دوست-بۇرادەر، ئۇرۇق-تۇغقانلارنى يوقلايدىغان، يىغىلىش ئېلىپ بارىدىغان پائالىيەتلىرى بىر قەدەر كۆپ بولىدىغان بولۇپ، ئاپتونوم رايونلۇق ج خ نازارىتىنىڭ قاتناش ساقچى باش ئەترىتى ھاراق ئىچىپ ئاپتوموبىل ھەيدەش قىلمىشىنىڭ ئالدىنى ئېلىش ئۈچۈن، جايلارنىڭ ئەستايىدىل ھالدا خىزمەت لايىھەسى تۈزۈپ، خىزمەت تەدبىرىنى ئىنچىكلەشتۈرۈشىنى تەلەپ قىلغان.