پۇتبول تورى خەۋىرى لەگلەك تورى تەرجىمىسى

 رىيانون كانىل ھەقىقى پۇتبول مەستانىسى ئىكەنلىكىنى ئىسپاتلىدى. بۇ 16 ياشلىق ئامېرىكىلىق قىزچاق 10 مىڭ ئامېرىكا دوللىرى مۇكاپاتتىن ۋاز كېچىپ بىرازىلىيە پۇتبول چولپىنى نېيمار بىلەن ئايرىم كۆرۈشۈش پۇرسىتىنى تاللىدى.

بۇ تۇلۇق ئوتتۇرا مەكتەپ ئوقۇغۇچىسى تەلۋە پۇتبول مەستانىسى بۇلۇپ بۇ يىلقى بىرازىلىيە دۇنيا لوڭقىسىنى تالىشىش پۇتبول مۇسابىقىسى مەزگىلىدە بىرازىلىيە گۇرانا ئىچىملىك پائالىيىتىگە قاتنىشىپ مۇشۇنداق ياخشى پۇرسەتكە ئېرىشكەن. ئۇنىڭ نېيمارنىڭ پۇتبول كىيىمىنى كىيىپ تۇرۇپ پۇتبول تېپىۋاتقان ھالەتتىكى بىر پارچە رەسىمى 2000 نەچچە نەپەر قاتناشقۇچىلارنىڭ ئىچىدىن تاللىنىپ چىقىپ ئالاھىدە مۇكاپاتقا ئېرىشكەن.

بىراق كانىل قىلچە ئىككىلەنمەستىن ئاخىرىدا 10 مىڭ ئامېرىكا دوللىرى مۇكاپاتتىن ۋاز كېچىپ نېيمار بىلەن كۆرۈشۈش پۇرسىتىنى تاللىغان. كانىل مۇنداق دەيدۇ:«مېنىڭ نېيمار بىلەن كۆرۈشكۈم بار، بۇنداق پۇرسەت ھەممە ئادەمگە كەلمەيدۇ، مېنىڭچە بۇ پۇرسەت 10 مىڭ ئامېرىكا دوللىرىدىن قىممەتلىك. گەرچە مېنىڭ نۇرغۇن دوستۇم مېنىڭ بۇنداق قىلىشىمغا قۇشۇلمىغان بولسىمۇ لېكىن مەن ئاللىبۇرۇن قارار قىلىپ بولدۇم.»

22 ياشلىق نېيمار بىلەن كۆرۈشكەندە نېمىلەرنى دەيسىز دەپ سورالغان سوئالغا قارىتا كانىل چاقچاق قىلىپ مۇنداق جاۋاپ بەرگەن:«مەن نەق مەيداندىلا ئۇنىڭغا توي تەكلىپى قويىمەن، ئەلۋەتتە ئالدىنقى شەرتى مەن ئۇنى قورقۇتىۋەتسەم بولمايدۇ.»