شىنخۇا تورى ، بېيجىڭ ، 11-سېنتەبىر تېلېگراممىسى : تاجىكىستان جۇمھۇرىيىتىنىڭ زۇڭتۇڭى راھمان ، مالدىۋې جۇمھۇرىيىتىنىڭ زۇڭتۇڭى يامىن ، سىرىلانكا دېموكراتىك سوتسىيالىستىك جۇمھۇرىيىتىنىڭ زۇڭتۇڭى راجاپاكسا ، ھىندىستان جۇمھۇرىيىتىنىڭ زۇڭتۇڭى مۇكارجىنىڭ تەكلىپىگە بىنائەن، دۆلەت رەئىسى شى جىنپىڭ 11-سېنتەبىر مەخسۇس ئايروپىلانغا ئولتۇرۇپ، يۇقارقى تۆت دۆلەتتە زىيارەتتە بولۇش ئۈچۈن بېيجىڭدىن ئايرىلدى. رەئىس شى جىنپىڭ بۇ قېتىمقى زىيارىتىدە تاجىكىستاننىڭ دۈشەنبە شەھىرىدە ئۆتكۈزۈلىدىغان شاڭخەي ھەمكارلىق تەشكىلاتىغا ئەزا دۆلەتلەر باشلىقلىرى كېڭىشىنىڭ 14-قېتىملىق يىغىنىغا قاتنىشىدۇ.
رەئىس شى جىنپىڭغا ھەمراھ بولۇپ زىيارەتكە ماڭغانلاردىن يەنە رەئىس شى جىنپىڭنىڭ خانىمى پېڭ لىيۈەن ، جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى ، مەركىزىي كومىتېتى سىياسەت تەتقىقات ئىشخانىسىنىڭ مۇدىرى ۋاڭ خۇنىڭ ، جۇڭگو كومپارتىيەسى مەركىزىي كومىتېتى سىياسىي بىيۇروسىنىڭ ئەزاسى ، مەركىزىي كومىتېت شۇجىچۇسىنىڭ شۇجىسى ، مەركىزىي كومىتېت ئىشخانىسىنىڭ مۇدىرى لى جەنشۇ ، دۆلەت كومىسسارى ياڭ جيېچى قاتارلىقلار بار .