ئەنگىلىيە ‹‹ كۈندىلىك پوچتا گېزىتى ›› نىڭ 2 -سېنتەبىر خەۋەر قىلىشىچە ، ئامېرىكىلىق 55 ياشلىق ئەر جىم ھاررىسون ‹‹ دۇنيادىكى ئەڭ خەتەرلىك خىزمەت ›› بىلەن شوغۇللىنىدىغان بولۇپ ، ئۇكېنتۇككى ئىشتاتىدىكى ئۆمىلىگۈچى ھايۋاناتلار باغچىسىدا 2000 دىن ئارتۇق زەھەرلىك يىلاننى باققاندىن سىرت يەنە ، ھەر ھەپتىدە قۇرۇق قول ھالدا مىڭغا يېقىن يىلاننىڭ زەھىرىنى ئالىدىكەن . بۇرۇن ھاررىسوننى سەككىز قېتىم يىلان چېقىۋالغان بولۇپ ، ئۆلگىلى تاس قالغان .

ھاررىسون ناھايىتى كىچىك ۋاقتىدىن باشلاپلا يىلانغا قىزىقىدىغان بولۇپ ، ئالتە ياش ۋاقتىدا تۇنجى قېتىم يىلان چېقىۋالغان . ئوتتۇرا مەكتەپنى پۈتكۈزگەندىن كېيىن ، 17 ياش ۋاقتىدىن باشلاپ يىلان تۇتۇش ۋە زەھىرىنى ئېلىش ئارقىلىق تۇرمۇشىنى قامدىغان . ئۇنىڭ ئايالىمۇ ئۆمىلىگۈچى ھايۋانلارغا قىزىقىپ قالغان .

ئەر - ئايال ئىككىسىنىڭ ئامېرىكا بويىچە ھەتتا دۇنيا بويىچە ئەڭ چوڭ زەھەرلىك يىلان ھايۋاناتلار باغچىسى بار بولۇپ ، ھاررىسون كۈنىگە نەچچە يۈز يىلاننى تۇتىدىكەن ھەمدە ئىستاكانغا ئۇلارنىڭ زەھىرىنى يىغىۋالىدىكەن . بۇ زەھەرلىك يىلانلار نەچچە مىڭ ئامېرىكا دوللىرىغا سېتىلىدىغان بولۇپ ، ئۇلار ئاساسلىقى جانلىقلار تېببىي تەتقىقاتىدا ئىشىلتىلىدىكەن ، بەزىلىرىنى ئۇنىۋېرسىتېت ياكى دورا ياساش شىركەتلىرى يىغىۋالىدىكەن .