يېقىندا ئالىي خەلق سوت مەھكىمىسىنىڭ تەستىقلىشى ئارقىلىق، ئۈرۈمچى، ئاقسۇ، قەشقەر،خوتەندىكى ئوتتۇرا خەلق سوت مەھكىمىلىرى تېررورلۇق تەشكىلات تەشكىللەپ، رەھبەرلىك قىلىپ ، قاتنىشىپ، قەستەن قاتىللىق، ئوت قويۇش جىنايىتى ئۆتكۈزگەن؛ قانۇنغا خىلاپ ھالدا پارتلاتقۇچ دورا ياساش، ساقلاش،توشۇش جىنايىتى ئۆتكۈزگەن؛ خەتەرلىك ئۇسۇللار بىلەن ئاممىۋى بىخەتەرلىككە زىيان سالغان ھۆسەنجان ھوشۇر ، يۈسۈپ ئۆمەرنىياز، يۈسۈپ ئەخمەت قاتارلىق بەش دېلودىكى سەككىز جىنايەتچىگە قانۇن بويىچە بېرىلگەن ئۆلۈم جازاسىنى ئىجرا قىلدى.

ئىگىلىنىشىچە، بۇ بەش دېلو بېيجىڭ تيەنئەنمىن مەيدانىدىكى زوراۋانلىق تېررورلۇق دېلوسى؛ ئاقسۇ ۋىلايىتىدىكى قورال بۇلاش، ساقچىلارغا ھۇجۇم قىلىش دېلوسى؛قەشقەر ۋىلايىتىدىكى قانۇنسىز پارتلىتىش، قەستەن قاتىللىق قىلىش دېلوسى؛ خوتەن ۋىلايىتىدىكى تېررورلۇق تەشكىلاتنى تەشكىللەش، رەھبەرلىك قىلىش، قاتنىشىش، تەكشۈرۈش پونكىتىغا ئوت قويۇش، دۆلەت كادىرلىرىنى ئۆلتۈرۈش دېلوسىغا چېتىشلىق ئىكەن. يۇقىرىقى دېلولار خەلق ئاممىسىنىڭ ھاياتى مال مۈلۈكىنى ئېغىر زىيانغا ئۇچرىتىپ، ئاممىۋى بىخەتەرلىككە ئېغىر زىيان سالدى.