30-ئىيۇل سەھەردە، شىنجاڭ ئۇيغۇر ئاپتونۇم رايونى قشقەر شەھىرى ھېيتكاھ جامەسىنىڭ خاتىپى جۈمە تاھىر داموللام بامدات نامىزىغا ئىماملىق قىلىپ بولغاندىن كېيىن، زوراۋان-توررورچىلار تەرىپىدىن ۋەھشىلەرچە ئۆلتۈرىۋېتىلدى. 2-ئاۋغۇست چۈشتىن كېيىن، شىنجاڭدىكى دىنى ساھەدىكى زاتلاردىن 107 كىشى ئۈرۈمچىدە 30-ئىيۇل زوراۋانلىق-تېررورلۇق ۋەقەسىنى ئەيىبلەش سۆھبەت يىغىنى ئېچىپ مۇنۇلارنى بىلدۈردى: زوراۋان-تېررورچىلارنىڭ چېكىدىن ئاشقان جىنايى قىلىمشىغا چىداپ تۇرغىلى بولمايدۇ، پارتىيە ۋە ھۆكۈمەتنىڭ زوراۋانلارنى قاتتىق جازالىشىنى، زوراۋانلىق-تېررورلۇق ھەرىكەتلىرىگە قاتتىق زەربە بېرىشىنى ئۈمىد قىلىمىز.

قەشقەر شەھىرى چاپان بازىرى جۈمە مەسچىتىنىڭ خاتىپى ئەبەيدۇللا مۇھەممەت مۇنداق دېدى: بىز بۇ خەۋەردىن ئىنتايىن قايغۇردۇق ۋە غەزەپلەندۇق، جۈمە تاھىر داموللام بىر ئۆمۈر ۋەتەننى، دىننى، خەلقنى سۆيۈپ كەلگەن، جۇڭخۇا خەلق جۇمھۇرىيىتىنى ھىمايە قىلىپ، ۋەتەننىڭ بىرلىكى ۋە مىللەت ئىتتىپاقلىقىنى قوغداپ كەلگەن، ئۇ قەشقەر شۇنىڭدەك پۈتۈن شىنجاڭ، پۈتۈن مەملىكەتتىكى ئىسلام دىنى ساھەسىدىكىلەرنىڭ ئۈلگىسى ئىدى. بىز ئۇنىڭ ئېسىل پەزىلىتىدىن ئۆگىنىپ، مىللىي بۆلگۈنچى كۈچلەرگە قارشى قەتئىي كۈرەش قىلىمىز.
ئۈرۈمچى شەھىرى پراۋوسلاۋىيە چېركاۋى دېموكراتىك باشقۇرۇش كومىتېتىنىڭ مۇدىرى جيا جىرۇڭ مۇنداق دېدى: زوراۋان-تېررورچىلار بىگۇناھ پۇقرالارغا زىيانكەشلىك قىلىپ، جەمئىيەتنىڭ مۇقىملىقىغا بۇزغۇنچىلىق قىلدى، ئۇلار دۇنيا خەلقىنىڭ ئورتاق دۈشمىنى، ئۇلارغا قەتئىي زەربە بېرىشىمىز كېرەك.

ئۈرۈمچى شەھىرى تىنچلىق يولى كاتولىك چېركاۋى دېموكرتىك باشقۇرۇش كومىتېتىنىڭ مۇدىرى ۋاڭ خۇڭ مۇنداق دېدى: زوراۋان-تېررورچىلارنىڭ قەبىھ قىلمىشى ئۇلارنىڭ ئىنسانىيەتكە، جەمئىيەتكە، مەدەنىيلىككە قارشى رەزىل ماھىيىتىنى يەنە بىر قېتىم ئېچىپ بەردى، ئۇلار تارىخ ۋە خەلق تەرىپىدىن مۇقەررەر تۈكۈرۈپ تاشلىنىدۇ.

ئۈرۈمچى شەھىرى خىرىستىئان دىنى جەمئىيىتىنىڭ مۇئاۋىن باشلىقى، باش كاتىپى فەن چېڭگۇاڭ مۇنداق دېدى: شىنجاڭ كەڭ كۆلەمدە قۇرۇلۇش ئېلىپ بېرىش، زور دەرىجىدە تەرەققىي قىلىش، زور دەرىجىدە گۈللىنىشتەك مۇھىم باسقۇچتا تۇرماقتا. زوراۋان-تېررورچىلارنىڭ ۋەتەننى پارچىلاشقا ئۇرۇنىشى، مالىمانچىلىق تۇغدۇرۇشى، مۇقىملىققا بۇزغۇنچىلىق قىلىشى كىشىلەر كۆڭلىگە ياقمايدۇ.

ئۈرۈمچى شەھىرى چىڭچۈەن ئىبادەتخانىسىدىن يى خۇڭ ھەزرەت مۇنداق دېدى: زوراۋان-تېررورچىلارنىڭ جىنايى قىلمىشى ئۇلارنىڭ ئاساسىي كىشىلىك ھوقۇققا پۈتۈنلەي پىسەنت قىلماي، ئىنسانىي ھەققانىيەتنى خالىغانچە دەپسەندە قىلىپ، ئىنسانىيەت مەدەنىيلىكىگە ئوچۇق-ئاشكارە ئىغۋاگەرچىلىك قىلىشتەك رەزىل ئەپتى-بەشىرىسىنى تولۇق ئاشكارىلاپ بەردى. بۇددا دىنىي ساھەسىدىكىلەر زوراۋان-تېررورچىلارنىڭ جىنايى قىلمىشىنى قاتتىق ئەيىبلەيمىز.