يېقىندا روسىيە سىبىرىيە ئىركۇتسكىدىكى ئىككى كىشى ئۆزلىرىنىڭ سەيلە قىلىۋاتقاندا تاشقى پلانېتا ئادىمىنىڭ جەسىتىنى ئۇچراتقانلىقىنى بىلدۈرگەن ھەمدە بۇنى سىنغا ئېلىۋالغان، ۋىدىئونى تورغا تارقاتقاندىن كېيىن پۈتۈن دۇنيادىكى تورداشلارنىڭ يۈكسەك دىققىتىنى تارتقان.كەسمە سۈرەتتىن كۆرىۋىلىشقا بولىدۇكى بۇ «تاشقى پلانېتا ئادىمى»نىڭ بوي ئېگىزلىكى تەخمىنەن 0.6 مېتىر، قارىماققا فانتازىيىلىك فىلىم «E.T»دىكى تاشقى پلانېتا ئادىمىگە ئوخشاپ قالىدۇ. ھەمدە تاشقى پلانېتا ئادىمىنىڭ باش سۆڭىكى ئادەملەرنىڭ باش سۆڭىكىگە ئوخشايتتى. جەسەت ئاللىقاچان ئېغىر بۇزۇلغان بولۇپ، ئوڭ كۆزى زەخمىگە ئۇچرىغان، كۆزىنىڭ ئورنىدا پەقەت ئىككى قۇرۇق تۆشۈك قالغان.

تاشقى پلانېتا ئادىمى جەسىتى؟

      ئىگەللىنىشىچە، تاشقى پلانېتا ئادىمى جەسىتىنىڭ بايقىلىشى نامەلۇم ئۇچار جىسىملاردىكى«قىزىق نۇقتىلارنىڭ بىرى» ئىكەن. ھەر يىلى نامەلۇم ئۇچار جىسىمنى كۆرگەنلىكى توغىرلىق كۆپلىگەن دوكلاتلار چىقىپ تۇرىدۇ.

بۇ جەسەت توغىرلىق ۋىدىئو تاشقى پلانېتا ئادەملىرىگە قىزىققۇچىلارنى ناھايىتى ھاياجانلاندۇرىۋەتتى، ئۇلار بۇ تاشقى پلانېتا ئادىمى ئولتۇرغان ئۇچار كېمە ئىركۇتسكى رايونىدا پاچاقلىنىپ كەتكەنلىكى ئۈچۈن جەسەتنىڭ قىسىملىرى تولۇق ئەمەس دەپ قارىدى. لېكىن گۇمانلانغۇچىلار بۇ ئاتالمىش «جەسەت» پەقەت بىر مودىل خالاس دەپ قارىدى.