پەلەستىن-ئىسرائىلىيە توقۇنۇشى 14-ئىيۇل يەنىلا داۋاملاشتى ، نۇرغۇن ئادەم تالاپەتكە ئۇچرىدى ، قازا قىلغانلارنىڭ سانى داۋاملىق ئاشتى . ب د ت نىڭ باش كاتىپى بان كىمون غەززە ۋەزىيىتىنىڭ داۋاملىق تۈردە يامانلىشىدىغانلىقىدىن ئاگاھلاندۇرۇش بەردى .
پەلەستىن تەرەپ 14-ئىيۇل سانلىق مەلۇماتلار ئارقىلىق ، توقۇنۇشتا ئاز دېگەندىمۇ 177 ئادەم قازا قىلىپ ، 1300دىن كۆپ ئادەم يارىلانغانلىقىنى ، بۇلارنىڭ كۆپىنچىسىنىڭ ئاۋام پۇقرا ئىكەنلىكىنى ئېيتتى .

بان كىمون باياناتچىلار ئارقىلىق پەلەستىن بىلەن ئسرائىلىيە ئارىسىدىكى ئېغىر سىياسىي ئىختىلاپنى ھەربىي يول ئارقىلىق ھەل قىلغىلى بولمايدىغانلىقىنى تەكىتلەپ ، ئىككى تەرەپنى يارىشىپ ، زوراۋانلىقنى بالدۇرراق ئاياغلاشتۇرۇشقا چاقىرغان .

شۇ كۈنى ، ب د ت بالىلار فوندى بۇ توقۇنۇشتا ئاز دېگەندىمۇ 33 بالىنىڭ قازا قىلىپ ، نەچچە يۈز بالىنىڭ يارىلانغانلىقىنى ئېلان قىلغان . ئۇلار بۇ توقۇنۇشنىڭ بالىلارنىڭ ئۆسۈپ-يېتىلىشىگە پاسسىپ تەسىر ئېلىپ كېلىشىدىن ئەنسىرەيدىغانلىقىنى ئېيتقان .

ئىسرائىلىيە زۇڭلىسى نېتانىياخۇ ‹‹ تىغ قوغداش ھەرىكىتى ›› نى بەلكىم تېخىمۇ ئۇزۇن داۋاملاشتۇرىدىغانلىقىنى ئېيتىپ ، ئىسرائىلىيە ئارمىيەسىنى ‹‹ تۈرلۈك تەييارلىق ››لارنى ياخشى ئىشلەشكە چاقىرغان . خاماس تەرەپ ئىسرائىلىيەگە داۋاملىق تۈردە راكېتابومبا ئېتىپ قايتۇرما ھۇجۇم بەرگەن . ئامېرىكا ئاق ساراي ئىسرائىلىيەنى غەززە رايونىغا قۇرۇقلۇق ھۇجۇمى قىلماسلىققا ئاگاھلاندۇرغان .