سۇمۇرۇغ تورى 5 – ئاينىڭ 17 - كۈنىدىكى خەۋىرى، لەگلەك تورى تەرجىمىسى: پەن – تېخنىكا تورىCNET خەۋىرىگە ئاساسلانغاندا، مىكروسوفىت نەچچە كۈن ئالدىدا، داڭلىق ئەقلىي ئائىلە ئاپتوماتلاشتۇرۇش ئۈسكۈنىلرىى كارخانىسى Insteon بىلەن ھەمكارلىشىپ، نۆۋەتتە ئالقىشقا ئىرىشىۋاتقان ئائىلەئاپتوماتلاشتۇرۇش ئۈسكۈنىلىرى تورىنى Windows ئىكولوگىيلىك سىستېمىسىغا تولۇق ماسلاشتۇرىدىغانلىقىنى، ھەمدە كىيىنكى ئايدا بىرلىكتە ئەقلىي ئائىلە ئاپتوماتلاشتۇرۇش ئۈسكۈنىلىرىنى بازارغا سالىدىغانلىقىنى جاكارلىغان.

بۇ تېخنىكا ساھەسىدىكى كاتتا شىركەت مىكروسوفىتنىڭ تۇنجى قېتىم ئەقلىي ئائىلە ئۈسكۈنىلىرى ساھەسىگە تولۇق قەدەم ئېلىشى ھېسابلىنىدۇ.

Insteon كالفۇرنىيە شىتاتى ئىرۋىنە شەھىرىگە جايلاشقان بولۇپ، ھەقسىز تەمىنلەۋاتقان ئائىلە ئاپتوماتلاشتۇرۇش تورى بىلەن كۆپ ئالقىشىغا ئېرىشكەن.

Insteon ئاپتوماتلاشتۇرۇش تورى سىمسىز رادىئو چاستوتىسى بىلەن نۆۋەتتىكى ئېلېكتىر مەنبە سىمىنى زىچ ماسلاشتۇرۇش ئارقىلىق، سۈرئىتى تىز، ئىشەنچلىك ۋە قوش چاستوتىلىق كونترول مۇلازىمىتى تەمىنلىگەن. Insteon مەھسۇلاتىلىرى 200 خىلدىن ئارتۇق سېنزۇر، ۋىكليۇچاتېل، سىن كامىرا ۋە نازارەت قىلىش، ئاپتوماتلاشتۇرۇشقا ئىشلىتىلىدىغان باشقا ئۈسكۈنىلەرنى ئۆز ئىچىگە ئالىدۇ.

مىكروسوفىتنىڭ بىلدۈرىشىچە، 6- ئاينىڭ 1- كۈنىدىن باشلاپ، ئىقتىدارى ئەلالاشتۇرۇلغان Instoen خاس دېتالى WindowsPhone 8 ئۈسكۈنىلىرىگە ، شۇنداقلا Windows 8.1 مەشغۇلات سىستېمىسى قاچىلانغان تاختىيوتېر ۋە كومپىيوتېرلارغا سەپلىنىدۇ.

بۇنىڭدىن سىرىت، بۇلتۇر بازارغا سېلىنغان

Insteon Starter Kit سىستېمىسىغا ئوخشاش، ئىشلەتكۈچىلەر ئۇزاققا قالماي LED لامپىسى، Instoen Hub دېتالى ۋە باشقا نادىر كۆزىتىش ئۈسكۈنىلىرىنى ئۆز ئىچىگە ئالغان مۇكەممەل ئەقلىي ئائىلە يۈرۈشلۈكلىرىنى مىكروسوفىت پارچە سېتىش ئورۇنلىرىدىن سىتىۋالالايدۇ.

ئىگەللىنىشىچە، Insteon مەھسۇلاتلىرىنىڭ يەككە باھاسى 30 دوللاردىن 80 دوللارغىچە ، يۈرۈشلۈكلىرىنىڭ باشلىنىش باھاسى 199 دوللار ئەتىراپىدا بولىدىكەن. Windows 8 مەشغۇلات سىستېمىسىغا خاس بولغان يېڭى Insteon دېتالى بىر گەۋدىلەشتۈرۈلگەن ھەرىكەتچان يىڭىلانما تىزىملىك ئىقتىدار، دېتالنى قوزغاتقان ھامان ئىكىراندا بارلىق ئۈسكۈنىلەر يېڭىلانما ھالەت ئۇچۇرلىرىنى كۆرسىتىپ بېرىش ئىقتىدارى قاتارلىق ئالاھىدىلىكلەرنى ھازىرلىغان.

Insteon يەنە سىن كامېرا قوللاشنى ئەمەلگە ئاشۇرۇپ، پۈتۈن ئىكىراندا كۆرۈش ئىقتىدارى، تىز كۆزدىن كەچۈرۈش ئىقتىدارى،ۋە Insteon Hub نى قاچىلىمىغان ئەھۋالدىمۇ سىن كامېرا ئەھۋالىنى كۆرۈش ئىقتىدارى تەمىنلىگەن.

Insteon يەنە يېڭىدىن "زىيارەتچى" ھالىتى كۆپەيىتكەن بولۇپ، كىچىك بالىلار ۋە مىھمانلارنىڭ سىستېمىغا كىرىشىنى چەكلەشكە بولىدۇ. شۇنداقلا ، Insteon يېڭى نۇسخىسىدا ئەلالاشتۇرۇلغان كونترول تاختىسى تەمىنلەيدۇ، ھەمدە "كۆپ ئۆي" ھالىتى ئارقىلىق، ئىشلەتكۈچىلەرنىڭ بىرلا ھېسابات ئۇچۇرى بىلەن بىرقانچە ئۆي ياكى ئورۇننى كونترول قىلىشىغا شارائىت ھازىرلايدۇ.

گەرچە Insteon ھەرىكەتچان يىڭىلانما تىزىملىك ئىقتىدارىنى پەقەتWindows 8 سېستىمىلقىق ئۈسكۈنىلەرگىلا تەمىنلىگەن بولسىمۇ، بۇ ئىقتىدارنى كېيىنچە Android ۋە IOS سېستىمىلىرىغا كىڭەيتىدىغانلىقىنى بىلدۈرگەن.

Insteonتەرەپنىڭ بىلدۈرىشىچە، 6- ئاينىڭ 1 – كۈنىدىن باشلاپ، ئىچكى قىسىمدا تەۋسىيە قىلىشتىن سىرت، مەھسۇلات كۆرگەزمىسى ۋە ئىشلىتىش قوللانىمىسىنى ئۆز ئىچىگە ئالغا ن Insteonئۈسكۈنىلرىنى MicrosoftStore.com تورىدا سېتىشقا باشلايدىكەن.