ئامېرىكا «دۆلەت مەنپەئەتى» قوش ئايلىق ژۇرنىلى تور بېكىتىنىڭ 18-ئىيۇندىكى ماقالىسىدا: ئاق خالاتلىق جەڭچى-جۇڭگو باتۇرلۇق بىلەن ئېبولاغا قارشى جەڭ قىلغان يېقىنقى بىر قانچە يىلدا، خەۋەر كېلىشىمۇ كېتىشىمۇ تېز بولدى، بىزنىڭ دىققىتىمىز داۋاملىق تۇيۇقسىز يۈز بەرگەن ۋەقەلەرگە مەركەزلەشتى دېيىلدى. تاراتقۇلار ئافرىقىدىكى ئېبولا كىرزىسىنى ناھايىتى تېزلا ئېسىدىن چىقىرىپ قويغاندەك قىلىدۇ. بۇ مەسىلە ئۆتكەن يىلى ياز، كۈزدە تاراتقۇلارنىڭ ئەڭ چوڭ خەۋىرى ئىدى.
جۇڭگونىڭ ئېبولاغا تاقابىل تۇرۇشتىكى تىرىشچانلىقى كىشىدە چوڭقۇر تەسىر قالدۇردى. ئازادلىق ئارمىيە ھەمدە جۇڭگو ھۆكۈمىتىنىڭ نۇرغۇن ئاپپاراتلىرىنىڭ خادىملىرى بۇنىڭغا قاتناشتى. لېكىن بېيجىڭنىڭ ئېبولاغا تاقابىل تۇرۇش خىزمىتى ئېتىراپ قىلىشقا ئېرىشەلمىدى. جۇڭگونىڭ ئېبولاغا تاقابىل تۇرۇشتىكى نەتىجىسىمۇ تۆۋەن بولدى، بۇ بەلكىم بىر مەيدان دۇنياۋى چوڭ يۇقۇمنىڭ تارقىلىشىنىڭ مۆلچەردىن تۆۋەنلىكىدىن بولۇشى مۇمكىن. يەنە بەلكىم جۇڭگو ئېبولاغا تاقابىل تۇرۇش خەۋىرىنى ھەددىدىن زىيادە خەۋەر قىلىپ دۆلەت ئىچىدە ساراسىمە پەيدا قىلىشتىن ئەندىشە قىلغان بولۇشىمۇ مۇمكىن. بۇ خىل ئەندىشىنى تامامەن چۈشىنىشكە بولىدۇ.
بېيجىڭنىڭ ئېبولاغا تاقابىل تۇرۇشتىكى ئېرىشكەن پايدىسى بۇندىن بىر قانچە يىل ئىلگىرىكى سارس يۇقۇمىغا تاقابىل تۇرۇش تەجرىبىسىدىن كەلگەن. كېسەل كارىۋىتى، قۇتقۇزۇش ماشىنىسى ۋە مۇداپىئەلىنىش مۇلازىمىتى بىلەن تەمىنلەشتىن سىرت جۇڭگو يەنە لىبىرىيەگە يۈز كارىۋاتلىق ئېبولا يۇقۇمىدىن ئايرىش ۋە كونترول قىلىش مەركىزى ياساپ بەردى. ئازادلىق ئارمىيەنىڭ 160 دوختۇر سېستراسى بۇنىڭ ئۈچۈن خىزمەت قىلدى. بۇلارنىڭ ھەممىسى ئاق خالاتلىق جەڭچىلەر دەپ ئاتالغان جۇڭگونىڭ ئازادلىق ئارمىيە دوختۇرلىرى. رەئىس شى جىنپىڭنىڭ « غەلىبىلىك جەڭ قىلىش، يۇقۇمنى ئەڭ تۆۋەن دەرىجىگە چۈشۈرۈش» دېگەن يوليورۇقى ئاستىدا ھەرىكەت ئېلىپ بېرىلىپ، شۇ جايلاردا بىر يۈرۈش خىرىسلار، قايغۇ-ھەسرەتلەر، ۋەھىمە ۋە يۈرىكى ئېچىشىدىغان كەچۈرمىشلەرنى باشتىن كەچۈردى. غەربنىڭ بىر ماقالىسىدا جۇڭگونىڭ ئىپادىسىگە مۇنداق باھا بېرىلدى: كۆزەتكۈچى ئەربابنىڭ بايقىشىچە جۇڭگو ئادەملىرىنى چېكىندۈرمەيلا قالماستىن ئەكسىچە يەنە تېخىمۇ كۆپ ئادەم ئەۋەتكەن.
يېقىندا ئېبولاغا قارشى تۇرۇش ئالدىنقى سېپىدىن كەلگەن خەۋەرلەر كىشىنى خۇشال قىلىدۇ، خەۋەردە بىر ئىتالىيەلىك ئەر سېسترا سىررالىئوندا ئېبولا كېسىلى بىلەن يۇقۇملىنىپ، رېمغا قايتىپ داۋالانغاندا جۇڭگودا ياسالغان يېڭىچە بىر دورىنى ئىچكەندىن كېيىن مۆجىزىلەرچە ساقايغان. يەنە كېلىپ بۇ دورا ئارقىلىق ساقايغان دوختۇرلار ئۇلا ئەمەس ئىكەن.
«نيۇ يورك ۋاقىت گېزىتى»نىڭ خەۋىرىدە بۇ ئىشقا گۇمان بىلەن قارىلىپ، بۇنداق جۇڭگوچە دورىلار مەلۇم پاتنىتقا خىلاپ بولۇشى مۇمكىن، يەنە كېلىپ يېتەرلىك سىناقتىن ئۆتمىگەن دەپ تەكىتلەندى. جۇڭگونىڭ ئېبولاغا تاقابىل تۇرۇشى ھەققىدە «نيۇ يورك ۋاقىت گېزىتى» ۋە «ۋاشىنگتون پوچتا گېزىتى»دە بىرمۇ خەۋەر بېرىلمىدى. ئۇلار جۇڭگونىڭ دۇنيادىكى تەسىر كۈچىنىڭ كېڭىيىۋاتقانلىقىنى باشقا تەرەپلەردىن ئاشكارىلاشقا ئامراقتەك قىلىدۇ.
ئامېرىكىنىڭ دىپلوماتى ۋە ئالىي ئەمەلدارى پات ئارىدا ۋاشىنگتوندا جۇڭگو ئەمەلدارى بىلەن ئىستراتېگىيەلىك ۋە ئىقتىساد سۆھبىتى ئۆتكۈزىدۇ. ئۇلارنىڭ ئاتالمىش تور ئارقىلىق جەنۇبىي دېڭىزغا تاجاۋۇز قىلىشتىن ئىبارەت يېڭى تەسەۋۋۇرنىلا ئويلىماسلىقىنى ئۈمىد قىلىمىز. جۇڭگونىڭ قەد كۆتۈرۈپ چىققانلىقى ھەمدە تەسىر كۈچىنىڭ كېڭيىۋاتقانلىقىنى ئومۇميۈزلۈك كۆرۈش ئۈچۈن، ئۇلار جۇڭگونىڭ ئېبولاغا تاقابىل تۇرۇشىنى ھەمدە يېقىندا سۇدانغا تىنچلىق ساقلاش خادىمى ئەۋەتكەنلىكى، ئادېن قولتۇقىدا دېڭىز قاراقچىلىرىغا قارشى تۇرۇۋاتقانلىقى، نېپالدىكى ئاپەتكە ئۇچرىغانلارغا ياردەم بەرگەنلىكى قاتارلىقلارنىمۇ كۆزدە تۇتۇشى كېرەك.
بۇ تىزىملىكتە گەرچە نۇرغۇن يوچۇقلار بولسىمۇ، لېكىن جۇڭگونىڭ مەسئۇلىيەتچان مەنپەئەتلەنگۈچى تەرەپكە ئايلانغانلىقى، پۈتۈن دۇنيانى ئاممىۋى مەھسۇلات بىلەن تەمىنلەش ئۈستىدە ئىزدىنىۋاتقانلىقىنى كۆرۈۋالغىلى بولىدۇ.