خەلقئارا لىنيەسى ئۇچۇرى ،ھازىرغا قەدەر 13-چېسلا تۈركىيەنىڭ  ماسا ئۆلكىسدە يۈز بەرگەن كان پارتىلاش ۋەقەسىدە قازا قىلغانلارنىڭ سانى 282 ئادەمگە يەتكەن بۇلۇپ قۇتقۇزۇش خىزمىتى داۋاملاشماقتا.

شۇنىڭ بىلەن بىر ۋاقىتتا كان پارتلاش ۋەقەسى  تۈپەيلى كۆتۈرۈلگەن نارازلىق بىلدۈرۈش ھەركەتلىرى ۋە ئىش تاشلاش ئىشلىرى تەدرىجى تۈركىيەنىڭ بىر قانچە ئاساسلىق شەھەرلىرىگە يامرىغان.

بۇ تۈركىيە تارىخىدا قازا قىلغانلار سانى ئەڭ كۆپ بولغان كان پارتىلاش ۋەقەسى يۈز بېرىپ بۈگۈن 3-كۈنگە قەدەم قويدى.

تۈركىيە ئىنىرگىيە مىنىستىرى ئىردىسنىڭ 15- چېسلا چۈشتە ئېلان قىلغان ئەڭ يېڭى ئاخباراتىدا ئېيتىلشىچە،نۆۋەتتە قازا قىلغانلارنىڭ سانى  ئادەمگە يەتكەن بۇلۇپ كۆپ قىسىم قازا قىلغۇچىلار ئاساسلىقى كاربون ئىككى ئوكسىدتىن زەھەرلىنىپ  بەخىتسىزلىككە ئۇچرىغان.

بۇندىن باشقا يەنە 80دىن كۆپرەك ئادەم يارلانغان بۇلۇپ نەچچە ئون ئادەم يەنىلا كان قۇدۇقى ئىچىدە قاپسىلىپ قېلىغلىق ئىكەن. ھازىر بەخىتسىزلىككە يۇلۇققانلار ئىچىدە 217 ئادەمنىڭ جەسىتى دەپنە قىلنىپ بولغان .تېخى تۇنۇۋېلىنمىغان بەخىتسىزلىككە ئۇچرىغۇچىلارنىڭ جەستنى  شۇ يەرلىك ھۆكۈمەت تىزمىىغا ئېلىپ رەت نۇمۇرى ۋە سۈرەت چاپلاپ ئائىلە تاۋاباتىنىڭ كىلىپ تۇنۇۋېلشىنى كۈتۈپ تۇرماقتا.

بېيجىڭ ۋاقتى 14-چېسلا كەچتە تۈركىيە باش مىنىستىرى ئەردوغان ۋەقە يۈز بەرگەن جايغا بېرىپ نەخ مەيداننى كۆزدىن كەرچۈرگەن ھەمدە دوختۇرخانىغا يىتىپ بېرىپ يارىدارلار ۋە ئۇلارنىڭ ئائىلە -تاۋاباتىدىن ھال-ئەھۋال سورىغان.

شۇنىڭ بىلەن بىر ۋاقىتتا ئەردوغاننىڭ بىلدۈرىشچە ھۆكۈمەت تەرەپ چۇقۇم پۈتۈن كۈچىنى چىقىرىپ ياردارلارنى قۇتقۇزدىكەن ھەمدە ۋەقەنى يەنىمۇ ئىچكىرلەپ تەكشۈردىكەن.بۇندىن باشقا يەنە ئەينى ۋاقىتتا جۇڭگوغا زىيارەتكە چىقماقچى بۇلۇپ تۇرغان تۈركىيە پىرىزدېنتى ئابدۇللا گۈلمۇ خىزمەت كۈن-تەرتىپىنى ئۆزگەرتىپ ۋەقە يۈز بەرگەن نەخ مەيدانغا يىتىپ بارغان.

بۇندىن باشقا بىرلەشكەن دۆلەتلەر تەشكىلاتى،ياۋروپا ئىتتىپاقى ،ئامىرىكا،روسىيە،ئىسرائىلىيە،سىپرۇس ۋە گىرىتسىيە قاتارلىق دۆلەتلەرنىڭ ھەممىسى تۈركىيەدىكى كان پارتىلاش ۋەقەسىگە قارىتا ئۆزلىرىنىڭ قايغۇسىنى بىلدۈرگەن.

قىسمەن دۆلەتلەر يەنە ياردەم تەمىنلەشكە تەييارلىنىپ بولغانلقنىمۇ بىلدۈرگەن.

14-چېسلا تۈركىيە باش مىنىستىرى ئەردوغان مانىسا رايوندىكى ۋەقە يۈز بەرگەن جايغا مېڭىش يولىدا،قىسمەن ئامما بىلەن ئىشچىلار ئائىلە تاۋاباتىنىڭ نارازلىق بىلدۈرۈش ھەركەتلىرى كۆرۈلگەن .كىشىلەر يۇقىرى ئاۋازدا ‹‹ھۆكۈمەت تەخىتتىن چۈشسسۇن!››،‹‹ئەردوغان ئىستىپا بەرسۇن›› دەپ  شۇئارلارنى توۋلىغان ھەمدە ساقچىلار بىلەن توقۇنۇش يۈز بەرگەن.شۇكۈنى نارازلىق نامايىشى ئاساسلىقى چوڭ شەھەرلەر بىلەن ئالىي مەكتەپلەرگە مەركەزلەشكەن.

تۈركىيە پايتەختى ئەنقەرىنىڭ مەركىزدىكى خەلىق مەيدانىدا كىشىلەر قولىدا كان ئىشچىلىرنىڭ بىخەتەرلىك  قالپىقنى كۆتۈرۋېلىپ كان ئىشچىلىرىدەك ياسنىپ ئاساسلىق چوڭ كۇچىلاردا نامايىش قىلغان.زوراۋانلىقتىن مۇداپىئەلىنىش ساقچىلىرى نامايىش قىلغۇچىلارغا قارىتىپ يۇقىرى بېسىملىق سۇ پۈركىگەن بىراق نامايىشچىلار ساقچىلارغا قارىتىپ تاش ۋە يېقىلغۇ بۇيۇملارنى ئېتىپ قارشىلىق كۆرسەتكەن.

تۈركىيە ئوتتۇرا شەرق تېخنىكا ئۇنۋىرستىتىنىڭ مىڭغا يېقىن ئۇقۇغۇچىسى مەكتەپ ئىچىدە نامايىشنى باشلاپ تۈركىيەنىڭ ئىنىرگىيە ئورگىنغا بارماقچى بولغاندا ساقچىلارنىڭ توسقۇنلۇق قىلشىغا ئۇچراپ كەسكىن توقۇنۇش يۈز بەرگەن. نامايىش پائالىيەتلىرى يەنە ئوخشاش ۋاقىتتا ئىستانبۇل،ئەسكى شەھەر قاتارلىق نەچچە ئون شەھەردىمۇ ئېلىپ بېرىلغان.جەمئىي 40 تىن كۆپرەك نامايىش قىلغۇچى ساقچىلار تەرپىدىن تۇتۇپ كىتىلگەن.

مۆلچەرلىنشىچە خەلىقنىڭ ئىش تاشلاپ نارازلىق بىلدۈرۈش پائالىيەتلىرى بارغانسىرى كۈچىيىشكە يۈزلەنگەن.

بۇ قېتىمقى ۋەقەگە قارىتا خەلىق مەسئۇلىيەتنى ھۆكۈمەتنىڭ كان ساھەسىنىڭ بىخەتەرلىكى ۋە كان شارائىتىغا سەل قارىغانلقىغا ئارتقان.تۈركىيە ‹‹بۈگۈنكى دەۋىر››گېزىتنىڭ تورىدا خەۋەر قىلنىشچە،بەزى كان ئىشىچىلرنىڭ ئائىلە تاۋاباتى زىيارەتنى قۇبۇل قىلغان بىلدۈرىشچە،ئۇلار مانىسا كان قۇدۇقى ئىشقا كىرىشكەن يېقىنقى 10 يىلدىن بۇيان ئەزەلدىن رەسمىي يۇسۇندا بىخەتەرلىك تەكشۈرشى ئېلىپ بارغانلقنى بىلمەيدىكەن. ھەرقېتىم پەقەت شەكىلگىلا كۆرسىتىپ قۇيدىكەن.

مەزكۇر خەۋەردە ئېيتىلشىچە،سومادىكى كان ئىشچىلىرنىڭ ھەر ئايلىق مائاشى 1200 لىرا ،تەخمىنەن 600 دوللار بۇلۇپ،تۈركىيەدە تۆۋەن كىرىملىك سەۋىيە بۇلۇپ ھېساپلىندىكەن.بۇنداق يۇقىرى خەۋپى بار خىزمەتنىڭ مائاشىنىڭ تۆۋەن بۇلشى ھەم يەنە بىخەتەرلىك تەدبىرلىرنىڭ كاپالەتكە ئىگە بولماسلىقى كۆپلىگەن ئائىلە تاۋاباتى ۋە ئاممىنىڭ ھۆكۈمەتكە بولغان نارازلىقنى قوزغىغان .

يەنە بىر تەرەپتىن ئېيتقاندا بۇ قېتىمقى ۋەقە ئوخشاش بىر ۋاقىتتا ئۆكتىچى پارتىيەنىڭ ھوقۇق تۇتۋاتقان پارتىيەگە يەنە بىر قېتىم زەربە بىرششىنى كەلتۈرۈپ چىقارغان.

تۈركىيەدىكى ئەڭ چوڭ ئۆكتىچى پارتىيە جۇمھۇرىيەتچىلەر خەلىق پارتىيسىنىڭ پارلامىنىت ئەزاسى ئىزگۇر بۇندىن ئىلگىرى بىلدۈرۈپ ھوقۇق تۇتۇۋاتقان ئادالەت ۋە تەرەققىيات پاتىيسى 4-ئاينىڭ29-كۈنى پارلامنىت يىغنىدا ئوتتۇرغا قۇيۇلغان  سوما رايوندىكى كانغا قارىتا بىخەتەرلىك تەكشۈرۇش ئېلىپ بېرىش تەلپىنى رەت قىلۋەتكەن دىگەن.

تۈركىيە ئاخبارات ۋاستىللىرنىڭ خەۋەر قىلشىغا ئاساسلانغاندا ، كۆپلىگەن ئۆكتىچى پارتىينىڭ پارلامىنىت ئەزالىرى بۇندىن ئىلگىرى مۇشۇ ئىشقا قارىتا ھوقۇق تۇتۇۋاتقان پارتىيەدىن مەسئۇلىيەتنى سۈرۈشتە قىلغان.