سۇمرۇغ تەنتەربىيىسى لەگلەك تورى تەرجىمىسى

بېيجىڭ ۋاقتى5-ئاينىڭ13-كۈنى ئۇرۇگۋاي دۆلەت كوماندىسى بىرازىلىيە دۇنيا لوڭقىسى پۇتبول مۇسابىقىسىگە قاتنىشىدىغان25كىشىنىڭ تىزىملىكىنى ئېلان قىلدى،بۇ قېتىملىق دۇنيا لوڭقىسى كىچىك گۇرۇپپا مۇسابىقىسىدە ئۇرۇگۋاي كوماندىسى ئىسمى-جىسمىغا لايىق ھالاكەت گۇرۇپپىسىغا ئايرېلغان بولۇپ ئۇلار ئىتالىيە كوماندىسى، ئىنگىلاند كوماندىسى ۋە كوستارىكا كوماندىسى بىلەن بىللە «د» گۇرۇپپىغا بۆلۈنگەن.

ئۇرۇگۋاي كوماندىسىنىڭ يېقىندىن بۇيانقى نەتىجىسى ئالاھىدە ياخشى بولۇپ2007-يىلىدىكى ئامىرىكا قىتئەسى لوڭقىسىدا ئۇلار4كۈچلۈك كوماندا قاتارىغا كىرگەن، 2010-يىلىدىكى دۇنيا لوڭقىسى مۇسابىقىسىدىمۇ4كۈچلۈك كوماندا ئىچىگە كىرگەن،2011-يىلى ئامىرىكا قىتئەسى لوڭقىسى مۇسابىقىسىدا چىمپىيۇن بولغان بۇ ئۇلارنىڭ15-قېتىم بۇ لوڭقىغا ئېرىشىشى بولۇپ ئارگېنتىنا كوماندىسىدىن ھالقىپ بۇ تۈردە چىمپىيۇن بولغان قېتىم سانى ئەڭ كۆپ دۆلەتكە ئايلاندى.

ئۇرۇگۋاي كوماندىسى دۇنيا لوڭقىسى مۇسابىقىسىدا شانلىق تارىخلارنى ياراتقان كوماندا بولۇپ، 1930-يىلى ئۇرۇگۋاي ئۆز دۆلىتىدە ئۆتكۈزۈلگەن تۇنجى نۆۋەتلىك دۇنيا لوڭقىسى مۇسابىقىسىدە چىمپىيۇن بولغان بولۇپ ھازىرغىچە ھېقايسى بىر دۆلەت ئۆز تۇپرىقىدا ئۆتكۈزۈلگەن دۇنيا لوڭقىسى مۇسابىقىسىدا چىمپىيۇن بولۇشتەك بۇ رېكورتنى بۇزالمىدى.

1950-يىلىدىكى دۇنيا لوڭقىسى مۇسابىقىسىدا ئۇرۇگۋاي كوماندىسى بىرازىلىيىدە ئۆتكۈزۈلگەن دۇنيا لوڭقىسى مۇسابىقىسى ھەل قىلغۇچ مۇسابىقىسىدا ساھىبخان دۆلەت بىرازىلىيە كوماندىسىنى مەغلۇپ قىلىپ يەنە بىر قېتىم دۇنيا چىمپىيۇنى بولدى شۇنداقلا بىرازىلىينىڭ ئۆزتۇپرىقىدا دۇنيا چىمپىيۇنى بولۇش ئارزۇسىنى كۆپۈككە ئايلاندۇرۇپ بىرازىلىيىلىكلەرنىڭ يۈرىكىدە ئۇنتۇلغۇسىز بىر جاراھەت قالدۇردى. ئۇنىڭدىن باشقا1954-يىلى، 1970-يىلى، 2010-يىلى ئۆتكۈزۈلگەن دۇنيا لوڭقىسى مۇسابىقىللىرىدا ئۇرۇگۋاي كوماندىسى4كۈچلۈك كوماندا ئىچىگە كىردى ھەم ئەڭ ئاخىرى4-لىككە ئېرىشتى. بۇنىڭ ئىچىدە بىر قېتىم ۋىنگىرىيە كوماندىسىغا ئۇتتۇرۇپ قويغاندىن سىرىت قالغان ئىككى قېتىمنىڭ ھەممىسىدە گېرمانىيە كوماندىسىغا ئۇتتۇرۇپ قويدى.

ئۇرۇگۋاي كوماندىسىنىڭ بىرازىلىيە دۇنيا لوڭقىسى مۇسابىقىسىگە قاتنىشىدىغان25كىشىلىك تىزىملىكى:

*ۋاراتارلار:

مۇسلېيرا(گالاتاساراي)

سېلۋا(داگاما)

مۇنىئوس(لىبورتاد).

*مۇداپىئەچىلەر:

لۇگانو(غەرىبى بىرومۋېچ)

گودېن(مادرېد تەنھەركەتچىللىرى)

شىمىننىس(مادرېد تەنھەركەتچىللىرى)

كاسېرېس(جۇۋېنتۇس)، پېررېرا(بىنفېكا)

خارېخ(پورتۇ)، كېچ(مىللى)، سېلۋا(رانۇس).

*ئوتتۇرا مەيدان:

ئالۋارو.پېررېرا(سان پاۋلو)

رودرىگۈز(مادرېد تەنھەركەتچىللىرى)

رىئوس(مورېيلىئا)، ئەيگۇلىن(پارمېلاس)

دىيېگو.پېرېز(بولوگنا)

رامىرېس(بولوگنا)

گونزالېس(لازىئو)

رامىرېس(جەنۇبى ئامپىتون)

نىكۇلاس(بوتافوگ).

*ھۇجۇمچىلار:

كاۋانى(پارىژ سائىنت گېرمان)

سۇئارېس(لىۋېرپول)

دىيېگو.فورلان(دابەن نورۇز گۈلى/ياپۇنىيە)

خېرناندېس(پالېرمو)

سىتۇيانى(ئىسپانىيىلىكلەر).