سۇمۇرۇغ تورى خەۋىرى ، لەگلەك تورى تەرجىمىسى .

خۇنەن ئۆلكىسىنىڭ چېنجو شەھرى پارتىيە تەربىيە ئەمەلىيەت پائالىيىتىنى خىزمەت ئاپتوموبىلنى ئىشلىتىشتىن باشلاپ ،پارتىيە ئەزالىرى ۋە كادىرلاردا تۆت خاھىش جەھەتتە مەسىلە كۆرۈلسە ،ئۇلارغا قاتتىق چارە كۆرۈلدى . ئاشكارە يۇشۇرۇن تەكشۈرۈشلەردە نۇرغۇن مەسىلىلەرنى بايقىدى .4-ئاينىڭ 12-كۈنى ،شەنبە خۇنەن ئۆلكىسىدىكى مەمۇرلار ئىمتىھان بېرىدىغان كۈن ئىدى ،يۇشۇرۇن تەكشۈرۈش گۇرۇپپىسىدىكىلەر ،ئىمتىھان نۇقتىسىدىكى ئاپتوموبىل توختۇش مەيدانىدا ، خۇنەن L.S0379 نومۇرلۇق دالا ئاپتوموبىلنى بايقاپ قالدى .

تەكشۈرۈشتە ئۇنىڭ گۈيدۇڭ ناھىيىلىك ھۆكۈمەت ئىشخانىسىنىڭ ئاپتوموبىلى ئىكەنلىكى ئېنىقلاندى ،شۇ كۈنى ئىمتىھان بەرگۈچىلەرنى توشۇغان بۇ خىزمەت ئاپتوموبىلنىڭ شەخسى ئىشقا ئىشلىتىلگەنلىكىنىڭ تىپىك مىسالى .
چۈش سائەت 1:00يۇشۇرۇن تەكشۈرۈش گۇرۇپپىسىدكىلەر بىر بەزمىخانا ئالدىدا يەنە بىر خىزمەت ئاپتوموبىلنى بايقىدى . ماشىنا ئىگىسىدىن بۇ قايسى ئورۇننىڭ دەپ سورالغاندا ،ماشىنا ئىگىسى مەن بۇ يەردە تۇرىمەن ، بۇ ھۆكۈمەت ئاپتوموبىلى ئەمەس دەپ جاۋاپ بەرگەن ، ئارقىدىن شوپۇر ئاپتوموبىلنى ھەيدەپ ئالدىراپلا كېتىپ قالغان . بۇ چېنجو شەھەرلىك مىللەتلەر دىن ئىشلىرى ئىدارىسىنىڭ ئاپتوموبىلى ئىكەن . يۇشۇرۇن تەكشۈرۈش ئىدارىسىدىكىلەر بىر چۈشتىن بۇرۇن ،خىزمەت ئاپتوموبىلنى بەلگىلىمىگە خىلاپ ھالدا ئىشلىتىش قىلمىشىدىن ئالتىنى بايقىغان .

شۇ كۈنى يەنى چېنجو شەھىرىدىكى بەزى ئورۇنلارنى ئۇشتۇمتۇت تەكشۈردى ، چېن جۇ شەھەرلىك مۇھىت ئاسراش ئىدارىسىدە 16 ئاپتوموبىلنىڭ ئىچىدىكى بەش ئاپتوموبىلنىڭ قارىسىمۇ كۆرۈنمىدى ، خىزمەتچىلەرمۇ ھۆكۈمەت ئىشىغا ئىشلىتىلگەنلىك ئىسپاتىنى كۆرسىتەلمىگەن .ئەمما شوپۇر ئاپتوموبىلنى شەھەرلىك ھۆكۈمەت قورۇسىغا توختىتىپ قويغانلىقىنى ئېيتقان . قائىدە بويىچە بولغاندا ، تۇنجى قېتىم بايقالغان ئورۇننىڭ خىراجىتىدىن مىڭ يۈەن تۇتۇپ قېلىنىدۇ ، ھۆكۈمەت ئاپتوموبىلنى بەلگىلىمىگە خىلاپ ھالدا ئىشلەتتى دەپ ئالاقىدار كىشىدىن 200يۈەن جەرىمانە ئېلىنىدۇ ، ئىككىنچى قېتىم مەسىلە كۆرۈلسە ،تەشكىلى جەھەتتىن بىر تەرەپ قىلىنىدۇ . ئۈچىنچى قېتىم مەسىلە كۆرۈلسە ، ئىدارىنىڭ ئاسالىق مەسئۇلىنىڭ جاۋابكارلىقى سۈرۈشتۈرمە قىلىنىدۇ .

لەگلەك تورى ئۈندىدار سالونىنى قۇشىۋېلىڭ ، ئىزدەش نومۇرى :LEGLEK