ھىندىستان زۇڭلىسى مودى زىيارەتكە كەلگەن فىرانسىيە زۇڭتۇڭى ھوللاندى بىلەن 25- يانۋار يېڭى دېھلىدا، ئىككى تەرەپنىڭ ھىندىستاننىڭ فىرانسىيەدىن 36 دانە «قويۇن» ناملىق كۈرەشچى ئايروپىلان سېتىۋېلىشىدا كېلىشىم ھاسىل قىلغانلىقىنى جاكارلىدى. مودى بىلەن ھوللاندى كۆرۈشىشتىن كېيىن بىرلىكتە مۇخبىرلارغا مۇنداق دېدى، ئىككى تەرەپ يېقىندا ئەڭ ئاخىرقى باھا ۋە پۇلنى قانداق تۆلەش قاتارلىق ئىنچىكە ھالقىلاردا بىرلىككە كەلسە، ئالاقىدار سۆھبەت ئاخىرلىشىش باسقۇچىغا كىرىدۇ. ھوللاندى مۇنداق دېدى، «قويۇن »ناملىق كۈرەشچى ئايروپىلان فىرانسىيەنىڭ ئەڭ ئىلغار كۈرەشچى ئايروپىلانى، ھازىر سۇرىيەدە ئىسلام دۆلىتى ئەسەبىي تەشكىلاتىغا زەربە بېرىشكە ئىشلىتىلىۋاتىدۇ. شۇ جايدىكى تاراتقۇلار مۇنداق دېدى، ھىندىستان بۇ قېتىم فىرانسىيەدىن سېتىۋالغان 36 دانە «قويۇن» ناملىق كۈرەشچى ئايروپىلاننىڭ باھاسى تەخمىنەن 8 مىليارد 800 مىليون ئامېرىكا دوللىرى كېلىدۇ.