asey Fischer بولسا ناھايىتى ئاددىي بولغان بىر ئالىي مەكتەپ ئوقۇغۇچىسى، لېكىن ئۇنىڭ قىلغان ئىشى ھەقىقەتەن ئادەتتتىكىچە ئەمەس. بىر كۈنى ئۇ بۇرۇنقىدەكلا بىر تاتلىق تۈرۈم دۇكىنىغا بېرىپ نەرسە سېتىۋالغان، بۇ چاغدا بىر كىشىنىڭ دۇكاننىڭ سىرتىدا بىر تەرەپتىن ناخشا ئېيتىپ، بىر تەرەپتىن پۇل تېپىۋاتقانلىقىنى كۆرگەن.

       ئۇ قاراپ تۇرسا ھېلىقى كىشى دۇكانغا كىرىپ، تاپقان پۇللىرىنى ساناپ بېقىپ نەرسە سېتىۋالماقچى بولغان. شۇنىڭ بىلەن بۇ قىز ئولتۇرالماي قالغان ۋە بېرىپ ئۇ كىشى بىلەن پاراڭلاشماقچى بولغان. لېكىن بۇ كىشى ئۇنىڭ بىلەن پاراڭلىشىشنى خالىمىغان. ئەقىللىق قىز ئۇنىڭ نەرسە ئېلىشقا پۇلى يەتمىگەنلىكىنى كۆرۈپ، ئۇنىڭغا قەھۋە ۋە بولكا ئېلىپ بېرىپ پاراڭلىشىشقا تەكلىپ قىلغان.

      شۇنىڭ بىلەن، بۇ كىشى ئۆزىنىڭ ماكانسىز بولغاچقا ھەمىشە باشقىلارنىڭ ناچار مۇئامىلىسىگە ئۇچرايدىغانلىقىنى ئېيتقان. بۇنىڭدىن باشقا يەنە زەھەرلىك چېكىملىك ئۇنى ئۆزۈمۇ يامان كۆرىدىغان بىرىگە ئايلاندۇرۇپ قويغانلىقىنى ئېيتقان. بۇ كىشىنىڭ ئاپىسى راك كېسىلى بىلەن ئالەمدىن ئۆتكەن بولۇپ، ئۆزىنىڭ ئاپىسى پەخىرلەنگۈدەك بىر ئادەم بولۇش ئارزۇسى بارلىقىنى بىلدۈرگەن. بۇ كىشىنىڭ ئىسمى كرىس بولۇپ، قىزچاق ئۇنىڭدەك سەمىمىي، راستچىل كىشىنى ئۇچرىتىپ باقمىغانكەن.

      ئۇلار نەچچە سائەت پاراڭلاشقان بولۇپ، ئاخىرى قىز ئۆزىنىڭ دەرسكە بېرىشى كېرەكلىكىنى ئەسكە ئالغان. ئۇ كرىس بىلەن خوشلىشىپ ماڭىدىغان چاغدا، كرىس ئۇنى توختاتقان ۋە بىر قەغەزگە بىر نەرسىلەرنى يېزىپ قىزغا بەرگەن ۋە ئۆزىنىڭ خېتىنىڭ سەتلىكىنى ئېيتىپ كەچۈرۈپ سورىغان.

      بۇ قەغەزگە مۇنداق دەپ يېزىلغانىدى: «ئەسلىدە مەن بۈگۈن ئۆلۈۋالماقچى ئىدىم. سىز بولغاچقا مەن ھايات قالدىم. رەھمەت سىزگە، ئاقكۆڭۈل كىشى».

      ئۇ بۇ ئىشنى فېيىسبۇكقا چىقارغان ھەمدە نۇرغۇنلىغان كىشىنىڭ قوللىشىغا ئېرىشكەن. نۇرغۇنلىغان تورداشلار ئۇنى ماختاپ، بۇ دۇنيانىڭ ناھايىتى كۆپلىگەن بۇ قىزدەك كىشىلەرگە ئېھتىياجلىق ئىكەنلىكىنى ئېيتقان.

        بۇنداق ھېكايىلەر كىشىگە ھەقىقەتەن ئىلھام بېرىدۇ، بەلكىم بۇ قىز كرىسقا نەرسە ئېلىپ بەرگەندە، بۇنى بىر كىچىككىنە ئىش دەپ ئويلىغان بولۇشى مۇمكىن. لېكىن بۇ قىزچاقنىڭ تۈرتكىسىدە كرىسنىڭ ھاياتىدا چوڭ ئۆزگىرىش بولغان.