مەملىكەتلىك 13-نۆۋەتلىك قىشلىق تەنھەرىكەت مۇسابىقىسىنىڭ تۈرلۈك داۋالاش-سەھىيە تەكشۈرۈش خىزمەتلىرىنىڭ ئوڭۇشلۇق ئېلىپ بېرىلىشىغا كاپالەتلىك قىلىش ئۈچۈن، 12-يانۋار، مەملىكەتلىك 13-نۆۋەتلىك قىشلىق تەنھەرىكەت مۇسابىقىسى روھلاندۇرۇش دورىلىرىنى تەكشۈرۈش پىدائىيلىرى شىنجاڭ تېببىي ئۇنىۋېرسىتېتىدا تەربىيەلەندى.

     مەملىكەتلىك 13-نۆۋەتلىك قىشلىق تەنھەرىكەت مۇسابىقىسى روھلاندۇرۇش دورىلىرى خىزمىتىنى تەكشۈرۈش باشقارمىسىنىڭ باشلىقى ۋاڭ شۇشېڭ شىنجاڭ تېببىي ئۇنىۋېرسىتېتى روھلاندۇرۇش دورىلىرىنى تەكشۈرۈش پىدائىيلىرىنى تەربىيەلىدى.

   تەربىيەلەشتە ۋاڭ شۇشېڭ روھلاندۇرۇش دورىلىرى خىزمىتىنىڭ مۇھىملىقىنى كۆرسەتتى ھەم روھلاندۇرۇش دورىلىرىغا قارشى تۇرۇش خىزمەت ۋەزىپىسى ۋە خىزمەتنىڭ مۇھىم نۇقتىسىنى تەپسىلىي چۈشەندۈردى.

     ۋاڭ شۇشېڭ مۇنداق دېدى: «مەملىكەتلىك 13-نۆۋەتلىك قىشلىق تەنھەرىكەت مۇسابىقىسى پىدائىيلىرى مەكتەپنىڭ ئوبرازىغا ۋەكىللىك قىلىپلا قالماي، تېخىمۇ مۇھىمى شىنجاڭنىڭ ئوبرازى ۋە ياشلار روھىغا ۋەكىللىك قىلىدۇ، پىدائىيلارنىڭ كەسپىي پوزىتسىيە ۋە مەسئۇلىيەت ئېڭىنى كۈچەيتىپ، ئىتتىپاقلىشىپ ھەمكارلىشىش ۋە جاپاغا چىداش روھىنى نامايان قىلىپ، قىشلىق تەنھەرىكەت مۇسابىقىسىنىڭ تەكشۈرۈش ئىشلىرىغا كاپالەتلىك قىلىشىنى ئۈمىد قىلىمەن».

    ئىگىلىنىشىچە، مەملىكەتلىك 13-نۆۋەتلىك قىشلىق تەنھەرىكەت مۇسابىقىسى روھلاندۇرۇش دورىلىرىنى تەكشۈرۈش پىدائىيلىرىنىڭ كۆپ قىسمى شىنجاڭ تېببىي ئۇنىۋېرسىتېتىدىن كەلگەن بولۇپ، قاتتىق تاللاشتىن ئۆتكەن، داۋالاش خىزمىتى ۋە ئوقۇتۇش بىرلەشتۈرۈلگەن پىدائىيلار مۇلازىمەت ئەترىتىدىن تەركىب تاپقان.