جۇڭگۇ دۆلەت رەئىسى شى جىنپىڭ بېرلىندا نوتۇق سۆزلىگەندە، نەنجىڭ چوڭ قىرغىنچىلىقى كەلتۈرۈپ چىقارغان 300 مىڭ ئادەمنىڭ ھاياتىدىن ئايرىلغانلىقىدەك ئشنى تىلغا ئالغانلىقىغا قارىتا ياپونىيە ھەربىي ئەمەلدارى 3-ئاينىڭ 30-كۈنى فۇجى تېلىۋىزىيە ئىستانسىسىنىڭ مەلۇم بىر پروگراممىسىدا مۇنداق دېگەن: « ئادەم سانىغا مۇناسىۋەتلىك ھەرخىل پىكىرلەر مەۋجۇتلۇقىغا بىز بەك ئەپسۇسلاندۇق». بۇ ھەربىي ئەمەلدار يەنە ياپونىيە تاشقىي ئىشلار مىنىستىرلىكىنىڭ مۇشۇ ئاينىڭ 29-كۈنى جۇڭگۇنىڭ ياپونىيەدە تۇرۇشلۇق باش ئەلچىخانىسنىڭ مىنىستىرىگە ئېتىراز بىلدۈرگەنلىكىنىمۇ ئاشكارىلىغان.

پىروگراممىنى سۈرەتكە ئېلىش ئاخىرلاشقاندىن كېيىن مەزكۇر ئەمەلدار مۇخبىرلارغىمۇ مۇنداق دېگەن: « جۇڭگۇ رەھبىرىنىڭ ئۈچىنچى دۆلەتتە ( ياپونىيە ۋە جۇڭگۇدىن باشقا ئۈچىنچى بىر دۆلەتتە دېمەكچى) ياپونىيەنىڭ تارىخىغا قارىتا مۇنداق سۆز قىلغانلىقىنىڭ ئەسلا ئىجابىي تەرىپى يوقۈ. ئۇ يەنە مۇنداق دەپ تەكىتلىگەن: «  ياپونىيە ئۇرۇشتىن كېيىنكى 69 يىلدىن بۇيان ئىزچىل ئەركىنلىك،  دىموكراتىك،  قانۇن تۈزۈملۈك تىنچ تەرەققىي قىلىش يولىدا چىڭ تۇرىۋاتىدۇ. تىنچ دۆلەت بولۇش سۈپىتى بىلەن يەنە تېخى دۇنيانىڭ تىنچلىق ئىشلىرى ئۈچۈن ئاز بولمىغان تۆھپىلەرنى قوشتى. بۇنى نۇرغۇن دۆلەتلەر ئېتراپ قىلىدۇ».

ۋاڭيى تورى خەۋىرى، لەگلەك تورى تەرجىمىسى.

لەگلەك تورى ئۈندىدار سالونىنى قوشىۋېلىڭ——ئىزدەش نامى LEGLEK

تەھرىر: ئوسمان