تاراتقۇلارنىڭ خەۋىرىگە ئاساسلانغاندا، سەئۇدى ئەرەبىستانى دىپلوماتىيە ۋەزىرى 9 - يانۋار ئىراننى ئاگاھلاندۇرۇپ، ئىراننىڭ باشقا دۆلەتلەرنىڭ ئىچكى ئىشلىرىغا ئارىلىشىشىنى توختاتمىسا، سەئۇدى ئەرەبىستاننىڭ تېخىمۇ كۆپ قارشى تەدبىرلەرنى ئىشلىتىدىغانلىقىنى بىلدۈرگەن.

    سەئۇدى ئەرەبىستانى دىپلوماتىيە ۋەزىرى جۇبەر بۇ قېتىملىق مۇخبىرلارنى كۈتۈۋېلىش يىغىنىدا مۇنداق دېدى : « ئىككى دۆلەت مۇناسىۋىتىنىڭ يامانلىشىشىنىڭ، ئاساسلىق مەنبەسى ئىران، سەئۇدى ئەرەبىستانى ياكى پارس قولتۇقى ئەرەب دۆلەتلىرى ئەمەس. ئەگەر ئىران ھازىرقى سىياسىتىنى داۋامللاشتۇرسا، بىز تېخىمۇ كۆپ تەدبىرلەرنى قوللىنىپ، ئۇلارنى توسىمىز».

   پارس قولتۇقى ئەرەب دۆلەتلىرى ھەمكارلىق كومىتېتى جىددىي دىپلوماتىيە مىنىستىرلىرى يىغىنى 9 - يانۋار رىيادتا ئۆتكۈزۈلدى، يىغىندا يېقىندىن بۇيانقى ئىران بىلەن بولغان مۇناسىۋېتى ناچارلىشىش قاتارلىق مەسىلىلەر مۇزاكىرە قىلىندى. ھەمدە يىغىندا ئىران پۇقرالىرىنىڭ سەئۇدى ئەرەبىستان ئەلچىخانىسىغا ھۇجۇم قىلغانلىقىنى قاتتىق ئەيبلىدى.

    بۇ يىل 1-ئاينىڭ 2-كۈنى، سەئۇدى ئەرەبىستانى ئۆلۈم جازاسى بېرىلگەن 47 تىرورچىلىق جىنايىتى ئۆتكۈزگەن جىنايەتچىلەرنى «بىر تەرەپ» قىلىدىغانلىقىنى ئېلان قىلغان. بۇلارنىڭ ئىچىدە شىئە مەزھىپى دىندارلارنىمۇ ئۆز ئىچىگە ئالىدىغان بولۇپ 2 -يانۋار يېرىم كېچىدە ، زور تۈركۈمدىكى ئىران پۇقرالىرى توپلىشىپ ، ئىران پايتەختى تېھراندا سەئۇدى ئەرەبىستان ئەلچىخانىسىغا ھۇجۇم قىلغان. 3 - يانۋار ، سەئۇدى ئەرەبىستانى ئىران بىلەن دېپلوماتىيە مۇناسىۋېتىنى ئۈزىدىغانلىقىنى جاكارلىغان.