ئالما شىركىتى ئۆزىنىڭ ئورگان تەرەپ تور بېكىتىنى يېڭىلاپ، Apple Watch ئەقلىي ئىقتىدارلىق سائىتىنىڭ 25-چېسلادىن باشلاپ ئېرلاندىيە، دانىيە،ئاۋىستىرىيىدە سېتىلىدىغانلىقىنى ئاشكارىلىدى. iPhone 6s يانفونى ۋە iPhone 6s Plus يانفونلىرىمۇ 9-ئاينىڭ 25-كۈنى ئالدىن زاكاز قىلىپ سېتىۋالغان ئېستىمالچىلارنىڭ قولىغا يەتكۈزۈپ بېرىلىدىغان بولۇپ، ئاۋىستىرىيە، دانىيە، ئېرلاندىيە قاتارلىقلار iPhone 6s Plus يانفونى تۇنجى تۈركۈمدە سېتىلىدىغان دۆلەتلەر ئىچىدە ئىدى ئەلۋەتتە.  ئالما شىركىتى 2015-يىلىنىڭ ئاخىرىدىن بۇرۇن دۇنيادىكى 130 دۆلەتتە iPhone 6s Plus يانفونىنى سېتىشنى ئۈمىد قىلىدىغانلىقىنى بىلدۈرگەن.

بۇ يىل 7-ئاينىڭ ئاخىرىغا قەدەر، Apple Watch ئەقلىي ئىقتىدارلىق سائىتى ئاللىقاچان يېڭى زېللاندىيە، تۈركىيە ۋە روسىيە قاتارلىق دۆلەتلەردە سېتىلىشقا باشلىغان بولۇپ، ئالما شىركىتىنىڭ باش ئىجرائىيە ئەمەلدارى-تىم كۇك تۈركىيە ئىستانبۇلدىكى ئالما مەھسۇلاتلىرىنى سېتىش دۇكىنىنى زىيارەت قىلدى شۇنداقلا ئالما شىركىتى يېڭى مەھسۇلاتلىرىنىڭ سېتىشنى باشلىغانلىقىنى تەبرىكلىدى.

     Apple Watch ئەقلىي ئىقتىدارلىق سائىتى بۇ يىل 4-ئايدا 9 دۆلەتتە سېتىلىشقا باشلىغان بولۇپ، كەينىدىن  بۇ ئەقلىي ئىقتىدارلىق سائەتنىڭ باشقا دۆلەتلەردە سېتىلىشى تەدرىجىي ھالدا كېڭەيتىلدى.