6-يانۋار سانجى مۇسابىقە رايونى بولغان تەڭرىتاغ بۇغدا كۆلى خەلقئارا قار تېيىلىش مەيدانىدا قار تېيىلىش مەكتىپىنىڭ مۇئاۋىن مۇدىرى ليۇ يۈ تىرېنېرلارنى يېتەكلەپ جىددىي قۇتقۇزۇش ئەمەلىي مەشىقى ئېلىپ باردى. ئىگىلىنىشىچە، بۇ نۆۋەتلىك قىشلىق تەنھەرىكەت مۇسابىقىسىدە ليۇ يۈ قاتارلىق 8 كىشى داۋالاش خادىملىرىغا ياردەملىشىپ قۇتقۇزۇش خىزمىتىنى ئۆز ئۈستىگە ئالىدىكەن.      مۇسابىقە مەزگىلىدە بۇ 8 تىرېنېرنىڭ مەخسۇس ئورنى بولىدىكەن، شۇنداقلا ئۇلارغا ئىككى قار تېيىلىش موتوسىكلىتى ۋە قۇتقۇزۇش ئۈسكۈنىلىرى سەپلەپ بېرىلىدىكەن. يارىلانغۇچىلارنىڭ يارىلىنىش دەرىجىسىگە قاراپ قۇتقۇزۇش ئۇسۇلى قوللىنىلىدىغان بولۇپ، ئەگەر يېنىك يارىلانغان بولسا، موتوسىكلىت ئارقىلىق يارىلانغۇچى تېزلىكتە جىددىي قۇتقۇزۇش ئۆيىگە ئاپىرىلىدىكەن، ئېغىر يارىلانغانلارغا باشقا ئۈنۈملۈك، تېز سۈرئەتلىك قۇتقۇزۇش ئۇسۇلى قوللىنىلىدىكەن.