جۇڭگو ئاخپارات تورى خۈيجوۋ 2-چېسىلا تېلېگراممىسى، 2-چېسىلا كەچ سائەت 10دا، گۇاڭدۇڭ خۈيجوۋ شاۋجىنكوۋدىكى بىر ئولتۇراق رايونىغا ئوت كەتكەن. خۈيجوۋدىكى ئوت ئۆچۈرۈش خادىمى ھەمدە شۇ جايدىكى كوچا باشقارما رەھبىرىنىڭ تونۇشتۇرىشىچە، كۆپ ئادەم ئوت ئىچىگە قاپسىلىپ قالغان، ماقالىنى ئەۋەتكىچە بولغان ئارلىقتا، ئوت ئۆچۈرۈش خادىملىرى قاپسىلىپ قالغان سەككىز ئادەمنى قۇتۇلدۇرۇپ چىققان، يارىلانغان ئالتە ئادەم دوختۇرخانىغا ئاپىرىپ قۇتقۇزۇلغان، ئۇنىڭ ئىچىدىكى بىر كىچىك بالا ئېغىر يارىلانغان.

     تونۇشتۇرۇلۇشىچە، ئوت ئاپىتى يۈز بەرگەن ئولتۇراق رايون خۈيجوۋ شاۋجىنكوۋ كوچىسى بوگاڭ جاڭكەن كەنتىدە بولۇپ، بۇ تۇرالغۇنىڭ  ئىگىلىگەن يەر كۆلىمى 100 نەچچە كىۋادرات مېتىر ئىكەن. ئوت كەتكەندە كۆپ قىسىم ئاھالىلەر 6-قەۋەتتىكى بالكونغا چىقىپ، شوتا بىلەن يان تەرەپتىكى بىنا بىلەن تۇتاشتۇرۇش ئېلىپ بېرىپ قېچىپ قۇتۇلغان. ئوت كەتكەن جاينىڭ ئەتراپىدا كۆپلىگەن ئىجارە ئۆيلەر بار ئىكەن.  

 ئىگىلىشىمىزچە، يارلانغانلارنىڭ ھەممىسى يېقىندا خىزمەت ئۈچۈن سىرتتىن كەلگەن كىشىلەر بولۇپ، 4-قەۋەتتىن قۇتقۇزىۋېلىنغان خۇاڭ ئەپەندىمنىڭ ئېيتىپ بېرىشىچە، سائەت 10دا، ئۇ يانفوندا تورغا چىقىۋاتقاندا ئۆيىگە ئوت كېتىپ توك توختاپ قالغان، ئاۋال 1-قەۋەتكە ئوت كېتىپ، ئارقىدىن 2،3،4-قەۋەتلەرگە تۇتاشقان.

    شۇ كېچە تەخمىنەن سائەت 11 بولغاندا ئوت ئۆچۈرىۋېلىنغان، ئوت ئۆچۈرۈش خادىملىرى تېخىچە نەق مەيداندا قاپسىلىپ قالغانلارنىڭ بار-يوقلۇقىنى تەكشۈرمەكتە. شاۋجىنكوۋ كوچا باشقارمىسىدىكى بىر ئەمەلدارنىڭ تونۇشتۇرۇشىچە، ئوت كەتكەندىكى سەۋەب، بىرىنچى قەۋەتتىكى زەرەتلىنىۋاتقان توكسىكلىت ئاككۇمۇلياتورىنىڭ پارتلاپ كەتكەنلىكىدىن ئىكەن.